Morgunblaðið - 14.05.1980, Qupperneq 5

MORGUNBLAÐIÐ, MIÐVIKUDAGUR 14. MAÍ1980
5
Sumarið
’80 hefst
í Ársöl-
um 22. maí
Undirbúningur
á lokastigi
UNDIRBÚNINGUR undir al-
þjóðavörusýninguna Sumarið
’80, sem haldin verður í Sýn-
ingahöllinni Ársölum 22. maí
til 2. júní n.k., er nú kominn á
lokastig að sögn Ámunda
Ámundasonar, sem hefur vcg
og vanda af sýningunni.
„Það má segja að allt pláss sé
þegar útleigt og sýningarsvæðið er
að verða tilbúið," sagði Ámundi.
Ámundi sagði að miðaverð á
sýninguna yrði á bilinu 1800 til
2000 krónur.
Á sýningunni er hugmyndin að
kynna flest það sem nauðsynlegt
er fyrir fólk að hafa í sumarfríið
og í sumarbústaðinn. „Við sýnum í
raun og veru allt frá sólgleraugum
upp í uppsetta sumarbústaði, bæði
úti og inni, auk þess sem ferða-
skrifstofurnar kynna sína starf-
semi,“ sagði Árni.
Eyjólfur Guðmundsson skrifar frá Noregi
Trúmála-
deilur
Það er staðreynd, að Norð-
menn eru ólíkir og mikill munur
á hugsanahætti fólks eftir því
hvar er í landinu. I sumum
héruðum Vestur- og Suður-
Noregs stendur kristin trú föst-
um fótum og fjölmennur hópur
fólks sækir kirkjur og bænahús
að staðaldri.
I Austur-Noregi, t.d. í Guð-
brandsdal, eru menn ekki jafn
trúhneigðir. Bændur þar um
slóðir ganga að heyvinnu á
sunnudögum, en slíkt er synd-
samlegt athæfi í augum hinna
strangtrúuðu. Þeir strangtrúuðu
halda hvíldardaginn heilagan,
bragða hvorki áfengi né nota
tóbak, og ekki heldur formæla
þeir en biðja heldur Guð að
hjálpa sér ef illa gengur.
Hinir trúlitlu, svo sem Guð-
brandsdælir, drekka áfengi (sem
þeir búa til sjálfir), formæla
kröftuglega og sækja dansleiki
um helgar og dansa þar og slást
sér til hressingar. Þeir hafa
meiri áhuga á slíkum samkom-
um en að sitja á kirkjubekkjum
og hlusta á boðskap kirkjunnar
manna.
Það gefur auga leið að í landi,
þar sem slíkar andstæður eru,
hljóta að verða miklar trúar-
bragðadeilur. Prestar og biskup-
ar landsins, sem vaxið hafa upp
við mismunandi kringumstæður,
hafa ólík viðhorf til boðskaps
biblíunnar og túlka orð hennar á
mismunandi hátt.
Fyrir nokkru var deilt um það
sem á norsku er nefnt „demon-
utdrivelse", eða útrekstur illra
anda. Er því haldið fram, að illir
andar geti tekið sér bólfestu í
lifandi manneskju, en með kröft-
ugum bænum sé hægt að reka
þessi öfl út. Læknar og sumir
kirkjunnar menn telja að þar sé
aðeins um að ræða vissa tegund
geðveiki, en enga illa anda, og
bænir og Guðsorð megi stundum
nota til að róa viðkomandi sjúkl-
inga.
Þeim sem láta trúmál til sín
taka, má skipta í tvo meginhópa:
Annars vegar mjög strangtrúað
fólk, sem tekur orð biblíunnar
bókstaflega og heldur því fram
að sá, sem ekki breyti í samræmi
við boðskap Nýja testamentis-
ins, hafni eftir dauðann í eldstó
helvítis.
Hins vegar eru það þeir sem
ekki taka orð Biblíunnar bók-
staflega, heldur túlka þau á
mismunandi hátt. Þeir álíta að
aðalatriðið sé að koma vel fram
við aðra og taka sjálfir þátt í
gleðisamkomum, þar sem áfengi
er haft um hönd.
