Morgunblaðið - 14.05.1980, Side 22

22
MORGUNBLAÐIÐ, MIÐVIKUDAGUR 14. MAÍ1980
Margrét Markúsdótt-
ir Isaksen - Minning
Fædd 20. mars 1899.
Dáin 7. maí 1980.
I dag verður til moldar borin
Margrét ísaksen, Ásvallagötu 63.
Hún lést í Landspítalanum 7.
þessa mánaðar eftir langan og
erfiðan sjúkdóm.
Magga, eins og hún var alltaf
kölluð, var fædd í Kirkjulækjar-
koti Fljótshlíð. Foreldrar hennar
voru hjónin Margrét Árnadóttir
og Markús Magnússon og bjuggu
þau allan sinn búskap í Kirkju-
lækjarkoti. Þau eignuðust sex
börn, sem nú eru öll dáin nema
yngsti bróðirinn, Þorvaldur.
Ung fór Magga að heiman til áð
stunda vinnu í Reykjavík og var
hún alls staðar eftirsótt sökum
dugnaðar, því að það var sama
hvað hún gerði allt lék í höndum
hennar.
Magga giftist norskum manni,
Hagerúp ísaksen, skifulagn-
ingarmeistara og byrjuðu þau
búskap sinn í Noregi. Magga undi
ekki hag sínum þar, svo þau fluttu
aftur til íslands og hófu búskap
sinn í Reykjavík. Þau eignuðust
átta börn og sex þeirra eru á lífi.
Óskar, giftur Margréti Sigurðar-
dóttur, Haraldur, giftur Ingi-
björgu Þorgrímsdóttur, Haf-
steinn, giftur Hönnu Hansdóttur,
Kristinn, giftur Unni Þorsteins-
dóttur, Esther, gift Bjarna Krist-
jánssyni og Erla, gift Heinz
Steimann.
Húsakynni hennar voru þröng,
en aldrei var þó svo þröngt þar, að
hún gæti ekki leyft okkur systkin-
um að vera, þegar við vorum að
koma í bæinn. Hún tók okkur
alltaf opnum örmum og var boðin
og búin að gera allt fyrir okkur,
þar sem hjartarúm er, er nóg
húsrúm. Magga átti stórt og gott
hjarta og mun ég aldrei gleyma
því hvað hún var mér góð.
Það á fyrir okkur öllum að
liggja að fara yfir móðuna miklu
og þá er sælt að eygja trúna á Guð
og son hans Jesúm Krist og vera
þess viss að ganga inn í dýrð hans.
Ég veit, að Magga mín er þar, því
hún elskaði Guð og lagði allt í
hendur Drottni.
Með þessum fáu orðum vil ég
þakka henni fyrir allt, sem hún
gerði fyrir mig og systkini mín og
sérstakar þakkir færi ég henni
fyrir hönd systur minnar, Böggu,
sem búsett er úti í Ameríku og
getur þess vegna ekki kvatt hana
hér í dag. Svo bið ég Guð að blessa
bróður hennar og alla hennar
afkomendur og tengdabörn.
Blessuð sé minnig hennar.
Oddný Guðnadóttir
í dag er borin til hinztu hvílu
ástkær tengdamóðir mín, en hún
lézt í Landspítalanum hinn 7.
þessa mánaðar eftir þung veikindi
og langar mig að minnast hennar
nokkrum orðum hér.
Margrét fæddist 20. mars 1899
að Kirkjulækjarkoti í Fljótshlíð,
dóttir hjónanna Margrétar Árna-
dóttur frá Gerðakoti undir Vest-
ur-Eyjafjöllum og Markúsar
Magnússonar frá Kirkjulækjar-
koti. Hún var alin upp í stórum
systkinahóp við frekar þröngan
kost eins og svo algengt var á þeim
tíma. Hana langaði ákaflega mik-
ið að ganga menntaveginn, hafði
fengið í vöggugjöf góðar gáfur og
hagar hendur, sem glögglega kom
fram í öllum hennar verkum alla
tíð. En þá voru aðrir tímar en í
dag og hennar hlutskipti varð
annað. Er Margrét var um tvítugt
fór hún til Reykjavíkur og réði sig
í vist, en á kvöldin sótti hún skóla
og að því námi bjó hún alla æfi.
Seihna fór hún að læra fata-
saum og var hún frábær sauma-
kona og yfir höfuð snillingur í
höndunum. Á sumrin fór hún í
síldina á Siglufirði og þar kynntist
hún ungum Norðmanni, sem varð
lífsförunautur hennar í yfir
fimmtíu ár, Hagerup Isaksen frá
Tromvik í N-Noregi. Þau voru
gefin saman í hjónaband 29. júlí
1923, í Dómkirkjunni í Tromsö. í
Noregi hófu þau búskap og þar
fæddust þrjú elstu börnin, en elstu
dótturina misstu þau unga og er
hún grafin í Noregi.
