Ægir - 01.04.2023, Qupperneq 34

34
Á fjörukambinum við ós Glerár á Akureyri er trégrindarhús
sem reis á síðasta ári, plasteinangrað og gluggalaust. Húsið
sem slíkt lætur ekki mikið yfir sér en innan veggja er hins
vegar verið að vinna að merkilegu verkefni. Húsið var reist
yfir eikarbátinn Bryndísi ÍS sem byggður var árið 1939 og
er elsti skráði eikarbátur landsins. Eigandi bátsins er Hörð-
ur G. Jóhannsson á Akureyri sem hafði lengi haft augastað
á að eignast eikarbát til að gera úr honum skemmtibát fyrir
sig og fjölskylduna. Tækifærið bauðst þegar atvinnuútgerð
Bryndísar ÍS lauk í Bolungarvík um síðustu aldamót og þá
eignaðist Hörður bátinn og sigldi honum í framhaldinu til
Akureyrar. Hörður, sem er rafvirki og vélfræðingur að
mennt, er mikill áhugamaður um smíðar og segir þetta
verkefni sameina smíðaáhugann og þá hugsjón að varð-
veita gamla báta og sögu bátasmíða á liðinni öld. Hann nýt-
ur þess að hafa dyggan stuðning fjölskyldu sinnar í þessu
stóra verkefni sem segja má að hafi farið á fulla ferð síð-
asta haust þegar byggt var yfir bátinn og hin eiginlega
endurbygging og smíðavinna hófst. Þau feðgin Hörður og
Lilja Dís, sem aðstoðar föður sinn í verkefninu, tóku fúslega
á móti blaðamanni og sögðu frá verkefninu.
Eikarbáturinn
Bryndís ÍS gengur
í engurnýjun lífdaga
 Feðginin Hörður G. Jóhannsson og Lilja Dís Harðardóttir um borð í Bryndísi. Hörður hóf endurbyggingu bátsins af fullum
krafti í september síðastliðnum.