Bæjarblaðið Jökull - 22.12.2023, Page 7

Fjölmörg börn í leikskóla Snæfellsbæj-
ar og nemendur á yngri stigum í Grunn-
skóla Snæfellsbæjar hafa heimsótt þjóð-
garðsmiðstöðina á Hellissandi á undan-
förnum vikum. Í þessum heimsóknum
hafa börnin fengið fræðslu frá starfsfólki,
gert sér glaðan dag og haldið listasýn-
ingar. Einhver þeirra hafa meira að segja
verið svo heppin að rekast á jólasvein-
inn á sveimi í þjóðgarðsmiðstöðinni.
Nemendur við Lýsudeild Grunnskóla
Snæfellsbæjar heimsóttu líka Gestastofu
Þjóðgarðsins á Malarrifi fyrir nokkrum
vikum, þar nutu þau leiðsagnar frá land-
verði og óviðjafnanlegrar náttúrufegurð-
ar svæðisins. Snæfellsjökulsþjóðgarður
iðar af lífi og tengsl hans við nærsam-
félagið hafa eflst töluvert með tilkomu
þjóðgarðsmiðstöðvarinnar á Hellissandi.
Tengslin eru hvergi sýnilegri en hjá yngri
kynslóðinni sem býr við þau forréttindi
að alast upp með náttúruperlu eins og
Snæfellsjökulsþjóðgarð í bakgarðinum,
og við góða leik- og grunnskóla sem
kynna heimabyggðina í starfi sínu.
SJ
Jól í þjóðgarðinum