Golf á Íslandi - 01.12.2008, Page 114

114 GOLF Á ÍSLANDI • www.golf.is
Náðir þú þínum markmiðum í golfinu sl. sumar?
„Ég setti mér 8 mjög krefjandi markmið og ég náði
flestum þeirra. Ég er því bara frekar sátt með síðasta
sumar þótt alltaf megi gera betur.“
Hvað er eftirminnilegasta mótið, og hvers vegna?
„Eftirminnilegasta mótið í fyrra var án efa Alþjóða-
leikarnir í San Franscisco. Við fórum fjögur frá GR;
ég, Ástrós, Maggi og Halldór. Þar náði ég 5. sætinu
í stelpnaflokki sem var bara einu höggi frá 3. sæti.
Mótið var haldið á Harding Park vellinum en hann
er mjög flottur, langur og krefjandi. Presidents Cup
verður haldið þar á næsta ári. Sú sem vann þetta mót
var Ariya Jutanugarn frá Tælandi en hún spilaði á
pari. Hún er sú yngsta í heiminum sem hefur unnið
sér réttindi til að spila á móti á LPGA-mótaröðinni.
Ég spilaði með henni í holli fyrri hringinn og það var
mjög gaman.“
Hvert er eftirminnilegasta höggið í sumar, getur þú
lýst því?
„Það var á 11. holunni á Korpunni. Ég var búin að vera
að spila geðveikt vel. Átti flott drive og átti 150 m
eftir í pinna fyrir annað högg á þessari par 5 holu.
Ég var því búin að ákveða að fá birdie. En mér tókst
auðvitað að slæsa boltann ofan í bönker og hann var
náttúrulega klesstur í bakkann. Ég rétt náði að redda
honum upp úr og átti þá um 40 m eftir í pinna sem
var alveg aftast á flötinni. Ég átti því mjög erfitt högg
eftir, í hliðarhalla, þurfti að lyfta yfir bönker og fleira.
Ég var orðin frekar pirruð, tók „lobbarann“ og viti
menn boltinn tók eitt skopp og fór svo beint ofan í.
Ég náði því að redda birdie og endaði hringinn á +1.“
Hefur þú sett þér markmið fyrir næsta sumar, og
hver eru þau?
„Ég set mér alltaf 6-10 krefjandi markmið fyrir árið en
markmiðin fyrir næsta ár eru enn í vinnslu.“
Hver er að þínu mati efnilegasti kylfingur Íslands
2008?
„Mér finnst það vera Guðrún Brá.“
Sunna Víðisdóttir, GR:
„ÉG SET MÉR ALLTAF
6-10 KREFJANDI
MARKMIÐ FYRIR ÁRIГ
G O L F Á R I Ð 0 8 spurt & svarað
Náðir þú þínum markmiðum í golfinu sl. sumar?
„Já, spilaði nokkuð stöðugt golf, þó að byrjunin
hafi ekki verið sem best.“
Hvað er eftirminnilegasta mótið, og hvers
vegna?
„Það var meistaramótið í Keili. Frábær spila-
mennska, þangað til síðasta daginn þegar
vindurinn fór að leika sér með boltann. Þegar
ég og stelpurnar í meistaraflokki vorum að
reyna að pútta t.d. á 12. flötinni (allar aðrar flatir
óhæfar) tek það fram að pinninn var staðsettur í
góðum halla, þá var vonlaust að koma boltanum
ofan í holuna. Það var reynt að pútta 1 sinni
2...3...4...5...6... vá þetta var bara djók. Síðan var
maður orðinn svo reiður að maður náði loks að
lúðra honum í holuna. Já höggin urðu 8. Þessi
gríðarlegi mótvindur lék okkur grátt, ég held að
heildarskorið á þessari holu hafi verið um 12 yfir
pari.“
Hvert er eftirminnilegasta höggið í sumar, getur
þú lýst því?
„Það var þegar ég sló inn á 6. flötina á Keilisvell-
inum (par-3 braut). Ég var 1/3 úr Gemsa frá því
að fara holu í höggi. Ég bað mág minn sem var
með mér, að taka mynd af mér við hliðina á
flagginu með Gemsanum mínum. Þegar við svo
vorum búin að pútta og ég kíkti á myndina, þá
var ég brosandi við flaggstöngina en mágur minn
hafði láðst að setja boltann (aðalatriðið) inn á
myndina. “
Hefur þú sett þér markmið fyrir næsta sumar, og
hver eru þau?
„Já, markmiðið er að komast niður fyrir 6 í forgjöf
og fækka púttunum.“
Hver er að þínu mati efnilegasti kylfingur Íslands
2008?
„Sigmundur Einar Másson og Tinna Jóhanns-
dóttir.“
Anna Sólveig Snorradóttir, GK:
„Það var reynt
að pútta 1 sinni
2...3...4...5...6... vá
þetta var bara djók!“