Helgarpósturinn - 26.01.1984, Page 13
Vasili Smyslov og Garri Kasparov um Lundúnaeinvígin:
IflLDUM AÐ
RÉTTLÆTIÐ SIGRAÐI
Askorendaeinvígin í London sl. haust vöktu ad vonum mikla
athygli um heim allan. Eins og menn muna, áttust þeir við
Kasparov og Kortsnoj en viöureign þeirra lauk 7:4, og Smyslov
og Ribli en þar fóru leikar 6‘/2:4!á. Sigurvegararnir Kasparov og
Smyslov munu heyja einvígi um áskorunarréttinn á heimsmeist-
arann Karpov eftir rúman mánuð.
Þegar þeir Kasparov (19) og Smyslov (61) komu til Sovétríkjanna
að loknu áskorendaeinvígunum, áttu blaðamenn sovéska tíma-
ritsins Sovetski Sport viðtal við þá félaga þar sem þeir rœða ein-
vígin í London, aöstoðarmenn sína, styrkleika sinn og heims-
meistarann í skák. Helgarpósturinn hefur fengið einkaleyfi á birt-
ingu viðtalsins á /slandi.
— Forseti FIDE ákvað að
dæma ykkur ósigur þegar þið
samþykktuð ekki stað einvíg-
anna. En fyrir góðra manna
milligöngu tókst aö afstýra því
og London var samþykkt sem
taflstaður. Höfðu þessar deilur
einhver áhrif á ykkur? Hvenær
voruð þið t.d. í besta forminu —
í júlí eða nóvember?
Kasparov: ,,Mér finnst að ég hafi
verið í góðu formi í júlí og andlega
búinn undir einvígið og frammi-
staða mín á mótinu í Nikits í
Júgóslavíu sýndi, að ég var í formi
til að taka þátt í svo mikilvægri
keppni sem áskorendaeinvíginu.
Auðvitað varð það til að kippa
undan manni fótunum, þegar tek-
in var sú óréttmæta ákvörðun að
dæma okkur ósigur án keppni.
Þegar ég frétti að einvígin færu
fram í nóvember, varð ég að
koma mér í samt lag aftur í
flýti. . .
Jafnframt hafa þessir örðugleik-
ar að einhverju leyti hert mig og
gert mér kleift að afbera ósigurinn
í fyrstu skákinni, þar sem ég hafði
hvítt og tapaði. Ég er fyllilega
ánægður með íþróttaárangurinn í
desembereinvíginu."
Smyslov: „Auðvitað neyddu
hinir óvæntu atburðir kringum
einvígin mann til að beina athygl-
inni frá skákinni. Og núna er mér
efst í huga, að íþróttagyðjan hefur
reynst okkur hliðholl og hefur að
einhverju leyti bætt okkur upp
það móralska tap, sem við urðum
fyrir vegna þess að við vorum svo
óréttlátlega dæmdir úr leik. Það
er dapurlegt, þegar ekki er tekið
tillit til álits þess, sem maður hefur
varðandi þann stað, sem halda
skal einvígið á,og manni dæmdur
ósigur.
— Hvernig gekk samstarfið
viö aðstoðarmenn ykkar?
Smyslov: „Það var mér ánægju-
efni að undirbúa mig fyrir einvígið
við R. Húbner og síðasta einvígið
við Z. Ribli með aðstoð Viktors
Davidovits Kupreitsik, stórmeist-
ara frá Minsk. Hann er skákmað-
ur, sem hefur gott vit á leikfléttum
og snöggur að meta stöðuna.
Hann er gagnrýninn og kom mér
vel að gagni við að meta áhættu.
Annar aðstoðarmaður minn var
Júrí Levovits Averbakh og hann
veitti mér ómetanlega aðstoð við
að meta endataflsstöðu. Hann er
sérfræðingur á þessu sviði. Skýrt
mat hans hjálpaði mér í flóknum
stöðum.
Mig langar að taka það fram, að
Nadezhda Andrejevna, konan
mín, er líka traustur „aðstoðar-
maður“ minn. Hún man eftir öllu
og tekur eftir öllu."
Kasparov: „Ég hafði þrjá
aðstoðarmenn, þrjá þjálfara. Eg
hef lengi haft samband við
Alexander Nikitin á skáksviðinu. í
ágúst voru liðin 10 ár síðan hann
byrjaði að vinna með mér. Undan-
farin tvö ár, þegar ég hef þurft að
leysa erfiðari verkefni heldur en í
æsku, hafa komið mér til hjálpar
Evgeni Vladimirov, alþjóölegur
meistari frá Alma Ata.og Gennadi
Timoshenko, alþjóðlegur stór-
rneistari frá Novosibirsk. Við unn-
um saman fyrir millisvæðamótið,
síðan fyrir einvígið við Beljavsky
og svo fyrir einvígið í London.
