Golf á Íslandi - 01.12.2008, Side 122

122 GOLF Á ÍSLANDI • www.golf.is
G O L F fréttir
Aðalfundur Nesklúbbsins var haldinn 29. nóvem-
ber síðastliðinn. Tæplega 80 félagar í klúbbnum
sátu fundinn. Lögð var fram skýrsla stjórnar sem
og reikningar sem voru samþykktir samhljóða.
Helstu tölur úr rekstri klúbbsins voru að rekstrar-
tekjur voru um 50 milljónir og rekstrargjöld um
37 milljónir. Eftir framkvæmdir og fjárfestingar
var hagnaður tæplega 8 milljónir. Heildarskuld-
ir klúbbsins eru bókfærðar 1,2 milljónir króna.
Samþykkt var lítilleg hækkun á félagsgjöldum
fyrir næsta ár, eða tæplega 6% af gjaldskrá fyrra
starfsárs.
Þær breytingar urðu á stjórn að Þorvaldur
Jóhannesson kemur inn sem ritari í stað Hauks
Óskarssonar. Aðrir stjórnarmeðlimir gáfu kost
á sér áfram og er stjórn klúbbsins því þannig
skipuð ásamt Þorvaldi: Eggert Eggertsson
formaður, Kristín Jónsdóttir varaformaður, Geir-
arður Geirarðsson gjaldkeri og Þorkell Helgason
meðstjórnandi. Varamenn í stjórn eru þeir Jónas
Hjartarson og Arnar Friðriksson.
Ingvi Árnason var kjörinn nýr formaður Golf-
klúbbs Borgarness á aðalfundi klúbbsins í nóvem-
ber. Hann tekur við af Guðmundi Eiríkssyni, sem
verið hefur formaður í nokkur ár. Farið var yfir
skýrslu stjórnar og reikninga síðasta árs á fundin-
um og voru þeir samþykktir samhljóða.
Félagsgjöld verða óbreytt á milli ára. Heildartekj-
ur klúbbsins á síðasta starfsári námu 44 millj-
ónum króna og gjöld 27,5 milljónir. Hagnaður
klúbbsins, að frádregnum fjármagnsgjöldum og
afskriftum, var 5,6 milljónir króna.
Töluverð aukning var á umferð um völlinn frá
fyrra ári. Í sumar voru spilaðir 13.600 hringir á
Hamarsvelli á móti 11.000 árið áður. GB hefur
verið með vinavallasamninga við nokkra klúbba
og voru GR-ingar duglegastir að sækja völlinn,
en 1.221 GR-ingur nýtti sér vinavallasamninginn.
Félagar í GO heimsóttu völlinn 743 sinnum og
GKG 432 sinnum.
Stjórn GB er þannig skipuð:
Formaður: Ingvi Árnason
Varaform.: Hreinn Vagnsson
Ritari: Hans Egilsson
Gjaldkeri: Jón J.Haraldsson
Meðstjórnandi: Björgvin Óskar Bjarnason
Framkvæmdastjóri GB er Jóhannes Ármannsson.
Ísmar flytur inn og selur tvær gerðir af fjarlægðarmæl-
um, sem eru sérstaklega hannaðir fyrir kylfinga. Þeir
heita Bushnell PinSeeker 1500 og Bushnell Yardage
Pro Sport 450. Fyrir þá sem ekki vita hvernig fjarlægð-
armælir virkar þá getur kylfingurinn á auðveldan hátt
séð nákvæmlega fjarlægðir í kíkinum, eins og t.d. frá
þeim stað sem hann stendur á brautinni, og að flaggi
inn á flöt. Nákvæmni tækisins er plús-mínus einn me-
tri. Þá þolir hann vel íslenska veðráttu og er algjörlega
vatnsheldur. Notkun fjarlægðarmælis flýtir leik og eru
þessar tvær gerðir, sem Ismar er með til sölu, löglegar
í keppnisgolfi á Íslandi.
