Golf á Íslandi - 01.10.2016, Page 36

Stórkostlegt einvígi
Ólafíu og Valdísar
Ólafía Þórunn og Valdís Þóra háðu algjört
einvígi um Íslandsmeistaratitilinn. Ólafía
var í efsta sæti fyrstu tvo hringina en Valdís
náði forskoti með vallarmetshring, 66 högg
(-5) á þriðja keppnisdeginum. Ólafía
Þórunn var á -6 samtals fyrir lokahringinn
en Valdís var á -7 samtals.
Ólafía Þórunn byrjaði lokahringinn með
látum og lagði grunninn að sigrinum með
mögnuðum kafla á fyrri 9 holunum þar sem
hún fékk fimm fugla á sex holum og þar
af fjóra í röð á 2., 3., 4., og 5. braut. Ólafía
tapaði aðeins einu höggi á hringnum og lék
á 66 höggum eða -5. Hún jafnaði þar með
vallarmetið.
Valdís var samt aldrei langt á eftir og náði
að minnka forskotið í tvö högg á 14. braut.
Hún tapaði höggi á 15. braut og eftir það
var á brattann að sækja. Valdís fékk fugl
á lokaholunni og minnkaði forskotið í tvö
högg en það dugði ekki til og Ólafía fagnaði
sigri á -11 samtals en Valdís Þóra var á -9
samtals.
Þetta er í fyrsta sinn sem skor kvenna
er betra en í karlaflokki og setti Ólafía
nýtt mótsmet hvað varðar fjölda högga
en fyrra metið var sett í fyrra þegar Signý
Arnórsdóttir lék á +1 á Garðavelli á
Akranesi.
Þetta var þriðji titill Ólafíu frá upphafi
en hún sigraði í fyrsta sinn árið 2011
á Hólmsvelli í Leiru og árið 2014 á
Leirdalsvelli. Ólafía er 24 ára gömul en
þetta var í 50. sinn sem keppt var um
Íslandsmeistaratitilinn í kvennaflokki í
golfi.
Ólafía Þórunn lenti ekki í mörgum svona
höggum á Jaðarsvelli en hér leysir hún
vandmálið með glæsibrag við 5. flötina.
Mynd/seth@golf.is
Ólafía fagnaði
titlinum innilega
með föður sínum
Kristni J. Gíslasyni.
Mynd/seth@golf.is
Signý Arnórsdóttir óskar hér Ólafíu til
hamingju með sigurinn. Mynd/seth@golf.is
36 GOLF.IS - Golf á Íslandi
Íslandsmótið í golfi 2016