Golf á Íslandi - 01.12.2008, Qupperneq 36

36 GOLF Á ÍSLANDI • www.golf.is
G O L F Haustráðstefna SÍGÍ var fjölsótt og vel heppnuð:
Haustráðstefna SÍGÍ, Samtaka íþrótta- og golfvalla-
starfsmanna á Íslandi, fór fram í höfuðstöðvum KSÍ
í Laugardal í lok október sl. Var þetta fyrsta ráðstefna
sinnar tegundar hjá samtökunum og var hún afar vel
sótt, jafnt af félagsmönnum sem öðrum er sýndu
áhuga á starfi félagsins í verki. Rúmlega eitt hund-
rað gestir hlýddu á þétta dagskrá fyrirlestra, þar sem
fjórir erlendir ræðumenn voru á mælendaskrá ásamt
valinkunnum innlendum fyrirlesurum. Miðluðu þeir
reynslu sinni og þekkingu. Höfðu hinir erlendu gestir
sérstaklega á orði hversu fjölmenn ráðstefnan hefði
verið. Þá kom fjöldi íslenskra golfvalla fjórmenning-
unum mjög á óvart, en í dag eru hátt í sjötíu golfvellir
í landinu.
„Þegar við höldum fundi hjá sambærilegum félags-
skap okkar í Bretlandi, þar sem golfvellir eru fleiri en
tvö þúsund, þá er mætingin ekki mikið betri en hún
var hér. Það sýnir hversu vel heppnuð þessi ráðstefna
og sýning var,“ sagði Bruce Jamieson, sem rekur sjálf-
stætt ráðgjafarfyrirtæki á sviði golfvallaumhirðu og
vann um árabil fyrir þar til gert svið evrópsku móta-
raðarinnar. Sem slíkur kom hann t.d. að undirbúningi
Ryder-keppninnar o.fl.
Á laugardag, síðari degi ráðstefnunnar, var haldin
sýning á jarðhæð höfuðstöðva KSÍ þar sem ýmis fyr-
irtæki kynntu starfsemi sína, vörur og þjónustu. Kom
skemmtilega á óvart hversu vegleg sýningin var og
hversu mikinn metnað sýnendur höfðu fyrir uppsetn-
ingu á básum sínum og sýningarsvæðum. Sýningin
var opin almenningi og var boðið upp á léttar veiting-
ar.
Ólafur Þór Ágústsson, formaður SÍGÍ, er mjög ánægð-
ur með ráðstefnuna og segir engan vafa leika á að
viðburður sem þessi verði endurtekinn. “En að sjálf-
sögðu mun félagið áfram halda minni fræðslu- og
endurmenntunarfundi í framtíðinni.“
Þá opnaði Hörður Þorsteinsson, framvæmdastjóri
Golfsambands Íslands, nýja heimasíðu SÍGÍ www.
sigi.is. Hún var opin öllum í u.þ.b. vikutíma, en síðan
lokað að hluta og einungis opin félögum í SÍGÍ, en á
síðunni eru einmitt ýmsir aðildarmöguleikar kynntir.
Um vefinn segir Ólafur: „Við munum efla vefsíðu okk-
ar umtalsvert á næstunni. Þar er mikið af nýjungum
framundan.“
En hver er niðurstaða ráðstefnunnar, að mati Ólafs?
Hvað er það sem stendur eftir, nú þegar menn hafa
borið saman bækur sínar? „Það sem stendur uppúr
er þátttakan og gæði fyrirlestranna, ekki aðeins hjá
þeim erlendu heldur ekki síður hjá löndum okkar. Nú
erum við byrjaðir að uppskera eins og til hefur verið
sáð,“ segir Ólafur, en fyrir 16 árum varð hann fyrsti
Íslendingurinn sem fór til Skotlands í nám í golf- og
grasvallafræðum. Síðan þá hafa fjölmargir íslenskir
golf- og grasvallastarfsmenn fylgt í kjölfarið.
„Síðustu tíu árin hefur menntuðum starfsmönnum á
völlunum fjölgað mikið. Menn hafa sótt sér þekkingu
með námi, bætt við sig umtalsverðri reynslu og eru
núna komnir nógu langt til að geta staðið upp og
miðlað vitneskju sinni.
Nú er kominn mun vitrænni umræðugrundvöllur en
áður var,“ segir Ólafur Þór Ágústsson, formaður Sam-
taka íþrótta- og golfvallastarfsmanna á Íslandi.
Innlend þekking á golf- og
grasvöllum hefur stóraukist
Séð yfir ráðstefnusalinn, yfir 100 manns komu og hlýddu á fyrirlestrana á ráðstefnunni.
Ólafur Þór Ágústsson, formaður SÍGÍ, kynnti stefnu SÍGÍ fyrir ráðstefnugestum.