Jón Tryggvi Helgason, framkvæmdastjóri Ísmar,
segir að kylfingar um allan heim hafi sýnt þessu tæki
aukinn áhuga síðustu ár og sérstaklega hér heima í
sumar. „Það hefur sannað sig að fjarlægðarmælir flýt-
ir fyrir leik. Sérstaklega er hann góður þegar kylfingur
lendir utan brauta þar sem erfitt er að sjá merkingar
inn á brautinni. Við sem erum kannski lakari kylfingar
viljum svolítið slá út fyrir brautirnar og þar kemur
kíkirinn að góðum notum. Eins kemur hann sér afar
vel fyrir betri kylfinga sem vita nákvæmlega hvað þeir
slá langt með hverju verkfæri. Það er gott fyrir þá að
vita upp á hár hvað langt er í holu,“ sagði Jón Tryggvi.
Ismar er eins og áður segir með tvær gerðir af fjar-
lægðarmælum fyrir kylfinga, en framkvæmdastjórinn
segir talsverðan mun á gæðum enda verðmunur
töluverður. Sá stærri Bushnell PinSeeker 1500 er mun
næmari, með hraðari aflestur og skynjar betur lítil
„target“ sem miðað er á. Það er miklu meiri stækkun
í honum, auðvelt að draga að og stækka. Hægt að
skjóta leisernum beint á flaggstöngina og sjá fjarlægð-
ina mjög nákvæma. Langdrægni hans er allt upp í
1.200 metra og dregur í raun miklu meira en menn
eru að slá í golfinu. Hann kostar 57.917 krónur.
Sá minni, Bushnell Yardage Pro Sport 450, er ekki eins
langdrægur, tekur allt upp í 700 metra á vegg og um
200 metra í flagg. Með þessum kíki getur verið gott
að skjóta leisernum á kylfinga sem eru á flötinni til
að fá betra endurkast því hann er ekki eins næmur og
sá dýrari. Eins og alltaf spilar svolítið saman verð og
gæði. Þessi tegund kostar 27.543 krónur.
„Ég mæli með þessu tæki í jólapakkann hjá kylfingum,
sérstaklega fyrir þá kylfinga sem eiga allt annað „dót“
sem tilheyrir golfinu. Sumum gæti kannski þótt þetta
tæki vera dýrt, sérstaklega þessi fullkomnari kíkir. Þá
má geta þess til gaman að hann ekki eins dýr og góð-
ur dræver, sem sumir eru að skipta um nánast árlega.
Svona kíkir endist til fjölda ára.
Það er ekki hægt að lesa hæðarmun út úr þessum
kíkjum, enda má ekki nota þannig verkfæri í golf-
mótum. Við eigum reyndar aðra útgáfu sem tekur
hæðarmun inn líka og geta þeir hentað vel til dæmis
fyrir golfklúbba sem eru að mæla upp velli hjá sér,“
sagði Jón Tryggvi.
Horft er beint í gegnum kíkinn og á innbyggðan skjá.
Þetta minnkar líkur á skekkju í mælingu heldur en ef
aflestrarskjár væri til hliðar við optikina í kíkinum.
Einnig eykur þetta líkur á því að lasergeislinn fari beint
á það sem miðað er á og endurkastið fari beint til
baka í kíkinn til að auka nákvæmni í mælingu.
Ismar flytur þessa mæla inn frá Bandaríkjunum og
eru þeir seldir hjá þeim í verlsuninni að Síðumúla 28 í
Reykjavík og eins er hægt að fá þá í flestum golfversl-
unum landsins.
FJARLÆGÐARMÆLIR FLÝTIR LEIK
Hagnaður hjá NK
Ingvi er nýr formaður GB
Gísli Svanur Gíslason, sölustjóri Ismar, með Bushnell PinSeeker 1500 fjarlægðarmælinn.