Morgunblaðið - 14.05.1980, Side 25

MORGUNBLAÐIÐ, MIÐVIKUDAGUR 14. MAÍ1980
25
fclk í
fréttum
+ Danir minntust þess með ým-
iskonar minningarathöfnum, 5.
maí síðastl. að þá voru liðin 35
ár frá því að hersveitir nasista
lögðu niður vopn í landinu og
gáfust upp fyrir Bandamönnum.
Athöfn fór t.d fram í Kaup-
mannahöfn er Ingrid drottning
afhjúpaði minningartöflu í hafn-
arhverfi Kaupmannahafnar,
þar sem heitir Tuborg Havn. Á
töfluna eru letruð nöfn yfir 500
flugmanna Bandamanna úr
síðustu heimsstyrjöld, sem fór-
ust við strendur Danmerkur, er
flugvélar þeirra voru skotnar
niður. Myndin er af Ingrid
drottningu við þá athöfn. Við
hlið hennar stendur sérstakur
fulltrúi frá félagssamtökum
fyrrum flugmanna í brezka
flughernum, R.A.F. Sydney
Holroyd. Hann var skotinn
niður í síðustu heimsstyrjöld að
vísu ekki yfir Danmörk heldur
Hollandi. Hollenskir föðurlands-
vinir brugðu skjótt er hann lenti
í fallhiíf og björguðu honum og
tókst Holroyd að komast alla
leið til Sviss.
Gamlir hermenn
deyja ekki
+ Þessi aldurhnigni serbneski hermaður,
klæddur þjóðbúningi sínum, kveður með
hermannakveðju marskálk sinn og þjóð-
höfðingja, Bros Tito, við líkbörur mar-
skálksins í Belgrad. Gamli hermaðurinn
hefur sótt ofan í skúffu sína þau heiðurs-
merki, sem hann hlaut fyrir frækilega
framgöngu fyrir föðurland sitt, á vígvöll-
um tveggja heimsstyrjalda. Hann gæti
verið að hugsa um þessar óhugnanlegu
stundir í lífi sínu. Hann gæti líka verið að
hugsa til þeirra orða, sem eitt sinn voru
látin falla um gamla hermenn: Gamlir
hermenn deyja ekki.
Travolta
fram í
dagsljósið
+ Mjög hljótt hefur verið um
John Travolta í um það bil 365
daga, segja erlend blöð. En nú
mun hann aftur láta til sin taka.
Ilann er kominn í nýja kvik-
mynd. þar sem hann dansar baki
brotnu og sjarmerar kvenfólkið
heil ósköp. Þessi kvikmynd heit-
ir „Urban Cowboy“. Segja blöðin
að þessi mynd sé svar við
diskó-kvikmyndinni sem gerði
hann frægan frá Raufarhöfn og
suður fyrir Alpafjöll, „Saturday
Night Fever“. En nýja myndin
er með hinni svonefndu country
hljómlist. Kvikmyndina á að
frumsýna i næsta mánuði. Á
myndinni hér að ofan sem er úr
„Urban Cowboy“, má sjá að
Travolta leikur í kúrekabún-
ingi.
Snorri Lárusson
— Minningarorð
Fæddur 26. ágúst 1899.
Dáinn 6. maí 1980.
Fregnin um andlát Snorra Lár-
ussonar að morgni 6. maí kom illa
við mig og um stund fylltist hugur
minn tómleika og vonleysi. Að-
stæður höguðu því svo, að fregnin
hafði meiri áhrif á mig en ella,
enda erfitt að sjá á eftir sínum
nánustu með stuttu millibili. Ekki
svo að skilja að ég hafi ekki gert
mér grein fyrir að hverju stefndi,
því Snorri hafði átt við mikla
vanheilsu að stríða um langt
skeið, heldur vegna þess, að ég átti
erfitt með að sætta mig við þau
þungu högg, sem minn þröngi
fjölskylduheimur hafði orðið fyrlr
á stuttum tíma. Þegar stundin
kemur og manns nánustu kveðja
þennan heim þá er skilnaðar-
stundin alltaf jafnsár.
Snorri Lárusson fæddist á Seyð-
isfirði 26. ágúst 1899 og voru
foreldrar hans hjónin Lárus Tóm-
asson og Þórunn Gísladóttir
Wium. Þau hjón áttu fjögur börn
og var Ingi T. Lárusson tónskáld
bróðir Snorra. Á uppvaxtarárum
Snorra hafði Seyðisfjörður á sér
heimsborgarablæ, sem hafði mikil
áhrif á þá sem ólust upp þar á
þeim árum. Hjá Snorra kom það
fram í mörgum hans háttum, en
Snorri hafði yfir sér einhverja
sérstaka fágun í daglegri um-
gengni.
Snorri hóf störf sem bankarit-
ari við Islandsbanka á Seyðisfirði
árið 1918, en gerðist síðan fljót-
lega símritari hjá Landssíma
Islands og starfaði hjá þeirri
stofnun allt þar til hann lét af
störfum fyrir aldurs sakir að
undanskildum stuttum tíma sem
hann starfaði hjá Stóra Norræna
Ritsímafélaginu. Var hann fyrst á
símstöðinni á Seyðisfirði, en flutt-
ist til Akureyrar árið 1939 og
síðan til Reykjavíkur 1950. Snorri
var ákaflega samviskusamur og
nákvæmur starfsmaður og trú-
mennska hans við stofnunina sem
hann starfaði hjá var einstök.
Eftir að Snorri hætti störfum hjá
Landssíma íslands starfaði hann
um skeið m.a. hjá Vita- og hafna-
málaskrifstofunni og Sambandi
íslenskra samvinnufélaga. Alls-
staðar þar sem Snorri starfaði
ávann hann sér hylli samstarfs-
manna, enda hafði hann einstakt
lag á að hæna fólk að sér fyrir
sakir ljúfmennsku og góðvildar.
Snorri kvæntist 3. nóvember
1923 Unni Sveinsdóttur, dóttur
Sveins Árnasonar fiskimatsstjóra
og konu hans, Vilborgar Þorgils-
dóttur. Snorri og Unnur eignuðust
tvö börn, Svein hæstarréttarlög-
mann, og Eddu, sem nú býr í
Zambíu.
Ég man fyrst eftir Snorra þegar
þau Unnur fluttust til Reykja-
víkur. Bjuggu þau fyrst að Úthlíð
við Sundlaugaveg og man ég hve
gaman var að koma í heimsókn til
þeirra þangað, en á þeim árum var
þetta í útjaðri Reykjavíkur. Þótti
mér mikið til koma að hjóla í
gömlu sundlaugarnar og fara svo
á eftir í heimsókn til Snorra og
Unnar og fá mjólk og kökur og
annað góðgæti. í þá daga þótti
þetta óralöng leið vestan af Mel-
um og talsvert ævintýri. Var
félögunum úr Vesturbænum
stundum leyft að koma með til að
kynnast því hvernig kökur ættu að
vera. Síðustu árin bjuggu þau við
Jökulgrunn og þar eins og annars-
staðar sem Snorri og Unnur voru
sat umhyggjan fyrir gestum í
fyrirrúmi.
Síðan Snorri og Unnur fluttu til
Reykjavíkur hef ég vanið komur
mínar á notalegt heimili þeirra og
aldrei hefur liðið langur tími, að
ég ekki kæmi þar, stundum voru
heimsóknir daglega, en oftast
nokkrum sinnum í viku. Snorri
var einstakur höfðingi í sér og
gestrisni honum í blóð borin.
Minnist ég sérstaklega allra heim-
sóknanna á yngri árum þegar
setið var við spil, stundum heilu
dagana og kvöldin með.
Snorri var ákaflega söngelskur
og hafði næmt eyra fyrir góðri
hljómlist. Á Seyðisfirði söng hann
lengi með karlakórnum Braga og
síðan með karlakórnum Geysi á
Akureyri. Unnur er mjög músik-
ölsk líka og voru þær stundir
ógleymanlegar þegar hún í góðra
vina hópi sat við píanóið og lék lög
Inga Lár og við sungum með. Ekki
voru síður ánægjulegar samveru-
stundirnar með Snorra og Unni
þar sem setið var við spjall i ró og
næði og rætt um heima og geima.
Snorri var mikill grínisti og sagði
oft skemmtilegar sögur af atburð-
um sem höfðu hent hann um
ævina. Frásagnarlistina hafði
hann í sér auk þess sem hann las
alla tíð mikið og var því ákaflega
fróður um ólíklegustu hluti.
Fátt er betra börnum og ungl-
ingum en að hafa átt þess kost að
alast upp með góðu fólki og slíkt
hefur mikil áhrif á persónuleika
einstaklinganna síðar. Frá Snorra
stafaði svo mikil góðmennska og
hlýja, að það hefur óhjákvæmilega
haft bætandi áhrif á alla þá sem
umgengust hann.
Með þessum fátæklegu orðum
vil ég þakka Snorra fyrir allar
samverustundirnar fyrr og síðar
og munu minningarnar um þær
eiga eftir að verma manni um
hjartaræturnar. Unni frænku
minni, sem nú á um svo sárt að
binda, votta ég samúð mína og bið
þess að góður Guð styrki hana.
Börnum þeirra Snorra og Unnar
svo og barnabörnum og barna-
barnabörnum sendi ég samúð-
arkveðjur.
Sveinn Björnsson
Afstýrt prentara-
verkfalli í Færeyjum
Þórshöfn 13 maí.
Frá fréttaritara Mbl. Jogvan Arjío.
PRENTARAR og prent-
smiðjueigendur samþykktu
aðfaranótt þriðjudags miðl-
unartillögu um að prentlaun
hækki um 2,07 færeyskar
krónur á tímann — sem
svarar til rösklega 200 ísl.
króna.
Þetta samsvarar launa-
hækkun sem nemur fjórum
prósentum. Prentarar skrif-
uðu þó undir með fyrirvara
um samþykki félagsfundar
sem verður að líkindum hald-
inn á þriðjudagskvöld eða mið-
vikudagsmorgun. Prentarar
höfðu sett fram kröfu um
sautján prósenta hækkun, en
prentsmiðjueigendur buðu til
að byrja með einseyrings-
hækkun á klukkustund.