Bautasteinn - 01.04.2002, Side 5

Að sögn Gunnlaugs var verkið kostn-
aðarsamt og nemur heildarkostnaðurinn
um 12 milljónum króna og enn er nokkur
verk óunnið. „Þessi uppbygging tæmdi
auðvitað alla okkar sjóði, auk þess sem
við fengum góða fyrirgreiðslu frá
Kirkjugarðasjóði. Við náðum endum
saman allt til ársins 2000, en þá urðum við
skuldsettir og enn höfum við ekki fengið
nein framlög til móts við þá fjárfestingu
þrátt fyrir að óskað hafi verið eftir því, t.d.
hjá Ísafjarðarbæ.“ Gunnlaugur segir
endurgerð garðsins hafa tekið fimm ár,
hún hafi farið hægt af stað, enda mikið
hreinsunarstarf sem inna varð af hendi
áður en hægt var að hefjast handa við að
slétta garðinn og tyrfa á ný. Gunnlaugur
segist ekki hafa viljað hætta í sókn-
arnefndinni fyrr en verkinu væri lokið.
„Nú er þetta komið og hefur gengið vel.
Þessi garður hefur áður orðið fyrir áfalli
þegar snjóflóð féll á hann, þó skemmd-
irnar þá hafi verið mun minni, en nú ætti
skipulag svæðisins og varnargarðurinn að
koma í veg fyrir slíkt.“
Fegrunarátak á svæðinu mun halda
áfram næstu tvö sumur og er reiknað
með því að frekari gróðursetning og frá-
gangur fari fram. Afrakstur mikillar vinnu
er fallegt svæði sem setur sterkan svip á
bæjarfélagið og er heimamönnum til
sóma.
5
Á þessum tveimur
myndum sést vel
hvernig garðurinn
leit út eftir
snjóflóðið og svo
eftir að endurgerð
hans og uppbygg-
ingu var lokið.
GRS
GRS
GRS
Nýja sáluhliðið er smíðað að fyrirmynd
upprunalega hliðsins í garðinum.
Hliðið er smíðað af Kristjáni Jósefssyni.