Alls eignuðust þau átta börn og
eru þau: Óskar, bifreiðarstjóri í
Reykjavík, kvæntur Margréti Sig-
urðardóttur, Markús, lést árið
1969, kvæntur Hjördísi Jóseps-
dóttur, Hanna, lést barn að aldri,
Harald, rafvirkjameistari í
Reykjavík, kvæntur Ingibjörgu
Þorgrímsdóttur, Hafsteinn, vél-
smiður í Njarðvíkurbæ, kvæntur
Hönnu Hansdóttur, Kristinn, bif-
reiðarstjóri í Garði, kvæntur Unni
Þorsteinsdóttur, Ester, húsmóðir í
Reykjavík, gift Bjarna Kristjáns-
syni og Erla, húsmóðir í
Reykjavík, gift Heinz Steinmann.
Afkomendur þeirra munu nú vera
um fjörutíu.
Eftir fjögur ár í Noregi fluttust
ungu hjónin til íslands. Þá voru
erfiðir tímar hér og ekki alltaf
gott að fá vinnu, síst fyrir útlend-
inga og varð það því hlutskipti
Margrétar, að vinna utan heimil-
isins og vann hún lengst framan
af við saltfiskverkun, en seinna
tókst henni að eignast bæði
saumavél og prjónavél og gat hún,
þá unnið heima, því henni var það
síður en svo ljúft, að þurfa að
vinna úti allan daginn, frá ungum
börnum.
Hagerup vann þá stopula verka-
mannavinnu sem til féll og með
frábærum dugnaði tókst þeim að
eignast litla íbúð í Verkamanna-
bústöðunum, sem byrjað var á í
Vesturbænum árið 1932 og var þar
þeirra heimili æ síðan.
Það kom best í ljós á þessum
árum hver mannkostakona hún
Margrét var. Hún var eftirsóttur
vinnukraftur sökum dugnaðar og
vandvirkni og heimilið var sann-
arlega ekki vanrækt, því ekki voru
börnin aðeins vel til fara og vel
nærð, heldur einnig umvafin móð-
urást og blíðu, sem best kom fram
í þeirri virðingu sem þau ávallt
sýndu móður sinni.
Margrét og Hagerup voru ákaf-
lega gestrisin og góð heim að
sækja og þó heimilið væri aðeins
tveggja herbergja íbúð, var þar
ætíð rúm fyrir vini og ættingja og
alltaf var veitt af rausn, þó af litlu
væri að taka. Rólegt og glaðvært
viðmót þeirra var þeim eðlilegt og
fólki leið alltaf svo vel í návist
þeirra.
Hún Margrét var mjög trúuð
kona og hún sótti sinn óbilandi
kjark og styrk til bænarinnar.
Hún var sönn íslensk alþýðukona,
sem vann sín verk af vandvirkni,
hljóðlát og yfirlætislaus. Ró henn-
ar og æðruleysi hvað sem fyrir
hana kom var slíkt, sem enginn
getur öðlast nema sá sem treystir
Guði fyllilega, hún efaðist aldrei
um handleiðslu hans. Hún heyrði
til hinum þögla hópi, var eitt af
hinum breiðu bökum þessarar
þjóðar, sem vann fyrir börnin sín
og vildi aldrei heyra hrós né
þakkir. Þó hún fengi ekki notið
þess skólanáms sem hún þráði í
æsku, þá varð skóli lífsins, þó
harður væri, henni dýrmæt
reynsla, sem hún var alltaf tilbúin
að miðla þeim ungu og óreyndu,
sem til hennar leituðu. Sú hvöt
var mjög rík í fari hennar, að vera
sjálfstæð og óháð, ekki upp á aðra
komin og hennar mesta áhyggju-
efni síðustu árin var, að hún ætti
kannske eftir að verða börnunum
sínum byrði í ellinni.
Eftir að Hagerup lést árið 1976,
var hún lengst af ein í lítla
horninu sínu á Ásvallagötunni, sat
þar með prjónana sína, því aldrei
gat hún verklaus verið og margir
litu inn til hennar til að spjalla og
fá kaffibolla. Síðustu mánuðina
var hún orðin helsjúk á líkama, en
andlegri heilsu hélt hún til síðasta
dags. Þegar hún þurfti ekki að
vera á sjúkrahúsi, átti hún öruggt
athvarf á heimilum dætra sinna,
þar sem hún var umvafin þeirri
ástúð og fórnfýsi, sem hún hafði
sjálf veitt svo ríkulega af á langri
æfi.
Hún er kvödd með djúpri
hryggð, en jafnframt gleði yfir því
að hún þurfi ekki að kveljast
lengur, eða finnast hún vera
öðrum byrði.
Við biðjum algóðan Guð að
varðveita ömmu Isaksen og þökk-
um henni fyrir allt.
„Hvíl þig móðir, hvíl þig, þú varst þreytt;
þinni hvíld ei raskar framar neitt.
Á þína gröf um mörg ókomin ár,
ótal munu falla þakkartár.M
(Jóhann M. Bjarnason.)
Unnur.
smáauglýsingar — smáauglýsingar — smáauglýsingar — smáauglýsingar
Menntaöur
útlendingur
28 ára óskar eftir góöu starfi til
framtíðar. Getur byrjaö strax
eöa í haust. Móöurmál enska,
talar íslensku og les fleiri mál.
Vill helst vinna viö menningar-
starfsemi eöa skemmtilegt skrif-
stofustarf. Getur t.d. annast
þýöingar, bréfritun, prófarka-
lestur, en margt kemur til greina.
Er meö bílpróf. Tilboö leggist inn
á augld. Mbl. fyrir 21. maf merkt:
„Atvinna — 6355".
ýmislegt
Framleiðendur
Heildsalar
Einn af reyndari og þekktari
sölumönnum landsins, óskar aö
bæta við sig vörum. Get helst
bætt viö mig vörum til sölu úti á
landi. Tilboð merkt: „Free Lance
— 6142“ sendist augld. Mbl.
Einhleypur
reglusamur maður
óskar aö taka á leigu herb. með
baöi strax í Garðabæ eöa Hafn-
arfirði. Reglusemi og góöri um-
gengni heitið. Uppl. í síma 53171
eftlr kl. 7.
Húsnæði óskast
Óskum eftir aö taka á leigu 3ja
herb. íbúö, erum 4 í heimili.
Fyrirframgreiðsla ef óskaö er.
Uppl. í síma 76399 eftir kl. 4 í
dag og næstu daga.
Scania—Volvo—
Benz—Man
6 og 10 hjóla. Allar árgeröir.
Vörubílar til allra verka.
Aöal-Bílasalan, Skúlagötu 40,
símar 19181 og 15014.
Gróðurmold til sölu
Heimkeyrö ( lóöir. Uppl. í síma
44582 og 40199.
IOOF9 = 1625147’/2 = Bh.
IOOF 7 = 1625147 = L.f.
IOGT
Stúkan Einingin.
Stuttur fundur í kvöld kl. 20.30.
Kosning fuiltrúa á stórstúkuþing.
Dagskrá í umsjá sumarheimilis-
stjórna. Bingó. Kaffi og fleira.
Æt.
Hörgshlíö 12
Samkoma í kvöld kl. 8.
Veröbréf
Fyrirgreiösluskrifstofan Vestur-
götu 17, sími 16223.
Ármenningar skíöafólk
Innanfélagsmót skíöadeildar fer
fram í Bláfjöllum, helgina 17. og
18. maí. Keppni hefst laugardag
kl. 12 í stórsvigi og sunnudag kl.
11 í svigi. Keppt veröur í öllum
flokkum. Verölaunaafhending að
lokinni keppni.

m ÚTIVISTARFERÐlá*-
Fimmtud. 15.5.
kl. 9: Akrafjall, eggjaleit, eöa
Skarösheiöi (1053 m). Verö
7000 kr.
kl. 13: Fjöruganga viö Hvalfjörö,
steinaleit. verö 4000 kr. Fariö frá
B.S.I. benzínsölu. Vanir farar-
stjórar.
Hvítasunnuferöir:
1. Snæfellsnes, 2. Húsalell, 3.
Þórsmörk.
Utaftlandsferðir:
3 Grænlandsteröir,
2 ódýrar Noregsferöir,
írlandsferö. Upplýsingar á
skrifst. Útivistar.
Aöalfundur Útivistar verður aö
Hótel Esju mánud. 19.5 kl.
20.30.
Útivist.
GEOVERNDARFÉLAG ISLANOS
Frá Sálarrannsókna-
félaginu í Hafnarfirði
Fundur veröur haldinn miöviku-
daginn 14 maí í Góötemplara-
húsinu er hefst kl. 20.30.
Dagskrá Úlfur Ragnarsson yfir-
læknir flytur erindi. Systkinin
Sigurbjört Þóröardóttir og Helgi
Þóröarson syngja tvísöng við
undirleik Guöna Þ. Guömunds-
sonar.
Kaff iveitingar. Stjórnin.
Fíladelfía
Fíladelfía hefur útvarpsguös-
þjónustu sunnudaginn 18. maí
kl. 11. Bein útsendlng. Árni
Arinbjarnarson stýrir söng sem
er fjölbreyttur.
Predikun Einar Gt'slason.
Fimir fætur
Templarahöllinni 17. maí.
FERÐAFÉLAG
ÍSLANDS
___ ÖLDUGÖTU 3
SÍMAR 11796 og 19533.
1. kl. 10. Fjöruferð v/Stokkseyri
(Sölvafjara) Baugstaöaviti.
Leiöbeinandi Anna Guömunds-
dóttir húsmæðrakennari. Nauö-
synlegt aö vera í gúmmístígvél-
2. kl. 100. Ingólfsfjall — Inghóll
(551 m). Verö í báöar feröirnar
kr. 5000, gr. v/bílinn.
3. kl. 13. Marardalur. Gengiö frá
Kolviöarhóli í Marardal og til
baka aftur. Verö kr. 3500, gr.
v/bílinn. