Garður - 01.10.1945, Qupperneq 45

STÚDENTAGARÐARNIR
43
Nýi Garður
garðurinn hér yrði íslenzkum stúdentum jafn mikilvægur og Garður í
kóngsins Kaupmannahöfn varð stúdentum þar. Mun naumast þurfa að
rfa það, að sú verði raunin á.
Vegna þeirra, sem kynnu að lesa þessa frásögn, en ekki þekkja heim-
ilisreglur á Garði, skal þetta tekið fram: Ákveðnar reglur eru settar til
þess að tryggja stúdentum næði til náms og hvíildar og eru kosnir
umsjónarmenn úr hópi Garðbúa sjálfra til þess að sjá um að fyrirmæl-
um um húsaga og góða umgengni sé fylgt. Garðprófastur, sem er valinn
af Garðstjórn, er æðsti yfirmaður á Garði, og gætir hann þess, að þar
ríki nauðsynlegur heimilisagi. Er hann því nokkurskonar heimilisfaðir.
Garðbúarnir safnast oftast saman á kvöldin í sameiginlegri setustofu
og skemmta sér þar við spil, hlusta á útvarp eða lesa blöð, ef þeir þá
ekki eru svo hamingjusamir að eiga unnustu eða skyldmenni úti í bæ,.
sem þeir geta farið að heimsækja. Einhleypingarnir virðast þó una
furðu vel sínu hlutskipti heima við, og eru þeir oft þaulsætnir við spil
eða tafl. Garðinum er lokað klukkan 11 á kvöldin •— klukkan 12 um
helgar — og eftir þann tíma fá Garðbúar einir inngöngu.
Óhætt mun að fullyrða, að ekki liðu mörg ár, þar til stúdentum varð
það ljóst, að þjóðin hafði veitt þeim dýrmæta gjöf, er hún gaf þeim
Garð, og þeir myndu verða illa staddir, ef þeir misstu hann, enda mun
þeim naumast hafa komið til hugar, að svo kynni að fara.