Við höfum ekki nákvæma
vinnuskiptingu. Þegar síðasta ein-
vígið stóð yfir, urðum við aðallega
að liggja yfir skákbyrjunum. í
fyrstu skákinni komu upp vissir
örðugleikar, sem biðu mín, þegar
ég hafði hvítt. Það varð stöðugt að
fullkomna það sem við fundum út.
Byrjunin, sem ég notaði í síðari
hluta einvígisins, var ekki af tilvilj-
un. Það varð að vinna mikið til
þess að gera byrjunina að aðal-
vopninu.
Auk þess varð stöðugt að leysa
vandamálin hjá svörtu mönnun-
um. Það var nokkru erfiðara
vegna þess að andstæðingur minn
skipti sífellt um byrjunarkerfi. Og
við urðum að sigrast á þessu
vandamáli. Og útkoman hjá hvít-
um í síðari hluta einvígisins talar
sínu máli — 3’/2 af fjórum . . . Það
sama varð uppi á teningnum hjá
andstæðingi mínum, þegar hann
hafði hvítt; ég vann einvígið með
7:4 eins og kunnugt er.
í heild gat þjálfarahópurinn
leyst öll þau vandamál, sem urðu
á vegi okkar. Og þess vegna var
ég öruggur, þegar leið að lokum,
'en þá fór Kortsnoj að verða óró-
legur.
Þar sem ég hef fengið bréf frá
lesendum, þar sem ég er spurður
að því hvaða hjálp móðir m'm,
Klara Shagenovna, veiti mér,
verð ég að segja að það er að
þakka áhrifum hennar, að ég var
óbugandi og gat rólegur haldið
áfram í síðari hluta einvígisins."
— Hvers vegna notaðir þú
ekki indverska vörn, þegar þú
hafðir svart, sem þú ert svo
hrifinn af?
„Það var ekki skynsamlegt að
gera það í London. í fyrsta lagi
vegna þess að andstæðingur minn
var búinn að búa sig vel undir ind-
verska vörn — það var mér ljóst.
Hann varð að leggja áherslu á
þetta atriði, þar sem þetta er
meginatriðið í byrjunum mínum
með svart. 1 öðru lagi vegna þess
að Kortsnoj vænti þess að þegar
ég færi að tapa, mundi ég leika af
mér og grípa til eftirlætisaðferðar-
innar með svart. Og í lok einvígis-
ins skildi ég, að andstæðingur
minn hafði ekkert á móti öðrum
varnarkerfum, sem ég reyndi, og
var stöðugt að leita fyrir sér og
breyta til. Ég notaði eina vörn í
einvíginu og eins og sést tókst það
nokkuð vel.“
— Hvernig voru viðbrögð
ykkar við árangri hins — sigr-
um og ósigrum?
Smyslov: Auðvitað gladdist ég,
þegar okkur tókst vel. Við áttum
eitt sameiginlegt — að báðum
hafði verið dæmdur ósigur og
þess vegna höfðum við áhuga á
hvor um sig að hinum gengi vel.
Við liðum báðir vegna hins órétt-
láta dóms og vildum að réttlætið
sigraði." -
Kasparov: „Ég segi hreint út að
í upphafi var einvígið milli Smy-
slovs og Zoltan Ribli eins og í
móðu hjá mér. Mín eigin málefni
tóku alían minn tíma. Síðar fylgd^
ist ég af ánægju rrieð þvr hversu
fersk og glæsileg taflmennska
Smysiovs var.“
— Hvernig standa stigin á
milli ykkar?
Stórmeistararnir Vasili Smyslov og Garri Kasparov.
Smyslov: „Það er best að Garri
svari. Hann hefur betra minni.“
Kasparov: „Já, ég verð að segja
að þarna hef ég betur. En mig
langar til að minna á það að þú
vannst mig árið 1975 og alla hina
í liði Ungherjahallarinnar í Bakú,
þegar þú tefldir fjöltefli þar. Það er
sennilega metið í slíkum mótum.
Og árið 1981 tókst mér tvisvar að
sigra þig þegar ég tefldi fyrir ungl-
ingaliðið á landsmótinu. Og sama
ár hittumst við á „Stjörnumótinu"
og þar lauk viðureign okkar með
jafntefli."
— Einhvern tíma var Fisc-
her beðinn að nefna tíu bestu
skákmenn heimsins. Getið þið
gert það?
Smyslov: „Sérhver mikill skák-
maður hefur endurspeglað anda
síns tíma. Það var tími Steinitz,
Morfie var á tindinum og átti sitt
tímabil. Ég sá Lasker, fylgdist með
Capablanca, sá hina stórfenglegu
tækni hans og mat mikils byrjanir
hans, sem voru fullar innsæi. Það
má ekki gleyma Alekhin, glæsi-
legum leikfléttum hans og sam-
ræmdri taflmennsku. Ég tefldi
hundrað skákir við Botvinnik,
samtímamann okkar. Nú eru aðrir
tímar — timinn er farinn að nálg-
ast tölvurnar. Það þarf mikið starf
til að vinna tæknilegt kerfi í smá-
atriðum . . .“
Kasparov: „Já, og það má bæta
því við að heimsmeistarinn er
besta dæmið um sína tíma. Af
honum getum við dæmt um þró
un skákarinnar. Skákin þróast
hröðum skrefum og fulltrúar
hennar eru dæmi umþær framfar-
ir. Núverandi meistarar þekkja
eftirmenn sína miklu betur. Ein-
mitt þess vegna er ekki hægt að
bera þá saman, Capablanca og
Karpov."
