Helgarpósturinn - 30.08.1984, Blaðsíða 10
HP
HELGARPÓSTURINN
Ritstjóri:
Ingólfur Margeirsson
Ritstjórnarfulltrúi:
Hallgrímur Thorsteinsson
Blaðamenn: Óli Tynes, Ómar
Friðriksson og Sigmundur
Ernir Rúnarsson.
Otlit: Björn Br. Björnsson.
Ljósmyndir: Jim Smart
Handrit og prófarkir: ,
Hildur Finnsdóttir
Útgefandi: Goðgá h/f
Framkvæmdastjóri:
Guðmundur H. Jóhannesson
Auglýsingar:
SteenJohansson
Markaðsmál, sölustjórn og
dreifing: Hákon Hákonarson,
Sigþór Hákonarson.
Innheimta:
Jóhanna Hilmarsdóttir
Afgreiðsla: Ásdís Bragadóttir.
Lausasöluverð kr. 35.
Ritstjórn og auglýsingar eru
að Ármúla 36, Reykjavík, sími
8-15-11. Afgreiðsla og skrif-
stofa eru að Ármúla 36. Sími
8-15-11.
Setning og umbrot:
Leturval s/f
Prentun: Blaðaprent h/f
Skólarnir
í haust
Innan skamms opna skólarn-
ir dyr sínar fyrir þúsundum
skólabarna eftir sumarfrí. Þessi
börn eiga von á að koma inn í
talsvert annað andrúmsloft á
þessum vinnustöðum en •
venjulega hefur ríkt þar.
Spenna liggur í loftinu.
Kennarar hafa hótað upp-
sögnum og verkfalli. Þeim er
full alvara að þessu sinni. Þeir
vilja fá starf sitt endurmetið, að
fullt tillit verði tekið til mennt-
unar þeirra og ábyrgðarinnar
sem þeir bera í nútíma þjóðfé-
lagi.
Kjör kennara eru til van-
sæmdar hinu opinbera. Hið op-
inbera verður strax að átta sig á
því, að við svo búið má ekki
lengur standa. Kennarar flýja
nú unnvörpum stétt sína, segj-
ast ekki hafa efni á að starfa í
þeirri grein sem þjóðfélagið
hefur menntað þá í. Hvílíkum
verðmætum er þarna kastað á
glæ! Og börnin, hvað er verið
að gera þeim? Til hvers er verið.
að mennta kennara, eiga börn-
in ekki rétt á bestu uppfræðslu
sem völ er á?
Foreldrar myndu áreiðan-
lega ekki telja það eftir sér að
greiða örlítið meira í skatta til
að tryggja það að sómasam-
lega væri séð fyrir uppfræðslu
barna þeirra, en kerfið er stirt
og þvergirðir fyrir alla mögu-
leika til að hlúa að sjálfri undir-
stöðu skólakerfisins.
I dag birtir Helgarpósturinn
átta síðna blaðauka um skóla-
mál, þar sem kennarar og aðrir
skólamenn segja álit sitt á
stöðu mála. Þeir eru ómyrkir í
máli. Þeir segja: Hingað og ekki
lengra.
Menntamálaráðuneytið hef-
ur að undanförnu verið að
reyna að upplýsa hvaða áhrif
sparnaður í skólakerfinu kemur
til með að hafa á skólastarf í
vetur. En ráðuneytinu hefur
tekist illa upp. Almenningur
fær enga skýra mynd af áhrif-
um sparnaðarins, hefur engin
áhrif á hvað skorið er niður.
Menntamálaráðuneytið virðist
íeins konar feluleik við kennara
og almenning með þennan nið-
urskurð.
Það er ekki nema sjálfsögð
kurteisi við foreldra skólaæsku
þessa lands, að ráðuneytið
leggi spilin á borðið og geri ná-
kvæma grein fyrir þeim ieið-
um sem það hyggst fara í nið-
urskurðinum, fyrst hann er
svona nauðsynlegur.
BREF TIL RITSTJORNAR
✓
I tvísýnum leik
Akureyri 20. ágúst 1984
Á bls. 19 í síðasta tölublaði Helg-
arpóstsins birti Ingólfur Margeirs-
son umsögn um eftirsóttan „þriggja
spólu pakka“ af ákveðnum mynd-
böndum undir fyrirsögninni „Herra
leiksins". Fyrirmynd þessara mynd-
banda er spennusagan „Master of
the Game“ eftir Sidney Sheldon,
sem trónaði lengi á metsölubóka-
listunum í Bandaríkjunum fyrir
skömmu. Nauðsynleg er örlítil at-
hugasemd af þessu tilefni.
