Føroya kunngerðasavn A og B - 18.03.1996, Blaðsíða 3

7
LØGTINGSLÓG
Nr. 3 um 13. febr.
tryggingarvirksemi
Samsvarandi samtykt Føroya Løgtings staðfestir og kunnger løgmaður hesa løgtingslóg:
Kapittul 1
Øki lógarinnar
§ 1. Henda lóg er galdandi fyri tryggingarvirksemi
og virksemi hjá eftirlønargrunnum sambært kapittul
21 og 22.
Stk. 2. Fyri endurtryggingarvirksemi og sam-
trygging kann Føroya Landsstýri góðkenna frávik
frá lógini, ella aðramátar áseta serligar reglur.
§ 2. Lógin er ikki galdandi fyri
1) arbeiðsloysisskipanir, jbr. løgtingslóg um arb-
eiðsloysistrygging og arbeiðsávísing.
2) Sjúkrakassar og líknandi kassar.
§ 3. Reglumar í hesi lóg um samtøkur verða at nýta,
tá móðurfelagið er eitt tryggingarfelag.
Stk. 2. Eftirlitið kann gera av, at reglumar um
samtøkur í hesi lóg ella lógini um partafeløg eisini
verða at nýta heilt ella partvíst, burtursæð frá § 49,
stk. 3 í partafelagslógini:
1) á bólkar av tryggingarfeløgum, ið ikki gera
eina samtøku sambært § 2 í partafelagslógini, men
sum tó hava eitt slíkt sínámillum samband, at nýtsla
av nevndu reglum má vera mett neyðug. Hesi feløg
tilnevna eitt felag sum § 4 fevnir um, og sum er hei-
mahoyrandi her í landinum, ið skal verða mett sum
móðurfelag. Verður hetta ikki gjørt, tilnevnir Eft-
irlitið felagið,
2) á viðurskiftini millum eitt parta- ella smáparta-
felag og eitt tryggingarfelag, tá fyrst nevnda mót-
vegis tryggingarfelagnum hevði verið mett sum
móðurfelag sambært hesi lóg, um tað rak trygging-
arvirksemi.
Stk. 3. Við dótturfeløg er at skilja dótturfeløg og
aðrar fyritøkur, sum felagið hevur eitt samsvarandi
samband við.
Kapittul 2
Almennar reglur um tryggingarvirksemi
§ 4. Tryggingarvirksemi sambært hesi lóg kunnu
einans partafeløg, sínámillum feløg og eftirlønar-
grunnar sambært kapittul 21 og kapittul 22 og Før-
oya Lívstrygging reka, sum frá Føroya Landsstýri
og Eftirlitinum hava fingið loyvi (konsessión) sam-
bært § 9, stk. 1 og stk. 2.
§ 5. Eitt tryggingarfelag kann ikki hava annað virk-
semi enn tað tryggingarvirksemi, sum loyvið tilskil-
ar, um ikki annað fylgir av reglunum í § 6.
Stk. 2. Eitt tryggingarfelag verður mett at reka
annað virksemi, um so er, at felagið
1) fremur eina avgerandi ávirkan í einum vinnu-
virki, ið rekur annað slag av virksemi enn trygging-
arvirksemi ella virksemi sambært § 6, ella
2) saman við øðrum tryggingarfeløgum ella eftir-
lønargrunnum hevur eina avgerandi ávirkan í einum
vinnuvirki, ið rekur annað virksemi enn tryggingar-
virksemi ella virksemi sambært § 6, og sum ikki er
eitt peningamillumgongupartafelag.
Stk. 3. Peningamillumgongupartafeløg eru parta-
feløg, hvørs endamál bert er at fáa sær ognarpartar
ella í aðramáta seta pening í eina ella fleiri vinnu-
fyritøkur.
Stk. 4. Tá fleiri tryggingarfeløg gera eina sam-
tøku, har móðurfelagið ikki er eitt tryggingarfelag,
ella tey eru saman í einum fyrisitingarfelagsskapi,
verða viðkomandi tryggingarfeløg mett sum eitt
tryggingarfelag tá stk. 2 kemur í nýtslu. Somuleiðis
verða møgulig dótturfeløg hjá einum tryggingarfel-
ag saman við móðurfelagnum mett sum eitt trygg-
ingarfelag.
§ 6. Umframt tryggingarvirksemi kann eitt trygg-
ingarfelag hava fylgjandi virksemi:
1) umboð fyri tryggingarfeløg og fyri onnur fel-
øg, ið eru undir eftirliti Eftirlitsins,
2) byggja, eiga og reka fasta ogn sum varandi
peningaíløga og
3) annað virksemi, ið má metast at hoyra til fel-
agsins tryggingarvirksemi.
Stk. 2. Eftirlitið kann gera av, at eitt virksemi, ið
stk. 1, nr. 3 fevnir um, skal innast av einum øðrum
felag, sum er skrásett hjá tí føroyska skrásetingar-
myndugleikanum.
Stk. 3. Tryggingarfeløg kunnu gjøgnum dóttur-
feløg reka virksemi, sum ikki er tilskilað í loyvi fel-
agsins, tá dótturfelagið einans rekur virksemi, ið er
undir eftirliti Eftirlitsins.
§ 7. Tryggingarvirksemi og annað virksemi, i𠧧 5,
stk. 1 og 6, stk. 1 fevna um, skal verða rikið sam-
svarandi reiðiligum handilsskikki og góðari trygg-
ingarsiðvenju. Eftirlitið kann í førum, har virksemið
verður rikið ímóti hesum geva boð um, at slíkt virk-