Helgarpósturinn - 02.06.1988, Side 6

Ur eigin neimi

■ * * < I' ■
Ný stjórn tók vid Goögá h.f., hlutafélagi því sem rekur
Helgarpóstinn s.I. mánudag, en þá var haldinn aðalfund-
ur í félaginu. Nýja stjórnin tók vid eftir miklar sviptingar
tveggja fylkinga hluthafa, sem barist hafa um yfirráð yfir
hlutafélaginu síðustu 14 mánuði. í nýju stjórninni eru
Róbert Arni Hreidarsson, formaður, Birgir S. Hermanns-
son, varaformaður, og Siguröur Ragnarsson. í varastjórn
eru Gudmundur Óli Gudmundsson, Ólafur Sigurgeirsson
og Gísli Gudmundsson. Sú fylking hluthafa sem nú held-
ur um stjórnartaumana ræður naumum meirihluta hluta-
fjár. Ágreiningur er um reksturinn á síðasta ári og við-
skilnað fráfarandi stjórnar. Breytingar verða engar á rit-
stjórnarstefnu blaðsins á meðan það er undir stjórn nú-
verandi ritstjóra og hafa stjórnarmenn lýst því yfir að alls
ekki sé á döfinni að breyta mannahaldi né hafa áhrif á
skrifin. Lausafregnir þess efnis að Borgaraflokkurinn
hafi keypt Helgarpóstinn eru úr lausu lofti gripnar.
Óveöursský yfir
Helgarpóstinum.
Helgarpósturinn er í
húsinu til haegri á
myndinni. í kjölfar
deilna og valda-
uppgjörs eigenda
blaðsins ríkir nokkur
óvissa um framtíð
Helgarpóstsins ...
mynd: Magnús Reynir
I rúmt ár hafa tvær fylkingar hlut-
hafa í Helgarpóstinum eldað saman
grátt silfur. Agreiningurinn hefur
komið upp á stjórnarfundum og á
aðalfundi s.l. haust, en þá var minni-
hlutinn útilokaður frá stjórn fyrir-
tækisins með því að fækkað var í
stjórn niður í þrjá menn og tvo til
vara. í þeirri stjórn voru þeir Sigurd-
ur Ragnarsson, formaður stjórnar,
Þóroddur Stefánsson, og Hákon
Hákonarson, sem jafnframt var
framkvæmdastjóri Helgarpóstsins. I
varastjórn voru Gísli Gudmunds-
son, forstjóri, og Hinrik Gunnar
Hilmarsson, auglýsingastjóri á HP.
Atkvæðamestir hluthafa í minni-
hluta voru eftir þennan fund Róbert
Árni Hreiðarsson, lögmaður, Árni
Andersen, annar eigandi Leturvals
sf., og Gardar Jensson, sem var
dreifingarstjóri HP, en var sagt upp
af meirihlutanum stuttu eftir aðal-
fundinn í september.
H LUTAFJÁR AU KNIN G
I janúar s.l. var boðað til hluthafa-
fundar í Goðgá h.f. til þess að ræða
hugsanlega hlutafjáraukningu i fé-
laginu, auk þess sem til umræðu var
hugmynd um að hluthafar tækju að
sér ábyrgðir í réttu hlutfalli við
hlutafjáreign. Fundi þessum var
frestað þegar sýnt þótti að ekkert
samkomulag gat tekist á miili stríð-
andi fylkinga hluthafa. Þessum
fundi var formlega ekki lokið. A
fundinum fullyrtu meirihlutamenn
að staða fyrirtækisins væri góð og
hagnaður ársins verulegur.
I mars—maí tókst minnihluta hlut-
hafa að komast yfir hlutabréf Þór-
odds Stefánssonar, sem var lang
stærsti hluthafinn í sitjandi meiri-
hluta og varaformaður stjórnar,
með þvi að Birgir S. Hermannsson,
viðskiptafræðingur, keypti varafor-
manninn út. Gekk Birgir S. til sam-
starfs við þáverandi minnihluta sem
varð meirihluti fyrir vikið.
Meirihlutinn nýi krafðist þess
strax, undir forystu Róberts Arna
Hreiðarssonar núverandi stjórnar-
formanns, að haidinn yrði aðalfund-
ur í félaginu þegar í stað. Jafnframt
var þess krafist að nýr fram-
kvæmdastjóri yrði ráðinn og nýjum
meirihluta opnaður aðgangur að
bókhaldi fyrirtækisins. Þessum
kröfum hafnaði stjórn fyrirtækisins
og boðaði til aðalfundar s.l. mánu-
dag svo sem áður er fram komið.
