Bautasteinn - 01.04.2002, Side 17

17
Greinarhöfundur var einn af þeim nefnd-
armönnum sem ráðherra skipaði til að
endurskoða lög um kirkjugarða. Ýmis
mál, sem fram komu í skipunarbréfi ráð-
herra og ætlunin var að nefndin ræddi og
gerði tillögu um, fengu að áliti margra
nefndarmanna ekki næga umræðu. Af
þeim sökum óskaði formaður nefndar-
innar eftir lengri starfstíma fyrir nefndina.
Ekki var orðið við þeirri beiðni af hálfu
ráðherra. Það er því ljóst að fyrirliggjandi
frumvarp tekur aðeins á hluta þeirra fjöl-
mörgu lagagreina, innan þessa lagabálks,
sem þurfa ítarlegrar umfjöllunar við og
leitt gætu til breytinga.
Frumvarpið er að mestu óbreytt eins og
það kom frá nefndinni. Þó urðu á því
nokkrar breytingar við meðhöndlun
kirkjuþings. Tilfinnanlegust var sú breyt-
ing að felld var út eftirfarandi tillaga
nefndarinnar:
„Í lok 1. mgr. 20. gr. bætist nýr málsliður,
svohljóðandi: Kirkjugarðsstjórn er heimilt
að taka gjald fyrir geymslu í líkhúsi, að
fengnu samþykki dóms- og kirkju-
málaráðuneytisins.“
Það var gott samkomulag um þessa
breytingartillögu innan nefndarinnar og er
mjög bagalegt að hún skyldi verða felld út
í meðhöndlun kirkjuþings.
Í ljósi sífelldra skerðinga á tekjum
kirkjugarða er það mjög þýðingarmikið
fyrir þá kirkjugarða sem reka líkhús að
hafa heimild í lögum til að taka þjónustu-
gjald. Benda má á að það er ekki
lagaskylda kirkjugarða að reka líkhús, sbr.
20. grein laganna, heldur er þar um heim-
ild að ræða:
20. gr.: „Kirkjugarðsstjórn er heimilt að
láta reisa kapellu og líkhús í eða við kirkju-
garð á kostnað hans og koma þar upp hús-
næðisaðstöðu fyrir starfsmenn kirkju-
garðsins. Uppdrættir og staðsetning skulu
samþykkt af skipulagsnefnd kirkjugarða og
skipulags- og byggingarnefnd sveitarfé-
lagsins. Gerð kapellu og líkhúss skal háð
samþykki byggingarnefndar og heilbrigðis-
nefndar.
Kirkjugarðsstjórn er enn fremur heimilt
að taka þátt í kostnaðarsömum fram-
kvæmdum við útfararkirkjur.
Skylt er kirkjugarðsstjórn að annast
greftrunarkirkjur og kosta rekstur þeirra,
sbr. lög um kirkjusóknir o.fl.“
Stjórn KGSÍ leggur til að heimildar-
ákvæðið: „Kirkjugarðsstjórn er heimilt að
taka gjald fyrir geymslu í líkhúsi, að
fengnu samþykki dóms- og kirkjumála-
ráðuneytisins,“ verði sett aftan við 20.
greinina, eins og endurskoðunarnefndin
gerði ráð fyrir.
Nokkrir kirkjugarðar á landinu reka
líkhús og má hér nefna Kirkjugarð Hafn-
arfjarðar, Kirkjugarða Akureyrar, Ólafs-
víkurkirkjugarð, Kirkjugarða Reykjavíkur-
prófastsdæma o.fl. Einnig reka mörg
sjúkrahús líkhús og ekki er ólíklegt að þau
myndu nýta sér heimild til gjaldtöku til
samræmis við kirkjugarðana.
Reyndar þarf ekki lagaheimild til að taka
þjónustugjald í líkhúsi. Kirkjugarðs-
stjórnum er heimilt að innheimta sérstakt
þjónustugjald vegna þess að þessi þjónusta
er ekki lagaskylda og þar af leiðandi á
kirkjugarðsgjaldið ekki að mæta kostnaði
við rekstur líkhúss. Kirkjugarðar Reykja-
víkurprófastsdæma (KGRP) hafa reiknað
út kostnaðarrétt þjónustugjald og er það
um 5000 krónur.
Þórsteinn Ragnarsson
ÞJÓNUSTUGJALD Í LÍKHÚSI