Helgarpósturinn - 30.08.1984, Blaðsíða 24
^hfj^edan beðið er eftir nýj-
um verkefnalista ríkisstjórnarinnar
frá Steingrími Hermannssyni og
Þorsteini Pálssyni, formönnum
stjórnarflokkanna, hafa menn verið
að velta fyrir sér baksviði þessara
mjög svo leynilegu viðræðna
þeirra. Á yfirborðinu bíða menn eft-
ir tillögum formannadúósins með
eftirvæntingu — tillögum um nýjar
fjármögnunarleiðir atvinnuveg-
anna, tiliögum um kerfisbreytingar
í landbúnaði, m.m. — en undir niðri,
innan stjórnarflokkanna, er beðið
með jafnvel enn meiri óþreyju eftir
áhrifum nýja stjórnarsáttmálans á
stjórnarsamstarfið og stöðu for-
mannanna tveggja. Takist þeim að
koma tillögunum svo til átakalaust í
gegn er talið að þeir styrki báðir
stöðu sína sem formenn. Áfram-
haldandi stjórnarsamstarf flokk-
anna byggist á því að þeir nái sam-
an og Steingrími Hermannssyni er
ljóst að flokkur hans hefur ekki efni
á að klikka á úrslitastundu og allra
síst núna við kjördæmabreytinguna
þegar Framsóknarflokkurinn þarf
einmitt að taka sig saman í andlitinu
til að ná upp fylgi á suðvesturhorn-
inu. Steingrímur er því afar viljugur
að þóknast hugmyndum Þorsteins
Pálssonar og hann notar viðræð-
urnar um leið til þess að sveigja
Framsóknarflokkinn inn á ný mið í
hinu pólitíska Iitrófi. Gert er ráð fyr-
ir að eldri framsóknarmenn komi til
með að malda í móinn þegar tillög-
urnar koma loks í ljós í næstu viku
en ekki er búist við neinu stórupp-
gjöri í flokknum vegna þessa. í við-
ræðum þeirra Steingríms og Þor-
steins hefur ráðherrastóll handa
formanni Sjálfstæðisflokksins ekki
verið tekinn sérstaklega fram, en
möguleiki á því að Þorsteinn taki
sæti í ríkisstjórninni í kjölfar nýja
verkefnalistans er þó engan veginn
sagður útilokaður. Skerist þannig í
odda vegna verkefnalistans, ef til
dæmis einstakir ráðherrar Sjálf-
stæðisflokksins telja sig ekki með
góðu móti geta farið eftir slíkum
lista, þá segja raddir innan Sjáif-
stæðisflokksins að þessum sömu
ráðherrum sé frjálst að taka pokann
sinn hvenær sem er...
EÍ ins og sagt var frá í síðasta
Helgarpósti má búast við all
hávaðasömu þingi Sambands
ungra framsóknarmanna í Vest-
mannaeyjum um þessa helgi. Við
nefndum síðast, að líklega yllu til-
lögur um gerbreytta stefnu í land-
búnaðarmálum einhverju fjaðra-
foki á þinginu, en nú lítur út fyrir að
annar málaflokkur — varnarmálin
— steli senunni með stórum hvelli.
Varnarmálanefnd SUF
hefur sett saman tillögur í öryggis-
og varnarmálum, sem hljóta að telj-
ast byltingarkenndar fyrir SUF; þar
á bæ hafa andstæðingar varnar-
samvinnunnar við Bandaríkjamenn
löngum þótt nokkuð áberandi. Nú á
að skipta um kúrs, því í nýja plagg-
inu frá varnarmálanefndinni er tek-
ið kröftuglega undir vestræna varn-
arstefnu og öllu hlutleysi í varnar-
málum hafnað. Hugmyndir um
kjarnorkuvopnalaus Norðurlönd fá
líka dræmar undirtektir. Þung
áhersla er hins vegar lögð á aukna
þátttöku íslands í störfum Atlants-
hafsbandalagsins og eins miða til-
lögurnar að því að íslendingar fái
aukin áhrif á áætlanagerð og
ákvarðanir í varnarmálum innan
NATO. í tillögunum er líka gert ráð
fyrir hertu eftirliti með sendiráðum
erlendra ríkja og starfsemi þeirra
hér á landi og lögð áhersla á varnir
gegn hryðjuverkastarfsemi hér. • •
■ efnd útvarps- og sjónvarps-
starfsmanna leitar nú leiða að bættu
skipulagi og deildaskiptingu innan
Ríkisútvarpsins, með tilliti til nýja
útvarpshússins. Nefndin var sett á
laggirnar að ráði tveggja ráðgjafa
frá norska ríkisútvarpinu, NRK, sem
könnuðu þessi mál fyrir RÚV í júní
í sumar. Um leið og Norðmennirnir
iögðu til í skýrslu sinni að starfs-
menn kæmu sér niður á lausn á
þessu máli bentu þeir á ýmislegt
sem betur mætti fara í skipulagn-
ingu útvarps og sjónvarps. Tillögur
Norðmannanna munu hafa komið
mörgum eldri starfsmönnum Ríkis-
útvarpsins kunnuglega fyrir sjónir,
því oft hafi verið talað um slíkar
breytingar innanhúss, en ekkert
orðið úr. En breytingar virðast í
vændum hjá stófnuninni, þótt þessi
gamla aðferð hafi verið notuð: að fá
erlenda ráðgjafa til þess að segja
mönnum það sem þeir gátu sagt sér
sjálfir. Meðal þess sem rætt hefur
verið er útvíkkun á hlutverki frétta-
deildar útvarps og sameining
tæknideilda útvarps og sjónvarps,
svo og augiýsingadeildanna. . .
