Garður - 01.10.1945, Page 10

8
GARÐUR
væri gömul ,kona í húsinu, sem hefði þekkt hann og mvndi eftir honum.
Það kom upp úr kafinu, að þetta hafði verið Jóhann Sigurjónsson skáld.
Hann hafði átt heima uppi á efsta lofti í húsinu. Undir þessu þaki hefur
Galdra-Loftur sennilega orðið til. — Skammt þarna frá er húsið, þar sem
Jón Sigurðsson átti lengstum heimili. Þar var minningartaflan sett 17.
júní síðastliðinn. Frá þessum slóðum er örstutt til Garðs, þar sem ís-
lenzkir Hafnarstúdentar áttu áðalathvarf fram til 1918, og skammt frá
Garði er hús það, er Jónas Hallgrímsson átti heima í, er hann dó, fyrir
hundrað árum síðan. Á því húsi er iíka minningartafla. Gx-öf Jónasar
er í Assistentskirkjugarðinum rétt handan við vötnin. Hér má segja, að
hvar sem gengið er, sé maður á íslendingaslóðum. Um sumar af þess-
um götum hefur stúdentum einkum oi’ðið tíðförult, þá sérstaklega
Kannikesti'æde, milli Garðs og háskóla, og gegnum trjágarð kóngsins á
leið til Jóns Sigurðssonar, en heimili hans stóð löndum opið eins og
kunnugt er. Þá hefur ekki verið óvenjulegt að fara á skemnxtigöngu
kringum Vötnin. Héðan hefur oft verið hugsað heim, heimþráin hefur
ásótt margan manninn, ekki sízt fyrsta kastið, er hann hefur staðið
einmana og undrandi andspænis hinu nýja og ókunna. Við því hafa
menn brugðizt á ýmsan hátt, eins og glöggt má sjá af íslenzkum Ijóð-
um ortum í Kaupmannahöfn. Sumir bi-ynja sig lítilsvirðingu á öllu því,
sem danskt er, öðrum finnst þeir hafrekið sprek á annarlegri strönd.
En hvað sem tilfinningum manns líður, hefur þessi aðstaða xitlendingsins
fjarri ættjörð sinni orðið félagslífi stúdenta mikil hvatning. Enda hafa
í Höfn skapazt sterkustu stúdentatradisjónir okkar og afdrifaríkustu
félög. Höfn var miðstöð sjálfstæðisbaráttunnar og þaðan bárust menn-
ingarstraumarnir heim. Það voru Hafnarstúdentar, sem héldu liti Ár-
manni á Alþingi, Fjölni og Nýjum félagsritum. í félögum stúdenta
þroskuðust ýmsir þeirra manna, er síðar bar hæst í íslenzkum menn-
ingar- og stjórnmálum. Þetta er glæsileg saga, en verður ekki rakin hér
nánar. IJinsvegar vildi ég segja örlítið fx-á félagsmálum stúdenta í Höfn
hin síðari ár.
Það félag stúdenta, er nú starfar í Iíöfn, heitir fullu nafni Félag ís-
lenzkra stúdenta í Kaupmannahöfn og er stofnað 21. janúar 1893.
Fyrstu stjórn þess skipuðu Bjarni Jónsson frá Vogi, formaður, Guð-
mundur Björnson, síðar landlæknir, skrifari, og Bjarni Sæmundsson
náttúrufræðingur, gjaldkeri. Af stofnendum félagsins eru nú fáir á lífi,