Morgunblaðið - 13.07.1977, Síða 12

12
MORGUNBLAÐIÐ, MIÐVIKUDAGUR 13. JULÍ 1977
Stýrimannaskólanemar í
Eyjum unnu sér 3,7 millj. kr.
fyrir útskipun loðnumjöls
Samstarf í rekstri
Stýrimannaskólans
i Eyjum, Vélskólans
og Iðnskólans
Við heimsóttum Stýrimanna-
skólann i Vestmannaeyjum í
vertióarlok og kynntum okkur
starfsemi hans, en skólinn hef-
ur nú útskrifaó nokkuð á 2.
hundrað skipstjóraefni og
margir þierra eru í hópi mestu
afiamanna landsins. Stýri-
mannaskólinn í Vestniannaeyj-
um starfar i samvinnu við Vél-
skólann og Iðnskólann i Eyjum,
en í þeirri skólasamsteypu
stunduðu á 2. hundrað nemend-
ur nám í vetur. Samvinna milli
þessara skóla hefur staðið yfir i
tvo s.I. vetur og hefur hún
gengið mjög vel. Unnt hefur
veríð að bæta kennslufyrir-
komulag, nýtingu tíma, hús-
næðis o.m.fl. en þessi samvinna
var tekin upp þegar skólarnir
tóku til starfa á ný eftir gos-
timabilið í Eyjum þegar öll fél-
agsleg starfsemi bæjarbúa féll
niður í um það bil eitt ár. Skóla-
stjóri Stýrimannaskólans í
Vestmannaeyjum er Friórik
Ásmundsson skipstjóri.
Stýrimannaskólinn var stofn-
Stýrimannaskólanemar sprella
á stökkbrettinu f Sundhöllinni.
aður 1964 og var Guðjón Ár-
mann Eyjólfsson fyrsti skóla-
stjóri hans eða fram til 1974.
Kennsla i sjómannafræðum
hefur þó verið um langan tíma í
Eyjum og vitað er um slika
kennslu allt frá 9. tug sfðustu
aldar er Jósep Valdason kenndi
þau fræði i Eyjum áður en
Stýrimannaskólinn í Reykjavík
var stofnaður 1891.
Stýrimannaskólinn i Vest-
mannaeyjum hefur útskrifað
125 nemendur með meira fiski-
mannapróf. Er skólinn sóttur
jöfnum höndum af heimamönn-
um og mönnum viðs vegar af
landinu. Nokkrir erfiðleikar
voru við það að koma skólanum
af stað aftur eftir gos, en nú er
starf skólans komið í fast form
við góðar aðstæður. Húsnæði
skólans eyðilagðist talsvert í
eldgosinu og hús Vélskólans fór
undir hraun þannig að taka
varð upp nýja stefnu í starf-
semi skólanna. Stýrimannakól-
inn hefur ávallt boðið nemend-
um sínum upp á heimavist,
bæði fyrir einstaklinga og fjöl-
skyldur og hefur heimavistin
mikið verið notuð af mönnum
utan af landsbyggðinni. I vetur
Frá björgunaræfingu stýri-
mannaskólanema I Eyjum.
voru t.d. nokkrar fjölskyldur i
heimavistaríbúðum sem skól-
inn býður og fyrir næsta vetur
hefur t.d. einn maður sótt um
skólavist og húsnæði fyrir 6
manna fjölskyldu sina.
I vetur útskrifaði skólinn 11
úr I. stigi og 5 úr 2. stigi, en 1.
stig tekur 6'A mánuð.
Félög, fyrirtæki og einstakl-
ingar í Eyjum hafa sýnt skólan-
um mikla ræktarsemi og skól-
inn er vinsæll i Eyjum og þykir
nauðsynlegur og mikilvægur
þáttur í samfélagi stærstu ver-
stöðvar landsins. Enda hefur
skólinn skilað dugmiklum yfir-
mönnum á fiskiskipaflotann.
Sem dæmi um það hvernig
fyrirtæki og áhugamenn um
starfsemi skólans leggja honum
og nemendum hans lið má
nefna að Fiskmjölsverksmiðjan
í Vestmannaeyjum útvegaði
Stýrimannaskólanemum alla
útskipun á fiskmjöli i vetur og
unnu skólapiltar sér þar inn
alls 3,7 millj. kr, eða um 170
þús. kr. á mann. Þá fengu þeir
einnig helgarvinnu hjá Neta-
gerð Ingólfs Theódórssonar við
loðnunótaviðgerðir og annað
slikt, en allt kemur þetta skips-
stjórnarmönnum síðar til góða í
daglegu starfi. Þannig er lagt
kapp á að koma til móts við
starfsemi skólans og nemendur
hans.
I samtali við Friðrik Ás-
mundsson skólastjóra sagði
hann það vera sina skoðun að
aðsókn að Stýrimannaskólan-
um ætti eftir að aukast mikið,
þvi atvinnumöguleikar þeirra
sem nema skipsstjórnarfræði
væru mjög góðir í sambandi við
höfuðatvinnuveg þjóðarinnar,
sjómennsku, bæði á vettvangi
fiskveiða og farmflutninga.
- á.j.
Einar Sv. Jóhannesson skipstjóri á Lóðsinum, t.v., ræðir við Friðrik
Asmundsson.
Kristinn Sigurðsson slökkviliðsstjóri kennir skólapiltum björg-
unarfræði.
Skipsstjóraefnin kanna vinnsluna f einu af frystihúsunum. Ljós-
myndir Mbl. Sigurgeir f Eyjum.
Æfing f meðferð gúmmfhjörgunarbáta, skólapiltar léttir á svip,
enda hlýtt f sundhöllinni f Eyjum.
Mallað f heimavistinni.
sro/e ,
Stýrimannaskólanemar kynna sér starf Öskars vitavarðar á Stór-
höfða, en Óskar er lengst til hægri við úrkomumælinn.
Einn nemandi Stýrimannaskólans tekur sólarhæðina f skólasjóferð
fyrir norðan Eyjar.
Hér eru væntanleg skipstjóraefni frá Stýrimannaskólanum f Vest-
mannaeyjum að gera klárt troll f Netagerð Ingólfs f Eyjum, en það
eru mörg handtökin sem vinna þarf áður en trollið fer f sjó.