Kristilegt skólablað - 01.09.1957, Qupperneq 9

Helgi Hróbjartsson, Handíðadeild kennaraskólans.
Hver er Jesús?
JESÚS KRISTUR er. sú n.ikla persóna, sem
tímatalinu skiptir og markar miðpunkt mann-
kynsögunnar. —
Jesús er mikil persóna, sú merkilegasta, sem
getur í mannkynsögunni. Þessi persóna segist
* vera Kristur, sonur Guðs. Hann segir: „Ég og fað-
irinn erum eitt.“ (Jóh. 10, 30). „Ég er vegurinn,
sannleikurinn og lífið, enginn kemur til föður-
ins nema fyrir mig“. (Jóh. 14, 6). „Allt vald er
mér gefið á himni og jörð“. (Matt. 28, 18). „Ég
er upprisan og lífið, sá sem trúir á mig, mun
lifa, þótt hann deyi“. (Jóh. 11, 25).
Hvað eigum við að gera við þennan Jesúm?
Eigum við að trúa því, sem hann segir um sjálf-
an sig? Trúa því, að hann sé sonur Guðs, eða
eigum við að leggja þetta á liilluna og segja sem
svo: Hann var góður maður, mikill spekingur
eins og t.d. Sókrates eða einhver hans líki, en
aðeins maður, sem fæddist, lifði og dó eins og
aðrir?
Kenningar Sókratesar varðveitast enn í bókum,
sem lærisveinar hans skrifuðu. Enginn efast um,
að þetta séu kenningar Sókratesar, þó að aftur
á móti sé vefengt og efazt um kenningar Krists.
Kenningar Sókratesar eru á margan hátt merki-
legar, og ýmsan sannleika er þar að finna, en
er það sannleikurinn? Skyldu þessar kenningar
geta gefið frið manni, er finnur til synda sinna á
dauðastund, eða huggað syrgjandi hjarta?
Hver er Jesús?
Ef við veltum þessari spurningu fyrir okkur
og hugleiðum hana í ljósi Guðs orðs, finnum
við, að hér er meira en Sókrates, meira en spek-
ingur, meira en góður maður. Vitnisburður
lærisveina hans, þeirra sem voru honum næstir
og þekktu hann bezt á jarðvistardögum hans,
var: „Sannarlega ert þú sonur Guðs“. — Þennan
vitnisburð hafa allir tekið undir, sem hafa kvnnzt
Jesú af eigin raun og lifað í nánu samfélagi við
liann.
Margir eru þeir, sem reyna að taka orð Jesú
ekki bókstaflega, reyna á allan hátt að vefengja
þau orð, er hann sagði á jarðvistardögum sínum,
segja, að Jrað sé markleysa eða að það sé lagt
honum í munn af seinnitíma mönnum, og ákveða
þannig afstöðu sína gagnvart honum. En ef hann
er sonur Guðs, getum við þá lagt liann alveg til
hliðar? Getum við þá verið hlutlaus gagnvart
honum? — Nei, allir verða að ákveða, hvaða af-
stöðu þeir taka gagnvart honurn, enginn getur
verið hlutlaus. Jesús segir: „Sá, sem ekki er með
mér, er á móti mér“. (Mait. 12, 30).
Jesús er vegurinn, sannleikurinn og lífið. —
Hann er vegurinn til lífsins, eini vegurinn. Ef
við trúum ekki á hann og göngum ekki eftir
þessum vegi, höfum við ekki eilífa lífið. En ef
vér játum syndir vorar, þá er hann trúr og rétt-
látur, svo að hann fyrirgefur oss syndirnar og
lireinsar oss af öllu ranglæti. (I. Jóh. 1, 9).
Þetta er fagnaðarerindið. Jesús er frelsari
mannanna. Trúðu á hann, og þú nnint hólpinn
verða. Feldu honum líf þitt. Jesús sagði: „Kom-
ið til mín, allir þér, sem erfiðið og þunga eru
hlaðnir og ég mun veita yður hvíld.“ (Matt.
11, 28).
KRISTILEGT SKÓLABLAÐ
XIV. AkGANGUB 1957
Utgefandi:
KRISTILEG SKÓLASAMTÖK — K.S.S.
Stjórn skipa: Sigurður Pálsson formaður, Þorvaldur
Búason gjaldkeri, Þórir Guðbergsson ritari og Benedikt
Arnkelsson, cand theol.
KRISTXLEGT SKOLABI.AÐ 5