Ægir - 01.04.2023, Page 14
14
„Ég hefði auðvitað kosið að úrslit
hefðu verið meira afgerandi. Það má
segja að þetta sé nokkuð tæpt en ég
er hins vegar ánægður með þátttöku í
kosningunum. Hún var góð, rétt yfir
83%,“ segir Árni Sverrisson sem tók
við formennsku í Félagi skipstjórnar-
manna um áramótin síðustu. Hann
vísar hér til úrslita í kosningum um
nýjan kjarasamning sem ríflega 55%
félagsmanna í Félagi skipstjórnar-
manna samþykktu en 42% sögðu nei
við samningnum. Árni hefur starfað
hjá félaginu frá árinu 2017 og tók við
starfi framkvæmdastjóra í byrjun árs
2019. Hann mun allavega gegna for-
mennsku þar til stjórn verður kosin á
næsta ári.
Árni er fæddur og uppalinn á Siglu-
firði en þar í bæ snérist lífið á hans upp-
vaxtarárum um útgerð og fiskvinnslu,.
„Ég byrjaði snemma að vinna við sjávar-
útveginn. Eitt af fyrstu verkefnunum
var að gella og svo vann ég í saltfisk-
verkun og hjá fiskimjölverksmiðjunni
SR-mjöli, sem var stór á þessum tíma,“
segir hann og bætir við að hann hafi
víða komið við á starfsævinni og ávallt
verið í störfum sem tengjast sjávarút-
vegi á einhvern hátt.
Sjómennskan togaði
Árni tók stúdentspróf í Fjölbrautaskólan-
um á Sauðárkróki að loknu grunnskóla-
námi heima á Siglufirði. Þaðan lá leiðin í
útgerðartækni í Tækniskólanum í
Reykjavík og síðan í viðskiptafræði við
Háskóla Íslands.
„Þegar ég var þar á þriðja ári hætti
ég í háskólanum og fór í Stýrimanna-
skólann. Sjómennskan hafði togað í mig
öll mín námsár og ég fór á sjó í hvert
sinn sem færi gafst,“ segir Árni en aldrei
hafi þó annað komið til greina en að ná
sér í menntun. Afi hans í föðurætt hafi
lagt á það ríka áherslu að hann gengi
menntaveginn. „Það kom aldrei neitt
annað til greina og ég sé ekki eftir því,“
segir hann.
Árni lauk fiskimannaprófi frá Stýri-
mannaskólanum árið 1989 og var á sjó í
tvo áratugi. Byrjaði á sjó í heimabyggð
og síðan fyrir sunnan eftir að hann
flutti þangað. „Ég var á allskonar bátum
Dýrmæt og góð
reynsla að hafa siglt
á ýmis konar skipum
Árni í púlti á vettvangi félagsstarfsins.
Rætt við Árna Sverrisson, formann Félags skipstjórnarmanna