Adorjan — Hiibner VII
Adorjan var greinilega niður-
brotinn, þegar hann stóð upp frá
níundu skákinni, enda hafði sig-
urinn runnið honum úr greipum
á klaufalegan hátt. Daginn eftir
tefldu þeir tíundu skákina og
beitti Hiibner Petroffs vörn öðru
sinni. Þetta virtist koma Adorj-
an í opna skjöldu og tefldi hann
skákina máttleysislega. Húbner
átti þægilegan dag og jafntefli
var samið eftir 34 leiki. Þar með
hafði Húbner tryggt sér sigur í
einvíginu með 5'/2 vinning gegn
4V2.
Þessi úrslit komu fáum á
óvart. Húbner hefur náð miklu
betri árangri á sínum ferli held-
ur en Adorjan nokkru sinni.
Athygli vekur hins vegar hversu
erfiðlega Húbner gekk að vinna
einvígið. Fyrstu fimm skákirnar
teflir Húbner eðlilega, þ.e. í
samræmi við styrkleika og nær
tveggja vinninga forskoti. En í
síðari helming einvígisins er
hann óþekkjaniegur. Hann tapar
sjöttu skákinni, lendir í tap-
hættu í þeirri sjöundu og fær
tapað tafl í níundu skákinni,
jafnar taflið um síðir, en leikur
því jafnharðan niður í tap, en
bjargast að lokum fyrir stór-
kostlega slembilukku. Reyndar
er langt síðan ég hef orðið vitni
að þvílíkri heppni og átti sér
stað í þessari skák. Við getum
því ekki talað um sannfærandi
sigur.
Adorjan kom mér ekki mjög á
óvart. Hann fór sér hægt, þegar
hann hafði hvítt og skákirnar
urðu flestar stutt jafntefli. Hon-
um lét betur að bíða færis og
nýta sér mistök Húbners, en af
þeim var nóg í síðari hluta
Skák
ef tir Guðmund
Sigurjónsson
einvígisins. Honum brást hins
vegar hrapalega bogalistin, þeg-
ar hann reyndi að vinna unnin
töfl og eru lok níundu skákarinn-
ar hápunkturinn.
Einvígi, sem þetta tekur mjög
á taugar keppenda. Tefla átti
fjórar skákir á viku, en Adorjan
nýtti öll sín þrjú veikindafrí og
því dróst einvígið á langinn.
Húbner á hinn bóginn tók sér
aldrei frí.
Ég var eini aðstoðarmaður
Húbners meðan á einvíginu stóð
og var það ærinn starfi. Húbner
reyndi ávallt að koma andstæð-
ingi sínum á óvart í byrjuninni
og þess vegna þurftum við alltaf
að rannsaka nýja og nýja byrj-
un. Ég held að mér sé óhætt að
segja að við höfum unnið vel og
lært mikið, enda er oft árang-
ursríkt að vinna undir pressu.
Við gengum daglega í tvo tíma
að minnsta kosti, enda eru
skemmtilegar gönguleiðir þarna
um slóðir.
Og nú er Húbner kominn í
undanúrslit, og þegar þetta er
skrifað er ekki vitað hver verður
andstæðingur hans. Ég vil fá
Portsch honum til handa, en
Húbner vill frekar fá Spasský.
Boris hefur löngum verið honum
erfiður, en Húbner langar til að
reyna að rétta hlut sinn gagn-
vart honum.
Reiðtygjum stolið
AÐFARANÓTT sunnudags var
brotizt inn í eitt af hesthúsum
Fáks í Víðidal og stolið hnakk og
tveimur beizlum. Ummerki bentu
til þess að þjófurinn hefði komið á
hesti og haft með sér stóran
naglbít, sem hann síðan hefur
gleymt.
Hann notaði naglbítinn til
að vinna á lásnum, reyndi einnig
fyrir sér á öðrum stað, en án
árangurs þar. Húsið var opið og
hestarnir úti, þegar að var komið
og tjónið er tilfinnanlegt fyrir
ungan mann, sem er þarna með
tvo hesta. Því er hér með beint til
hestamanna, að þeir aðstoði lög-
regluna við að upplýsa þjófnaðinn
og láti hana vita, ef vísbending er
fyrir hendi.
SNORRABRAUT 56 SÍM113505
Austurstræti 10
sínii: 27211