Golf á Íslandi - 01.10.2016, Qupperneq 59

Sex Íslandsmeistarar voru krýndir á frábærri lokahátíð sem fram fór í
íþróttamiðstöð GKG. Þar sáu Friðrik Dór og Auddi Blö um að skemmta
gestum og keppendum og var góð og létt stemning í salnum. Haukur Örn
Birgisson forseti GSÍ og Sigríður Olgeirsdóttir frá Íslandsbanka sáu um
verðlaunaafhendinguna.
Sýnt var frá 17. braut á lokahringnum á
Leirdalsvelli og var bein netútsending frá
brautinni á sjónvarpsstöðinni sporttv.is. Þar
sýndu margir keppendur glæsileg tilþrif og
munaði oft litlu að draumahögg
yrðu slegin í beinni útsendingu.
Saga Traustadóttir úr GR sigraði
með yfirburðum í flokki 17-18
ára og þar með kláraði hún þrennuna.
Hún hefur fagnað Íslandsmeistaratitlum í
öllum þremur aldursflokkunum á Íslands­
bankamótaröðinni, 14 ára og yngri 2012,
15-16 ára 2014 og 17-18 ára 2016.
Ingi Rúnar Birgisson úr GKG fagnaði sínum
öðrum Íslandsmeistartitli á heimavelli en
hann varð Íslandsmeistari í flokki 14 ára og
yngri árið 2014 og í ár sigraði hann í flokki
15-16 ára. Sigurður Arnar Garðarsson úr
GKG varði titilinn í flokki 14 ára og yngri
en hann er sá eini sem hefur afrekað slíkt
á seinni árum í þeim aldursflokki. Hlynur
Bergsson úr GKG varði titilinn í flokki 17-
18 ára.
Auðunn Blöndal skemmti á lokahófi Íslandsmótsins. Mynd/seth@golf.is
Friðrik Dór sá um að
halda uppi stemningunni
í lokahófinu.
Mynd/seth@golf.is
Það var vel tekið undir þegar Frikki Dór
hóf upp raust sína. Mynd/seth@golf.is
Kakan sem boðið var
upp á í lokahófinu var
eftirmynd af 17. braut
Leirdalsvallar.
Mynd/seth@golf.is
GOLF.IS 59