Bautasteinn - 01.04.2002, Qupperneq 14

14
MARGAR ÁHUGAVERÐAR
TILLÖGUR
Samkeppni um legsteina
Eins og greint var frá í Bautasteininum í fyrra stóð
Kirkjugarðasamband Íslands, í samvinnu við skipulagsnefnd
kirkjugarða, fyrir samkeppni meðal listamanna um gerð leg-
steina. Áhugi listamanna á þátttöku var mikill og voru 12 lista-
menn valdir til að skila inn tillögum í keppnina. Dómnefnd
skipuð af útboðsaðila og Sambandi íslenskra myndlistarmanna
gaf svo umsagnir um tillögurnar með tilliti til frekari útfærslu og
framkvæmda. Í dómnefndinni áttu sæti: Karl Sigurbjörnsson,
Björn Th. Björnsson, Einar E. Sæmundsen, Áslaug
Höskuldsdóttir og Sigurður Örlygsson. Ritari dómnefndarinnar
var Guðmundur Rafn Sigurðsson, en trúnaðarmaður dómnefndar
var Ólafur Jónsson og hefur hann haft umsjón með keppninni
hvað samband við listamennina varðar og vörslu tillagna.
Sérstakur reitur hefur verið útbúinn í Fossvogsgarði þar sem
tillögurnar verða til sýnis í endanlegri útfærslu. Til stendur að
opna reitinn í haust og þar getur
almenningur skoðað þessar nýju
gerðir af legsteinum. Að sögn Ólafs
Jónssonar eru þessir steinar öðru-
vísi en hefðbundnar gerðir legsteina
sem í boði eru í dag. Meira er lagt
upp úr fagurfræði þessara steina
sem tengist því auðvitað að lista-
menn standa að baki gerð þeirra.
Hér áður fyrr voru listamenn oft
fengnir til að gera legsteina og er
með þessari keppni verið að leita til
fortíðar hvað það varðar. Steinarnir
sem til sýnis verða í reitnum munu
fara í framleiðslu og getur almenn-
ingur keypt þá í framhaldinu.
Ólafur segir keppnina hafa tekist vel
og margar tillögurnar hafi verið bæði
spennandi og nýstárlegar. Hin
ýmsu efni eru notuð við gerð
steinanna, s.s. steinn, tré,
málmar og gler. Hann segir
listamennina hafa sýnt
keppninni mikinn áhuga
enda sé þarna um viðbót
við þeirra starfsvettvang
að ræða og að listin eigi
tvímælalaust erindi inn á
þetta svið.
Næsta skref er að
ganga til samninga við
listamennina um endan-
lega útfærslu á einstökum
tillögum og búa til
sýnishorn af verkunum.
Gengið verður frá reitnum
í sumar og mun almenn-
ingur geta notið þess að
skoða hann í haust.
Ólafur Jónsson
á vinnustofu sinni
þar sem tillögurnar
hanga uppi.
Svona mun reiturinn í Fossvogsgarði líta út.