AÐALFUNDUR
Á aðalfundi þessum voru lagðir
fram ársreikningar 1987, en at-
kvæðagreiðslu um þá frestað og
jafnframt boðað til framhaldsaðal-
fundar í júlí. Nýr meirihluti og fram-
kvæmdastjóri vinna nú hörðum
höndum við að átta sig á stöðu fyrir-
tækisins og segja viðskilnað fráfar-
andi meirihluta með ólikindum. Á
fundum með starfsfólki blaðsins
hefur því meðal annars verið haldið
fram, að ýmislegt sé að koma í ljós
sem haldið hafi verið leyndu. Meðal
annars að fráfarandi stjórn hafi ekki
skilið eftir krónu í kassanum til að
borga starfsmönnum laun, að lausa-
menn hafi ekki fengið greitt frá því
í apríl, að Leturval eigi inni veruleg-
ar upphæðir hjá fyrirtækinu, að bú-
ið sé að binda hendur auglýsinga-
deildar með fyrirframgreiddum
auglýsingasamningi til langs tíma
og tekjur af þessu upp á 2,5 millónir
króna notaðar til að draga úr skuld-
bindingum fráfarandi stjórnenda
vegna yfirdráttar í Búnaðarbankan-
um, á reikningi sem var af sömu
mönnum lokað. í samtölum við full-
trúa fráfarandi meirihluta hafa kom-
ið fram eindregin mótmæli við mál-
flutningi nýja meirihlutans.
HRAÐFLEYGUR VÍXILL
UNDIR BELTISSTAÐ?
Einn erfiðasti bitinn fyrir nýjan
meirihluta að kyngja er víxill upp á
eina og hálfa milljón, sem hefur far-
ið sem blátt strik í gegnum kerfið og
endaði í fjárnámsheimild 11 dögum
eftir gjalddaga. Samkvæmt upplýs-
ingum Ólafs Sigurgeirssonar, lög-
manns og varamanns í stjórn Goð-
gár, sem mun reyna að fá sátt um
greiðslu víxilsins ógilda, var sam-
þykkjandi og greiðandi Goðgá/
Hákon Hákonarson, fyrrum fram-
kvæmdastjóri HP. Utgefandi var Sig-
urður Ragnarsson, fyrrum stjórnar-
formaður Goðgár og núverandi
stjórnarmaður. Ólafur Thoroddsen
lögfræðingur, er nú handhafi víxils-
ins og hann rekur málið persónu-
lega fyrir fógetarétti. Útgáfudagur
víxilsins var 29. apríl og gjalddagi
þann 15. maí.
SÁTT SIGURÐAR
Ólafur Thoroddsen mætti í fó-
getarétt þann 20. maí, eða fimm
dögum eftir gjalddaga, með lög-
haldsbeiðni. Með honum mætti Sig-
urður Ragnarsson og á skrifstofu
fógeta var gerð sátt um greiðslu víx-
ilsins. Sáttin var á þá leið að fyrsta
greiðsla víxilsins upp á 400 þúsund,
skyldi vera 24. maí, eða aðeins fjór-
um dögum seinna. Enn fremur að ef
ekki hefði borist greiðsla á þeim
degi, skyldi allur víxillinn gjaldfall-
inn, en aðrir gjalddagar voru þann
31. maí kr. 400 þúsund, 7. júní 400
þúsund og eftirstöðvar þann 19.
júní. Goðgá hf, undir gömlu stjórn-
inni greiddi ekki víxilinn þann 24.
maí og varð gjalddagi sáttarinnar
því næsta dag, þann 25. maí. Sam-
kvæmt lögum má aðför fara fram
daginn eftir gjalddaga sáttar. Þann
26. maí mæta sömu menn aftur á
skrifstofu fógeta, þ.e. Ólafur Thor-
oddsen og Sigurður Ragnarson og
þá er gert fjárnám í öllum eigum
Goðgár, þ.e. aðeins 11 dögum eftir
upprunalegan gjalddaga vixilsins.
Nýir stjórnarmenn eru mjög
óhressir með þetta mál og hafa á
orði að hér hafi „skemmdarverk"
verið framin — að því er virtist til að
koma HP á kné. Fyrri meirihluti
þvertekur hins vegar fyrir að svo sé,
víxillinn hafi farið upp í launa-
greiðslur starfsmanna og að staða
fyrirtækisins nú hvað varðar launa-
greiðslur til starfsmanna, sé í engu
frábrugðin því sem verið hefur á
undanförnum mánuðum.
HAGUR HELGAR-
PÓSTSINS
Samkvæmt ársreikningi var Helg-
arpósturinn rekinn i fyrra með alls 7
milljón króna tapi, en hagnaður var
árið áður upp á 4,7 milljónir. Al-
mennur rekstur blaðsins var þar af
rekinn með 3,2 milljón króna tapi
en fjármagnsgjöld námu 3,8 milljón-
um króna.
Eignir rýrnuðu úr 19,8 milljónum
í 15,8 milljónir eða um 20%. Munaði
þar einkum um, að útistandandi
viðskiptakröfur, víxileign og aðrar
skammtímakröfur lækkuðu milli
ára úr 15,7 milljónum króna í 10,9
milljónir.