Bókaforlag Odds Björnssonar gaf
fyrra bindið af „Master of the
Game“ út í fyrra í þýðingu Hersteins
Pálssonar undir heitinu „í tvísýn-
um leik“. Síðara bindið kemur út í
haust.
Þar eð Ingólfur nefnir til sögunnar
fleiri rit Sidney Sheldons á ensku,
eins og fleiri þessa dagana, þá má
líka upplýsa, að íslensku’þýðingarn-
ar í útgáfu bókaforlagsins bera þessi
nöfn: Fram yfir miðnætti, Andlit í
speglinum, Blóðbönd og Verndar-
englar.
Með þökk fyrir birtingu,
Bókaforlag Odds Björnssonar,
Akureyri.
Leidrétting
frá
rafmagnstj óra
Hr. ritstjóri.
Nú í sumar hefur blað yðar tvíveg-
is birt alrangar upplýsingar um Raf-
magnsveitu Reykjavíkur. Ekki
verður hjá því komist að leiðrétta
skrif af þessu tagi.
Helgarpósturinn upplýsir í
fyrra skiptið (12. júií), að „núver-
andi bygging" Rafmagnsveitunnar
við Suðurlandsbraut sé „aðeins
þriðjungur þess, sem koma skal. Eft-
ir er að byggja önnur eins stórhýsi
yfir tækjadeild fyrirtækisins og aðr-
ar deildir, sem nú eru dreifðar víðs
vegar um bæinn“.
Hið sanna er: Engin áform eru
uppi um að reisa fleiri byggingar á
lóðinni, enda núverandi byggingar
einmitt miðaðar við að hýsa allar
deildir fyrirtækisins.
Helgarpósturinn upplýsir í síð-
ara skiptið (2. ágúst) m.a., að Raf-
magnsveitan „hafi fengið miklar
verðhækkanir síðustu misseri".
Hið sanna er, að gjaldskrá fyrir-
tækisins hefur verið óbreytt í rúm-
lega eitt ár, eða frá 1. ágúst 1983.
Ekki er ljóst, hvaða tilgangi þessi
fréttaflutningur Helgarpóstsins á að
þjóna. Rafmagnsveitan fer hins veg-
ar fram á, að leiðrétting þessi verði
birt þar í blaði yðar, sem ætla má,
að hún nái tilgangi sínum.
Virðingarfyllst,
Aðalsteinn Guðjohnsen
rafmagnsstjóri.
Helgarpósturinn biðst velvirðing-
ar á því að fara rangt með hús-
byggingaáform Rafmagnsveitunn-
ar. Það er hins vegar hártogun að
líta svo á, að orðalagið „síðustu
misseri" tákni síðastliðið ár, sérstak-
lega þegar það er haft í huga, að
notkunar- og fastagjöld fyrir þjón-
ustu Rafmagnsveitunnar hækkuðu
samtals um 141% árið þar á undan,
eða frá 1. ágúst 1982 til 1. ágúst
1983.
Ritstj.
SPENNANDI
KVÖLD HEIMA
í Grundvallarútbúnaöur )
Æsispennandi, drepfyndnar, hroiivekjandi eða
hugljútar bíómyndir eftir smekk, frá
Grensás Video,
Púði,
Cowboy- eða Bogart haltur,")
") Þessir liðir gera áhorfendur að
þátttakendum í atburðarás kvikmynda,
Þegar þú vilt hafa spennandi
kvöld heima, líttu þá til
okkar fyrst. Við eigum alltaf
til góða bíómynd handa þér,
hvað sem þig fýsir að sjá,
James Bond eltast við skvísur
eða skúrka, lögreglufulltrúann
Clouseau spranga um París í
Lautrec dulargervinu, Dracula
skvetta í sig einum O+, eða
bara eitthvað sætt.
Hjá okkur eru til yfir 1000
mismunandi bíómyndir og í
hverjum mánuði skiptum við um
að minnsta kosti 100 titla,
þannig að við eigum alltaf
eitthvað nýtt, jafnvel fyrir
reglulega neytendur.
4. HVER SPÓLA
FR'ITT!
GRENSÁSVIDEO
Grensásvegi 24, sími 686635
10 HELGARPÓSTURINN