Helgarpósturinn - 13.12.1984, Blaðsíða 2
FRÉTTAPÓSTUR
Stórbruni í frystihúsi
Á mánudagskvöldið varð mikill bruni í frystihúsi Jökuls
á Raufarhöfn og er talið að 10—15 milljóna króna tjón hafi
hlotist af. Er reiknað með að 50—70 manns missi vinnuna
af þessum völdum í langan tima. Á þriðjudagsmorgun sam-
þykkti Framkvæmdasjóður að taka þátt í uþþbyggingu nýs
frystihúss á Raufarhöfn. Hafa forráðamenn frystihússins
sem brann lengi átt inni óafgreidda beiðni hjá Fram-
•kvæmdastofnun um slíka aðstoð.
Deilur um vexti
Miklar deilur eru uppi vegna fyrirætlunar Seðlabankans
um vaxtabreytingar á næstunni. Felst hún m.a. í að vextir
á almennum sparisjóðsbókum hækki úr 17 í 22% ásamt
hækkun afurðalánavaxta en lækkun vaxta á styttri verð-
tryggðum útlánum. Einstakir stjórnarþingmenn munu
vera mjög andsnúnir vaxtahækkunum og iðnaðarráðherra
hefur sagt að lausnin felist í að vextir verði gefnir frjálsir án
verðtryggingar.
Fíkniefnavandamál við Traffic
í viðtali við eitt dagblaðanna fyrir skömmu sagðist
sænskur uppeldisfræðingur hafa kynnt sér skemmtistaði
unglinga í Reykjavík og segir gífurlega ölvun og fíkniefna-
neyslu eiga sér stað við skemmtistaðinn Traffic í Reykjavík
og láti lögregla það óátalið. Haft er eftir Bjarka Elíassyni yf-
irlögregluþjóni að ástandið fyrir utan þennan stað sé slæmt
og það geti ekki verið hlutverk lögreglu að taka ábyrgð á
uppeldi barna og unglinga í borginni.
íorsteinn fer ekki í stjórnina
Þingflokkur og miðstjórn Sjálfstæðisflokksins ræddu
mikið pólitíska stöðu stjórnarinnar í síðustu viku og eru nú
taldar litlar líkur á að Þorsteinn Pálsson formaður verði
ráðherra í stjórninni eins og mikið hefur verið rætt um að
undanförnu.
Námslánum bjargað fyrir jól
Fjárhagsvandræði Lánasjóðs íslenskra námsmanna
leystust að nokkru í síðustu viku þegar fjármálaráðherra
samþykkti beiðni menntamálaráðuneytisins um aukafjár-
veitingu til sjóðsins svo hægt væri að greiða út desemberlán.
Rauði krossinn 60 ára
Rauði kross íslands varð 60 ára 10. desember og í tilefni
þess ákvað félagið að gefa Krabbamemsfélagi íslands tæki
til leitar að brjóstkrabbameini og kostar það alls tvær og
hálfa millj. kr.
Fréttapunktar
• Upplýst hefur verið að í sept. sl. hafilegið nærri að tvær
Flugleiðaþotur rækjust saman á flugi skammt frá Keflavík.
• íslandsdeild Amnesty International hélt hátíðarfund
sl. sunnudag vegna tíu ára afmælis deildarinnar.
• Reykvíkingar tendruðu á Oslóarjólatrénu við Austur-
völl á sunnudaginn sem er með fyrra móti. Jólasveinar létu
líka sjá sig þó enn væru 15 dagar til jóla og skilja menn illa
hvað olli þessu bráðlæti þeirra kumpána.
• Steingrímur Hermannsson forsætisráðherra slasaðist
á hendi er hann var að vinna með hjólsög á heimili sínu um
helgina. Aðgerð á sjúkrahúsi tókst vel, svo hann heldur
fingrunum að undanskildum bút framanaf löngutöng.
• Ms. Akranes lenti í hálfsmánaðar töf vegna þeirrar ör-
traðar skipa sem varð meðan gert var við Valleyfieldbrúa
víð Montreal í Kanada. Töfin kostaði skipafélagið 3 milljón-
ir.
• Nýtt verð á áfengi og tóbaki tók gildi í gær. Meðalhækk-
un vökvans er 12,5% en vindlingarnir hækka um 19% og
reyktóbak 25%.
• Forsætisráðherrar Norðurlandanna ásamt samstarfs-
ráðherrum og forsætisnefnd Norðurlandaráðs halda fundi
í Reykjavík þessa dagana. Olof Palme forsætisráðherra Sví-
þjóðar mun flytja erindi við Háskóla íslands á föstudag.
• Samtalsbók Auðar Sveinsdóttur Laxness og Eddu
Andrésdóttur, Á Gljúfrasteini er söluhæsta bókin á jóla-
bókamarkaðnum fram að þessu. Sala jólabóka virðist ætla
að verða nokkru meiri en margir höfðu búist við.