l næsta mánuði verður opnuð að
Laugavegi 8 dálítið nýstárleg versl-
un. Hún mun eingöngu hafa á boð-
stólum nýtt súkkulaði sem verður
flutt flugleiðis frá Sviss. Eigendur
verslunarinnar eru þau Ingibergur
Þorsteinsson og Freygerdur
Kristjánsdóttir og þau eru þegar
búin að gera samning við sælgætis-
framleiðanda í Sviss. Það verða að-
allega konfektmolar og konfektkúl-
ur sem verða á boðstólum og allt
selt eftir vigt. Sælgætinu verður
pakkað í sérstakar skrautöskjur
sem verða af mörgum stærðum og
verður hægt að kaupa frá einum
mola uppí glás af kílóum. Fullyrt er,
að þetta gotterí verði ekki mikið
dýrara en það sælgæti sem hér er
selt í dag...
A
^^^^fleysingafréttamaður á út-
varpinu fór í sumar til Kúbu sem far-
arstjóri hópsins sem fer þangað á
hverju ári til að vinna á sykurekrun-
um.Samferða voru einnig hópar frá
hinum Norðurlöndunum. Fyrir
skömmu barst íslenska Kúbuvinafé-
laginu bréf varðandi íslenska farar-
stjórann, skrifað af fararstjórum frá
hinum Norðurlöndunum. Kváðu
þeir þar lýsa forakt nokkurri á lítt
kommúnísku framferði íslenska far-
arstjórans, en beiðast þess af Kúbu-
vinafélaginu að það vandi betur val
sitt næstu árin. Á meðal ávirðinga
fararstjórans er einkum til nefnt að
hann hafi skipt dollurum á svörtum
markaði; ,,það er hvort eð er plag-
siður í kommúnistaríkjum," á hann
að hafa sagt á góðri stund. Þá mun
hann hafa skorast undan því að fara
að sofa á hverju kvöldi klukkan ell-
efu, dansað stríðsdans þegar tilskip-
un barst um að dansa einungis
hringdans og þannig mætti lengi
telja. En altént eru skandinavískir
Kúbuvinir æfir. Er þetta mál allt
ekki farið að minna dálítið á þá at-
burði sem áttu sér stað hér um árið
og enduðu með því að Steini Stein-
arr var fleygt niður stiga?...
HÆKNJM VIÐ
imiÁMSVEXTI
V/axtabreytingar frá 27. ágúst:
SparireiKningar með 18 mán. uppsögn___________
Innlánsskírteini 6 mánaða_____________________
Verðtryggðir sparireikn. 3ja mánaða binding
Verðtryggðir sparireiKn. 6 mánaða binding
Tékkareikningar_______________________________
hækka í 25%, ársávöxtun 26,6%
hækka í 24,5%, ársávöxtun 26%
hækka í 3%
hækka í 6,5%
hækka í 10%
Aðrir vextir eru óbreyttir frá 13. ágúst 5.1.
HÆ5TU
BAHHAVEXTIRHIR!
Sparireikningar Búnaðarbankans með 18 mánaða uppsögn
bera 26,6% ávöntun á ári.
Þetta eru hæstu banhavextir sem bjóðast
Búnaðarbankinn mun ávallt leitast við að veita sparifjáreigendum
hæstu venti sem í boði eru hverju sinni.
BUNAÐARBANKI
ÍSLANDS