Þingtíðindi Alþýðuflokksins - 16.11.1984, Page 69

Greinargerð
í því efnahagslega umróti, sem verið hefur á íslandi hin síðari
ár, hafa þúsundir manna misst fótfestu í einkafjármálum.
Þeir, sem stofnað höfðu til skulda, m.a. vegna húsbygginga
skömmu áður en innlán og útlán banka og sjóða voru verð-
tryggð, hafa komist í þá aðstöðu, að skuldir þeirra hafa nán-
ast orðið óbærilegar. Þá hefur verðbólguhugsunarháttur
ekki breyst til muna, og menn tekið lán hafi þeir átt kost á
þeim. í þessum efnum eru sjálfskaparvítin ekki betri en önn-
ur. Hávaxtastefna núverandi ríkisstjórnar, sem er einn þátt-
urinn i stefnu óheftrar frjálshyggju, hefur nú höggvið svo
nærri öllum þeim, er einhverja fjármuni skulda, að vísvitandi
virðist stefnt að skiptingu þjóðarinnar í ríka og fátæka.
Þessu til viðbótar er rétt að benda á þau hungurlaun, sem
almennir launþegar hafa orðið að sætta sig við. Af þeim pen-
ingalaunum hefur ekki verið afgangur til að greiða með
skuldir. Þar koma óbeinar kjarabætur að litlum notum. Að
auki verður að viðurkenna það, að kapphlaup þjóðarinnar
eftir ýmsum veraldlegum gæðum, hefur leitt marga einstakl-
inga út í gífurlegar fjárhagslegar ógöngur.
Þrátt fyrir þetta verður þjóðin að horfast í augu við þá
staðreynd, að hér er á ferðinni vandamál, sem snertir alla
framtíðarþróun og andlega velferð ótrúlega mikils hóps
þjóðfélagsþegnanna. Það skal haft í huga, að skuldugur
maður, sem ekki hefur lengur greiðslugetu til að standa í skil-
um, getur vart talist frjáls maður. Langvarandi áhyggjur
vegna skulda, leiða venjulega til mikilla félagslegra vanda-
mála og erfiðleika á heilbrigðissviðinu.
Af þessum ástæðum, og fjölmörgum öðrum, telur kjör-
dæmisþing Alþýðuflokksins, að brýna nauðsyn beri til, að
komið verði á fót skuldaskilasjóði heimilanna. Tekjur þessa
sjóðs í upphafi gætu verið: 1. Tiltekin upphæð á fjárlögum.
2. Framlag Seðlabanka íslands, sem yrðu þeir refsivextir, sem
hann tekur af viðskiptabönkunum. 3. Ákveðinn hundraðs-
67