• Ekkert áramótaskaup verður hjá hljóðvarpinu í ár en
þess i stað bein útsending frá áramótagleði starfsmanna út-
varps í samvinnu við Stuðmenn.
• Alvarlegt ástand ríkir víða um land í atvinnumálum og
er búist við að atvinnuleysisdagar í nóvember nemi 27 þús-
und, sem samsvarar því að 1300 manns hafi verið á at-
vinnuleysisskrá á landinu öllu í þeim mánuði.
íþróttir
íslendingar sigruðu Svía í handknattleik sl. föstudag
25—21 en Sviar sneru taflinu við i tveimur leikjum á laugar-
dag og sunnudag og sigruðu í bæði skiptin, 33—21 og 25—
20.
Jón Páll Sigmarsson setti íslandsmet í bekkpressu á móti
Æfingamiðstöðvarinnar sl. laugardag. Konur tóku í fyrsta
skipti þátt í lyftingakeppni og sigraði þar Sigurbjörg Kjart-
ansdóttir.
Ráöningar og stöðuveitingar
Þráinn Þorvaldsson rekstrarhagfræðingur tekur 15.
febrúar við starfi framkvæmdastjóra Útflutningsmiðstöðv-
ar iðnaðarins af Úlfi Sigurmundssyni hagfræðingi sem þá
tekur við starfi viðskiptafulltrúa við ræðismannsskrifstof-
una í New York.
Jóhannes Gunnarsson hefur verið kjörinn formaður
Ney tendasamtakanna.
Tónleikar
Kristján Jóhannsson óperusöngvari syngur á jólahljóm-
leikum í Háskólabíói á laugardaginn og á sunnudag heldur
Mezzofortesveitin tvenna tónleika á sama stað.
Afmæli
Ingvi S. Ingvarsson ráðuneytisstjóri í utanríkisráðuneyt-
inu varð sextugur sl. miðvikudag, 12. desember.
Listmunir frá Mexíkó.
Mexikó til íslands
★Á annarri hæð á Laugavegi 28
hefur verið sett á laggirnar ný
verslun sem nefnist Mexíkó, enda
við hæfi, þar sem þar eru ein-
göngu seldir handunnir listmunir
frá því landi. Að baki stendur
sameignarfélag fjölskyldu og sjá
tvær systur um reksturinn, þær
Unnur Briem og Anna Jóna
Briem.
í stuttu spjalli við HP segir
Unnur þetta til komið vegna
þess að þriðja systirin er gift
manni í Mexíkó og búsett þar og
hún sér um að senda þeim þá
muni sem boðið er upp á. „Þetta
eru eingöngu handunnir munir
indíána sem þekkja ekkert til véla
og kunna einungis þennan iðnað
en eins og þú sjálfsagt veist,"
segir Unnur, „þá ber þetta fólk
lítið út býtum fyrir sitt verk svo
það er draumurinn hjá okkur að
ágóðahlutur renni til styrktar
bágstöddum börnum í Mexíkó.
Við vitum þó ekki enn hvernig
þetta mun bera sig því við erum
svo nýbyrjaðar. Það eru þó allar
vonir til að svo muni verða því
rennirfið er að aukast og margir
hafa hrifist af þessum munum."
í Mexíkó fæst fjölskrúðugt úr-
val hluta, s.s. teppi í bæði mild-
um og skærum litum, útsaumað-
ir dúkar, töskur, sjöl og málaðar
myndir á kork ásamt fjölda smá-
hluta, s.s. veggplatta úr kopar og
ieir, fléttaðar körfur o.fl. o.fl.TÍr
LandsliðsmarkvQrður
Englendinga, .
Petér Shilton, segir.
"MINI-MÖRKIN ERU FRÁBÆR
FYRIR UNCA KNATT5PYRNUMENN”
Mini-mörkin eru seld samanbrotin í hand-
hægri tösku, plakat af Peter Shilton og
markmannshanskar fylgja. Þau er auðvelt
að setja upp, enda úr léttu gerviefni.
Frábærlega skemmtileg fyrir unga knatt-
spyrnumenn!
Mini-mörkin eru tilvalin fyrir alls kyns
félagasamtök og hópa sem vilja bregða
óvænt á leik hvar sem þeir eru staddir
saman. Þau eru ómissandi fyrir íþrótta-
félög sem efna til útilegu eða skemmtiferða
með félagsmenn sína, yngri jafnt sem eldri,
snaggaraleg lausn á leikaðstöðunni fyrir
utan sumarbústaðinn og fyrir hressar fjöl-
skyldur er bráðsnjallt að hafa Mini-mörkin
með í skottinu þegar skotist er út fyrir
þæinn.
fótboltar
-toppurinn í dag!
Hoffell
Ármúla 36
Símar 83830
82166
2 HELGARPÓSTURINN
TlMABÆR