— Hvað f innst ykkur um þaö
fyrirkomulag að undanúrslit
heimsmeistaraeinvígisins taki
tvö ár?
Smyslov: Baráttan mun þá ein-
kennast af hraða. Ég tel, að reynsl-
an leiði að lokum í ljós, hversu
gott þriggja ára kerfið er. Ég er á
móti breytingum í skákinni."
Kasparov: „Mig langar til að
segja eindregið að heimsmeistar-
inn er mikilvæg persóna á íþrótta-
himninum. Og það er óhugsandi
að setja hann í þá aðstöðu að hann
þurfi að vera undir of miklu álagi.
Það er gert ráð fyrir að tveggja ára
kerfið feli í sér það sem skákmenn
eru að gera núna á 6—8 árum.
Þetta er aðeins þeim í hag, sem
eru með skák-„show“ á Vestur-
löndum. Á að gera heimsmeist--
araeinvígið að einhverri hring-
ekju? Þetta hentar aldrei þeim
sem eru sannir skákmenn. Hvers
vegna dettur engum í hug að
breyta því kerfi, sem er í knatt-
spyrnu, þar sem liðið heldur
heimsmeistaratitilinum í fjögur
ár . . .?“
— Smyslov, muntu halda
áfram aö sinna tónlistinni?
„Ég hef verið að hugsa um
hvernig ég á að skilja eitthvað eft-
ir mig. Ég held að það væri of
erfitt að vera með tónleika. Það-
nægir að taka þátt í skákmótum.
En ég hætti ekki við þá hugmynd
að skilja eitthvað eftir mig á tón-
listarsviðinu. Og svo var mér boð-
ið að leika er ég tók þátt í móti og
þar lék ég inn á plötu . ..“
— Verda einhverjar breyt-
ingar á fjölskyldulífi
Kasparovs á nýbyrjudu ári?
„Nei, ég tel það ekki tímabært.
Þess heldur sem ástandið hjá mér
á fjórða ári í Kennaraháskólanum
i Bakú er talsvert lakara en í skák-
inni. .. Ég hef sem sagt ekki náð
þeim markmiðum sem ég setti
mér.“
SKAKBÆKUR
Yfir 300 skákbókatitlar fyrirliggjandi
og nýjar bækur bætast viö daglega.
Sýnishorn erlendra
skákbóka:
kr.
Karpov: Chess is My Life........... 792
Karpov: Chess Kaleidoscope......... 146
Karpovs Games as World Champion 788
Kasparov: Fighting Chess —
My Games and Career............... 436
Korchnoi: Chess is My Life......... 251
Korchnoi’s Best Games ... ......... 739
Korchnoi’s 400 Best Games.......... 524
Chess Openings...................... 524
B. Fischer: My 60 Memorable Games 340
Bronstein: 200 Open Games......... 524
Spasskys 100 Best Games............. 313
The French Defence.................. 524
Bronstein: 300 Open Games......... 524
Botvinnik: Selected Games, 67—70 . 1.053
Smyslov: Selected Games............1.053
Portisch: Six Hundred Endings..... 842
Petrosian: His Life and Games..... 684
Levy: How Fischer Plays Chess..... 578
Matanovic: Encyclopaedia of Chess
Openings, A, B, C, D, E,
væntanlegar f Ijótlega.
Matanovic: Encyclopaedia of Middle
Games Combinations,
væntanleg fljótlega
og hundruð annarra skákbóka.
Við sendum í póstkröfu
TAFLMENN
SKÁKKLUKKUR
TAFLBORÐ
TAFLDÚKAR
í ótal geröum
Skákbækur á íslensku:
kr.
Lærið að tefla..................... 50
Æskan aó tafli................... 120
Þrjú skref: Suetin, nýútkomin....1.235
Við skákborðið i aldarfjóröung... 494
Skák i austri og vestri
Þýö. G. Arnlaugsson ............ 494
Skákdæmi og tafllok............... 593
Besti leikurinn: Hort............. 618
Handbók Skáksambandsins........... 431
Hagnýt endatöfl: Keres.... .......... 494
Áætlunin: Romanovsky ............. 494
Hvernig ég varð heimsmeistari: Tal .. 494
o.fl. o.fl.
INFORMATOR
Slöustu tvær bækurnar:
Nr. 34 kr. 747.- Báöar saman kr. 1.400.-
Nr. 35 kr. 850.-
SKAKHUSIÐ
Sérverslun með skákvörur Laugavegi 46 — sími 19768 — Box. 491
HELGARPÓSTURINN 13