Golf á Íslandi - 01.12.2008, Side 26

26 GOLF Á ÍSLANDI • www.golf.is
G O L F Hlynur Geir Hjartarson í viðtali við Golf á Íslandi
Golf á Íslandi tók hús hjá Hlyni Geir á Selfossi og rakti
úr honum garnirnar. Hann starfar sem bílasali hjá
Heklu á Selfossi. Hann segist sjálfur vera Selfyssingur
enda búið þar frá 19 ára aldri og unir hag sínum vel.
Hlynur býr í glæsilegu parhúsi sem hann byggði sjálf-
ur, enda er hann handlaginn með afbrigðum. Hann
hefur unnið við að slípa parket í frístundum sínum
og hefur notað peningana sem hann fær fyrir það til
að fjármagna golfið.
Hlynur, sem er 32 ára, er í sambúð með Gunnhildi
Katrínu Hjaltadóttur og eiga þau eina dóttur, Katrínu
Emblu, sem er eins árs. Þá á Hlynur dótturina
Heiðrúnu Önnu, sem er 8 ára. Hlynur Geir á von á
því að þau Gunnhildur Katrín muni ganga í hjóna-
band á næsta ári. „Ég hef þegar beðið hennar. Ég
fór með hana með mér út á Svarfhólsvöll á Selfossi
á gamlárskvöld í fyrra og lagðist á skeljarnar við 8.
teig vallarins. Hún var undrandi á þessu uppátæki á
golfvellinum, en hún sagði: já!“
Valdi golfið fram yfir knattspyrnuna
Okkur lék forvitni á að vita hver hafi verið kveikjan að
því að Hlynur færi í golfið. „Ég snerti fyrst golfkylfu
árið 1994. Var þá að æfa fótbolta með KR og við
strákarnir fórum í sumarbústaðaferð upp í Grímsnes
til að þjappa liðinu saman. Þar fundum við golfsett
í geymslu í bústaðnum og fórum fimm saman út á
Öndverðanesvöll að kvöldlagi og við spiluðum golf
til klukkan sex um morguninn. Vorum alla nóttina í
golfi og þarna fékk ég strax áhuga. Ég fór þó ekkert í
golf næstu tvö árin, en var alltaf að hugsa um þessa
skemmtilegu reynslu mína af golfinu. Það var síðan
1996 þegar ég flutti á Selfoss sem áhuginn á golfinu
fór að kvikna fyrir alvöru. Ég bjó reyndar allan tímann
fyrir austan fjall en keyrði bara á milli í KR á æfingar
og bjó hjá ömmu og afa í Reykjavík á sumrin en flutti
síðan á Selfoss þegar ég byggði húsið þar 1996.“
Þegar þarna var komið sögu hafði Hlynur Geir orðið
Íslands- og bikarmeistari í knattspyrnu með KR, bæði
í 2. og 3. flokki. Hann þótti mjög efnilegur knatt-
spyrnumaður og flutti til Selfoss, aðallega til að æfa
knattspyrnu og spila með Selfyssingum. Þetta var
árið 1996 og var hann meira og minna meiddur allt
það sumar og gat því lítið spilað fótbolta. Hann gat
hins vegar sveiflað kylfunni og var mikið í golfi þetta
sumar. Hann fékk sína fyrstu forgjöf sama ár, 19 ára
gamall, og spilaði í fyrsta sinn á Kaupþingsmótaröð-
inni tveimur árum síðar.
„Gylfi Sigurjónsson, góður vinur minn og golfkennari
í dag, spurði mig um vorið 1996 hvort ég væri til í
að koma með sér í golf út á Svarfhólsvöll. Ég hélt það
nú og fór með honum út á völl og eftir það var ekki
aftur snúið. Ég spilaði nokkuð reglulega þetta sumar,
en árið eftir (1997) varð mesta breytingin á mínu
golfi. Ég var þá enn að spila fótbolta með Selfossi, en
golfið var farið að taka mun meiri tíma en áður. Það
var kannski fótboltaæfing seinni part dags og eftir
hana var farið beint út á golfvöll og spilað langt fram
á nótt. Í júlí 1997 var auglýst golfmót Úrvals-Útsýnar
í Leirunni og ég skráði mig í það. Reyndar var spáð
brjáluðu veðri og enginn af félögum mínum nennti
að fara með mér. Ég brunaði því einn til Keflavíkur og
tók þátt í mótinu. Þetta var punktamót og ég vann
það með nokkrum mun, fékk held ég 45 punkta og
lækkaði mig verulega í forgjöf,“ sagði Hlynur Geir.
Eftir þetta lá leiðin upp á við hjá Selfyssingnum í golf-
inu. Hann tók þátt í fyrsta stigamóti GSÍ í Leirunni í
júlí 1998 og lék fyrri hringinn á 85 höggum og þann
síðari á 86 höggum. Í ágúst árið eftir (1999) komst
hann í fyrsta sinn í meistaraflokk í golfinu með 4,3 í
forgjöf. Hann fékk reyndar fyrstu forgjöfina í október
1996, en keppti ekkert árið eftir en byrjaði í maí 1998
með 31,5 í forgjöf og var kominn með 4,3 í forgjöf í
ágúst 1999. Hann lækkaði sig því um 27,2 á aðeins
tveimur árum, geri aðrir betur“.
Golfferðin var happafengur
Hlynur Geir fékk golfferð í verðlaun fyrir sigurinn í
Úrval-Útsýnarmótinu í Leirunni sumarið 1997 og það
átti eftir að reynast happafengur. Hann fór í golfferð-
ina til Islantilla á Spáni um haustið. „Áður en ég fór
í ferðina fór ég niður á skrifstofu Úrvals-Útsýnar og
hitti þar fyrir Peter Salmon, sem ég þekkti ekki neitt.
Spurði hann hvort ég gæti hugsanlega framlengt
ferðina um viku. Hann segir við mig að það sé nú
eiginlega ekki hægt, en hugsar svo málið og segir:
„Má ég ekki bara bjóða þér að koma með mér og
fjölskyldunni til Portúgals vikuna áður.“ Ég var hálf
undrandi, og hugsaði bara, ég hef aldrei hitt þennan
mann og hann ætlar að bjóða mér í fjölskylduferð.
Hann sagði þá að það væru fullt af góðum kylfingum
að fara með sér í ferðina. Í ferðinni voru menn eins
og Tryggvi Traustason, Ragnar Ólafsson, Magnús
Birgisson, Hörður Arnarsson, Páll Ketilsson, Viggó
Viggósson og fleiri. Þessi ferð var vendipunkturinn á
mínum golfferli. Þegar ég var að spila með þessum
körlum þá sagði ég við sjálfan mig, „ég vil vera eins
góður og þessir strákar.“ Þegar ég fór í þessa ferð
var ég með 18 í forgjöf og lærði gríðarlega mikið á
að spila með þessum gæjum í heila viku. Síðan fór
ég yfir til Islantilla með þvílíkan áhuga. Vaknaði
eldsnemma og æfði mig fram í myrkur á hverjum
degi, spilaði minnst 27 holur á dag. Þarna var ég kom-
inn með algjöra golfdellu.“
Hann fékk sína fyrstu
forgjöf sama ár, 19 ára
gamall, og spilaði í
fyrsta sinn á Kaupþings-
mótaröðinni tveimur
árum síðar.
Hlynur Geir með Gunnhildi konu sinni og dóttur, Katrínu Emblu.