Golf á Íslandi - 01.12.2008, Page 62

62 GOLF Á ÍSLANDI • www.golf.is
Öndverðarnesvöllur í Þrastarskógi í Grímsnesi var
stækkaður í 18 holur í júlí í sumar og er óhætt að segja
að þar hafi metnaðarfull markmið orðið að veruleika
en klúbburinn fagnar 35 ára afmæli á næsta ári.
Öndverðarnesið var lengi bara þokkalegur sveitavöll-
ur, ekkert meira en það. Á síðustu árum hefur orðið
veruleg breyting þar á eftir að klúbburinn fékk Golf-
klúbb Reykjavíkur í samstarf við vallarvinnuna og það
var án efa skynsamlegt skref hjá litla sumarbústaða-
klúbbnum sem nú er kominn í hóp stóru klúbbanna
sem eru með 18 holu velli. Þetta er fjórtándi 18 holu
völlur landsins.
Eigendur Öndverðarness réðu Margeir Vilhjálmsson,
þáverandi framkvæmdastjóra GR seinni part sumars
2005 til að hanna níu holur til viðbótar og hófust
framkvæmdir árið 2006. Nú aðeins tveimur árum
síðar hefur nýi hlutinn verið opnaður og það verður að
teljast ótrúlegt því þó vissulega eigi nýju holurnar eftir
að gróa betur þá var engin ástæða til að bíða lengur
með opnunina sem var 18. júlí sl. Grasið á flötum var í
fínu lagi þegar Golf á Íslandi kom í heimsókn (í byrjun
ágúst) og einnig á brautunum, þó það sé ekki eins þétt
þar. Stækkunin er að helmingi í mýrlendi og helmingi
í kjarri vöxnu hraunlendi. Brautir vallarins eru breiðar
og lengdin í jafnvægi við gömlu níu holurnar.
Margeir segir að völlurinn sé hugsaður fyrir kylfinga
af öllum getustigum, hann er því ekki langur, en til að
skora völlinn vel er nauðsynlegt að staðsetja teighögg-
in rétt. Þannig er það á flestum nýju brautunum, t.d. á
2., 5. og 7. en ekki eins mikið mál á fyrstu braut sem er
306 metra par 4, þægileg byrjunarhola. Önnur er par
5, 475 metrar og þarf að slá yfir skurð og í drævlengd
eru þrjár glompur sem bíða eftir að gleypa kúlurnar.
Hitti menn brautina er góður möguleiki á fugli. Utan
brautar á flestum holum er röffið ekki skemmtilegt
viðureignar en þó ekki alveg jafn erfitt og á Haukadals-
velli.
Fimmta holan í Öndverðarnesi er mjög skemmtileg,
par 4 og maður verður að staðsetja upphafshöggið.
Fæstir slá með dræver þar. 3. og 6. eru par 3, sú fyrri
um 150 metrar og mun erfiðari parhola en sú sjötta
sem er stutt en sæt. Sjöunda er par 5 og það eru ekki
margir sem hitta þar inn á í tveimur höggum og flötin
er með mjög miklu landslagi. Það mætti halda að
Margeir hafi verið nýkominn af 8. flöt á Geysi en þó
ekki alveg. Alla vega þarf að huga að innáhögginu
áður en slegið er því staðsetning á flötinni getur verið
krúsíal til að klára parið, hvað þá fuglinn. Fimmta,,
sjötta og sjöunda eru í miklu hraunlendi og mjög fall-
egu landslagi. Þar eru ágætir möguleikar á fugli eftir
góð upphafshögg.
Áttunda er par 4 og er eins og tvíburasystir 3. brautar-
innar þó hún sé aðeins styttri, svo svipaðar eru þær.
Ágætar holur samt með glompum og báðar slegnar í
hundslöpp. Níunda er þriðja par 3 brautin á fyrri níu,
stutt 120 metra hola sem á eftir að klára hvað hindran-
ir varðar svo það er óþarfi að eyða mörgum orðum um
hana. Flötin sést öll frá svölum golfskálans og það er
G O L F V E L L I R Öndverðarnesvöllur
Fimmta brautin er stutt par 4. Flötin er hægra megin bak við litla hæð. Mjög flott.
Golfklúbbur Öndverðarness fagnar á næsta ári 35 ára
afmæli. Forskot var tekið á sæluna með opnun glæsilegs
18 holu golfvallar í lok júlí á þessu ári. Hugmyndir að
stækkun vallarins kvikunuðu snemma árs árið 2005 og
fengu forsvarsmenn klúbbsins Margeir Vilhjálmsson
þáverandi framkvæmdastjóra framkvæmdastjóra GR sér
til halds og trausts. Hann lagði út völlinn og hafði hönd
í bagga með uppbyggingu vallarins. GR hafði þá um
nokkurn tíma starfað með GÖ að bættu viðhaldi á eldri
hluta Öndverðarnesvallarins.
Lengd hluta vallarins er í fullu samræmi við eldri
hlutann. Helsti munurinn er sá að flatirnar á nýja helm-
ingnum eru mun stærri og landslag í þeim er meira og
einnig er þar að finna stórar og vel staðsettar glompur.
Holur númer 5-7 liggja í vel grónum hraunmóa og má
jafnvel segja að þær séu nokkurskonar “Amen-Corner”
Öndverðarnesvallarins. Um er að ræða stuttar par 3, 4
og 5 holur, sem allar eru sýnd veiði en ekki gefin. Hand-
bragð ýtustjórans Steindórs Eiðssonar er að sjá á þeim
öllum, en hann hefur m.a. mótað Korpúlfsstaðavöll,
Hraunið á Hvaleyrinni tekið þátt í fleiri verkefnum á
golfvöllum víða um land.

Sjöunda brautin er par 5 í nettri hundslöpp. Hér sjáum við frá miðri braut inn að flöt.
„Það verður engin svikinn af því að sækja
Öndverðarnesið heim því ekki einungis eru
komnar níu nýjar flottar golfholur heldur
eru fyrir gamlar og góðar níu holur sem eru
orðnar „þroskaðri“ og betri með markvissari
umhirðu undanfarin ár..“