Skuldir jukust á hinn bóginn úr 13
í 14,8 milljónir króna og eigið fé fyr-
irtækisins fór úr því að vera tæplega
7 milljónir í tæpa 1 milijón. I þessu
sambandi er rétt að taka fram að út-
gáfuréttur er einskis metinn í reikn-
ingum sem er afar óvenjulegt. Ætti
reyndar skv. venju að vera ca. 10%
af veltu, eða um sex til sjö milljónir.
Rekstrargjöldin hækkuðu um 12
milljónir króna á milli ára, þar af
launakostnaður um 9,4 milljónir.
Rekstrartekjurnar hækkuðu hins
vegar aðeins um 1,8 milljónir króna.
Munaði þar miklu um að tekjur
vegna sölu bóka urðu nú hverfandi,
en voru 4,8 milljónir 1986. Sala
blaðsins sjálfs jókst í krónum talið
um 6,1 milljón króna eða 11%.
Sá liður í rekstrarkostnaði Helgar-
póstsins sem virðist hafa komið nýj-
um meirihluta mest á óvart eru laun
og launatengd gjöld. Milli ára hækk-
aði þessi liður úr 23,5 milijónum
króna í 33 milljónir króna eða um
40%. Þar af hækkuðu vinnulaun úr
7,4 milljónum króna í 14,1 milljón
og skýrist það að mestum hluta af
fjölgun fastráðinna úr 12 í 15 að
meðaltali um leið og raunvirði verk-
takagreiðslna minnkaði milli ára.
Vinnulaun á hvern fastráðinn
mann, blaðamenn og skrifstofu-
menn, hækkuðu því milli ára um
53,5%. Til samanburðar má nefna
að frá 3. ársfjórðungi 1986 til sama
ársfjórðungs 1987 hækkaði greitt
tímakaup landverkafólks í ASI um
44,2% að meðaltali. Af einstökum
stéttum má nefna að greitt tíma-
kaup iðnaðarmanna hækkaði milli
tímabila þessara um 62,5%, en hjá
afgreiðslukonum var hlutfallið tæp
50%.
Rekstrarstaða Helgarpóstsins um
þessar mundir liggur ekki fyrir end-
anlega. Á hinn bóginn hefur komið
fram að fyrstu fimm mánuðir ársins
hafi sala blaðsins aukist nokkuð frá
því í fyrra og auglýsingatekjur vaxið
til muna.
ENGAR BREYTINGAR
Róbert Árni Hreiðarsson, stjórn-
arformaður, hefur ítrekað það við
starfsfólk Helgarpóstsins, að engar
fyrirætlanir séu uppi um breytingar
í mannahaldi og að á engan hátt sé
ætlunin að hafa áhrif á ritstjórnar-
stefnu blaðsins. Þvert á móti verði
allt gert til að koma blaðinu á skrið
að nýju og fyrirhugað að flytja í
stærra og hentugra húsnæði. Hann
segist hafa tröllatrú á því að unnt
verði að reka blaðið með ágætum
hagnaði, sé rétt á málum haldið.
Á Bylgjunni hefur því verið haldið
fram að Borgaraflokkurinn sé að
seilast til valda í Goðgá og gefið í
skyn að hann hafi öðlast áhrifavald
á ritstjórnarstefnu blaðsins. Meðal
annars var haft eftir Júlíusi Sólnes
að hann vonaðist til þess að skrif
blaðsins yrðu nú vinveittari flokkn-
um en áður og jafnframt var tekið
fram að Egill Helgason, „tengda-
sonur“ Júliusar sé að íhuga tilboð
um að gerast ritstjóri blaðsins. Þess-
um fregnum afneitar núverandi
meirihluti Goðgár með öllu.
„Fréttir um að Borgaraflokkurinn
sé að falast eftir völdum eða áhrif-
um í Helgarpóstinum eru uppspuni
frá rótum. Ég er eini hluthafinn sem
eitthvað er tengdur Borgaraflokkn-
um og minn hlutur er ekki stór. Mér
stóð til boða að setjast í stjórn blaðs-
ins, en hafnaði því, einmitt vegna
þess að ég vildi ekki að upp kæmu
raddir í þessa veru, því ég geri mér
grein fyrir að það myndi ekki auka
sölu blaðsins að það verði kennt við
ákveðinn stjórnmálaflokk," sagði
Þórir Lárusson endurskoðandi nýrr-
ar stjórnar Goðgár hf„ en hlutur
hans í fyrirtækinu er aðeins 2,5%.
Hann ítrekaði að hvorki Róbert Árni
né Birgir Hermannsson væru stuðn-
ingsmenn Borgaraflokksins eða í
tengslum við hann beint eða óbeint.
NÝ stjórn tók við i vikunni ÁGREININGIIR um
viðskilnað fráfarandi stjórnar ÓBREYTT
ritstjórnarstefna BORGARAFLOKKSTENGSLIN
kjaftæði
6 HELGARPÓSTURINN