Golf á Íslandi - 01.12.2008, Qupperneq 90

90 GOLF Á ÍSLANDI • www.golf.is
Hugsaðir þú aldrei um að fara í atvinnumennsku?
„Nei, aðstæður buðu ekki upp á það í þá daga. Það
var ekki til að kylfingar færu til dæmis á skólastyrk til
Bandaríkjanna eða þess háttar á þeim tíma. Ef aðstæð-
ur þá væru eins og núna hefði ég örugglega reynt að
fara í atvinnumennsku.“
Er áhuginn hjá þér alltaf jafn mikill á golfinu?
„Já, áhuginn er alltaf sá sami, en maður er kannski
ekki eins ánægður með höggin og áður. Þó koma
alltaf eitt og eitt högg sem maður gleðst yfir. Ég hef
farið sjö sinnum holu í höggi og það voru allt högg
sem fá mann til að brosa.“
Eins og Björgvin segir þá hefur hann farið sjö sinnum
holu í höggi, sem er meira en nokkur annar Íslending-
ur getur státað sig af. Fyrsta draumahögginu náði
hann á 40 ára afmælisdegi Golfklúbbs Akureyrar árið
1975 og síðan hafa draumahöggin dottið inn með
reglulegu millibili, það sjöunda á þessu ári. Hver eru
eftirminnilegustu draumahöggin?
Eftirminnilegasta höggið!
„Eftirminnilegasta hola í höggi var á 18. holunni á Ís-
landsmótinu á Jaðarsvelli á Akureyri 1993. Það er smá
saga á bak við það. Siggi Pé (Sigurður Pétursson) var
í hollinu á undan mér ásamt systursyni mínum Birni
Axelssyni. Við Siggi höfðum lagt undir fyrir þennan
hring. Við vorum svo sem ekki að spila neitt sérstak-
lega vel, en hann var kominn í hús á 76 höggum þegar
ég var á 18. teig og búinn með 76 högg. Ég sló af teig
og fór holu í höggi og jafnaði við Sigga. Nú verður
þú að finna út hvernig það er hægt.“ Blaðamaður gat
ekki fundið svar við því og vildi fá nánari útskýringu
á þessu. „Eins og áður segir fór ég holu í höggi og lék
á 77 höggum og Siggi Pé skrifaði undir vitlaust skor,
skrifaði undir hærra skor, 77 högg í stað 76. Þannig
að við enduðum báðir á 77 höggum! Já, Björn frændi
minn sá um að skrifa fyrir hann og bætti einhverstað-
ar við hann höggi og Siggi keypti það. Það var sérstak-
lega gaman að fara holu í höggi fyrir framan andlitið
á Sigga því hann hafði aldrei náð því þá, en ég held að
hann hafi tvisvar farið holu höggi nú síðustu ár.“
„Það var einnig mjög minnistætt þegar ég fór holu
í höggi á EM á Ítalíu 1999. Ég notaði 2–járn á þessa
holu sem var 230 metrar. Holan var alveg aftast á flöt-
inni og ég rétt náði yfir bönkera sem voru fyrir fram-
an flötina og rúllaði boltinn yfir alla flötina og beint
í holu. Flötin var upphækkuð og maður sá ekki inn á
flötina frá teignum.
Þeir sem voru í hollinu á undan sáu boltann fara í
holuna og fögnuðu mikið. Ég fór einnig holu í höggi
á Evrópumótinu Esbjerg í Danmörku 1981 og sló þá
með 5-járni. Báðar þessar holur voru númer þettán
á völlunum. Svo er síðasta hola í höggi alltaf í fersku
minni, en það var á 2. holu á Grafarholtsvelli í sumar.
Það var í annað sinn sem ég fer holu í höggi á þeirri
braut. Ég á auðvitað erfitt með að gera upp á milli, en
það var líka skemmtilegt það sem ég gerði í Esbjerg
og á annarri holu í Grafarholtinu í fyrra skiptið vegna
þess að þá fóru þær beint í, bara á flugi í holu. Það er
sko alvöru!“
Nú er Björgvin orðinn formaður Einherjaklúbbsins, en
það er til siðs í þeim klúbbi að sá sem hefur farið oft-
ast holu í höggi er sjálfskipaður formaður. Kjartan L.
Pálsson hafði verið formaður í mörg ár, en hann hefur
sex sinnum farið holu í höggi.
Golfklúbbur Reykjavíkur of fjölmennur
Björgvin segist ekki vera sáttur við allt í golfinu, sér-
staklega er hann óhress með fjölda félagsmanna í
Golfkúbbi Reykjavíkur. „Mér finnst þetta vera komið
út í algjöra vitleysu hjá Golfklúbbi Reykjavíkur. Þar eru
nánast allir meðlimir virkir og eru þeir allir að nota
sumarið til að spila. Það er bara hending að maður
kemst að á GR-völlunum. Ef maður er ekki við tölv-
una á miðnætti þremur sólarhringum áður en maður
ætlar að spila þá fær maður varla rástíma. Mér finnst
að mörgu leyti vera búið að eyðileggja Golfklúbb
Reykjavíkur með því að taka svona marga inn í klúbb-
inn. Ég reis upp á síðasta aðalfundi GR og mótmælti
þessari fjölgun klúbbmeðlima. Þeir réttlæta fjölgun-
ina í klúbbnum með því að stofna til vinavalla samn-
inga. Ég gekk ekki í Golfklúbb Reykjavíkur til að spila
á Hellu, Suðurnesjum, Akranesi eða í Borgarnesi. Ég
hefði helst viljað að GR væri bara með Grafarholtið
og ég er á þeirri skoðun að það hefði átti að stofna
nýjan klúbb í kringum Korpuna á sínum tíma. Þá hefði
myndast skemmtileg samkeppni þar á milli. Ég held
að það þurfi að byggja tvo til þrjá velli hér á höfuð-
borgarsvæðinu til að anna eftirspurn. Það verður
grundvöllur fyrir því þegar þessi bankakreppa er af-
staðinn. Flestir sem stunda golf eru vinnandi fólk. Það
fólk fer varla að keyra í rúman hálftíma eftir vinnu til
„Mér finnst þetta vera kom-
ið út í algjöra vitleysu hjá
Golfklúbbi Reykjavíkur. Þar
eru nánast allir meðlimir
virkir og eru þeir allir að
nota sumarið til að spila.
Það er bara hending að
maður kemst að á GR-völl-
unum. Ef maður er ekki
við tölvuna á miðnætti
þremur sólarhringum áður
en maður ætlar að spila þá
fær maður varla rástíma“.
Björgvin á Íslandsmótinu í Eyjum sl. sumar og með Þorsteini Hallgríms að ofan.
V I Ð TA L Björgvin Þorsteinsson, sexfaldur Íslandsmeistari, í viðtali við Golf á Íslandi: