Skógræktarritið - 15.05.2006, Qupperneq 23

i
I

TERVETE
ÚTIVISTARSKÓQURINN í LETTLANDI
Vel útfærðar hugmyndir þar sem notað er eingöngu efni úr skóginum
Inngangur
Það er ævintýri að heimsækja
útivistarskóginn Tervete Nature
Park í suðurhluta Lettlands.
Skógurinn er á landi í opinberri
eigu og er rekinn af Latvijas
Valsts Mezi, Ríkisskógrækt
Letta.
Heimsókn mín til Lettlands var
í tengslum við starf innan COST
áætlunar Evrópusambandsins,
sem er skammstöfun fyrir
„Evrópusamstarf á sviði
vísinda- og tæknirannsókna".
Tekur það samstarf til margra
sviða og er skógrækt eitt þeirra.
lnnan skógræktar starfa síðan
nokkrar ólíkar COST áætlanir og
fjallar ein þeirra um útivistar-
skóga og uppbyggingu þeirra
(COST33).
Þar höfum við af töluverðri
reynslu og þekkingu að miðla í
evrópsku samhengi, jafnframt
því sem við getum sótt mikinn
fróðleik f þeim efnum til
annarra Evrópuríkja.
Á vegum verkefnisins er nú
unnið að því að safna saman
upplýsingum varðandi stöðu
mála í útivistarskógrækt í
Evrópu. Þannig verður til mikill
banki upplýsinga sem leggja á
til grundvallar við stefnumótun
Evrópusambandsins á þessu
sviði.
Tervete í Lettlandi er vinsælt
skóglendi, þar sem mikið hefur
verið lagt í uppbyggingu
útivistaraðstöðu. Skógurinn er
alls um 1.200 hektarar þar sem
skiptast á vel uppbyggð úti-
vistarsvæði, leiksvæði og síðan
ýmsar gerðir skóglenda sem
bjóða upp á lengri og skemmri
göngu- og hjólaferðir. Skógur-
inn er mest skógarfura, rauð-
greni og birki, víða afar vöxtu-
legur með teigum um og yfir 30
m háum.
í Tervete er stórt svæði byggt
upp í kringum ævintýraheim
skáldkonunnar Anna Brigadere
(1861-1933) en hún skrifaði
fjöldamargar sögur og ævintýri
sem börn á öllum aldri hafa
alist upp við í Lettlandi.
Sérstaklega er áhugavert
hvernig þeir nýta eingöngu efni
úr skóginum sjálfum til að
byggja upp útivistaraðstöðuna.
Það er til fyrirmyndar fyrir okkur
hér á íslandi, nú þegar víða
stendur fyrir dyrum að grisja
eldri skógarreiti. Þarna er að
finna mjög margar góðar
hugmyndir og eru í þessari
grein myndir af ýmsum
áhugaverðum lausnum sem
vonandi geta veitt innblástur.
jjeoÉ
m

s*
Pj