Garður - 01.10.1945, Síða 42

40
GARÐUR
þyrftu ekki að búa við lakari kjör eftir fullveldisviðurkeiyiinguna en
áður, og þjóðinni væri það .nokkur metnaður, að hlúa vel að æðstu
menntastofnun sinni og nemendum hennar. Stúdentar sjálfir höfðu þó
eðlilega forgöngu um að hrinda þessu máli í framkvæmd, en áform
þeirra mætti strax skilningi hjá þjóðinni.
Fyrsta fjársöfnun fór fram árið 1923. Var þá efnt til happdrættis
til ágóða fyrir væntanlegt stúdentaheimili. Voru happdrættismiðar seld-
ir hér í líeykjavík 1. des., sem stúdentar héldu þá í fvrsta sinn hátíð-
legan sem stúdentadag og minntust fu'llveldisins. Nefnd prófessora og
háskólastúdenta sá um happdrætti þetta, en Lúðvík Guðmundsson var
formaður nefndarinnar. Stúdentaráð valdi nefndarmennina. Nefndinni
bárust að gjöf þýðingar á tveimur bókum, „Pan“ í þýðingu Jóns Sig-
urðssonar frá Kaldaðarnesi og „Abdallah“ í þýðingu Sigurðar Ivr. Pét-
urssonar. Var fyrri bókin gefin út af Stúdentaráði, en handrit hinnar
síðari selt og rann allur ágóðinn í Stúdentagarðssjóðinn.
Eftir að Happdrættisnefndin lauk störfum, var kjörin af Stúdentaráði
sérstök Stúdentagarðsnefnd, sem starfaði allt til ársins 1934. Störfuðu
margir mætir menn í nefndinni þessi ár, en hún var kosin til eins árs
í senn, og reyndist nefndin hugvitssöm um fjársöfnun. Var Lúðvíg Guð-
mundsson fyrst formaður nefndarinnar, en síðan Þorkell Jóhannesson og
loks Pétur Sigurðsson, háskólaritari. Of langt mál yrði að minnast
allra þeirra, sem hér lögðu hönd á plóginn og unnu endurgjaldsiaust
mikið og óeigingjarnt starf, en allir þeir stúdentar, sem síðan hafa
notið þeirra hlunninda að búa á Garði, munu minnast þeirra með
þakklæti.
I fyrstu var fyrirhugað að reisa Stúdentagarðinn á Skólavörðuholt-
inu og var meira að segja byrjað að grafa þar fyrir grunni hans árið
1929, en þá var hætt við frekari famkvæmdir í bili vegna fjárskorts.
Má það teljast hið mesta happ, að framkvæmdir stöðvuðust þá, því
að það hefði verið mikið óhagræði að hafa Garð á þeim stað. Þegar
aftur var svo hafizt handa árið 1933, var orðið samkomulag um það í
Stúdentagarðsnefndinni og Stúdentaráði að reisa Garð þar sem hann
stendur nú, á því svæði, er ætlað var fyrirhuguðu háskólahverfi.
Eðlilega komu fram margar og úlíkar skoðanir á því, hvernig Garði
yrði haganlegast fyrirkomið og hentugast útbúinn. Er ástæðulaust að
gera grein fyrir þeim sjónarmiðum hér, en óhætt muri að fullyrða, að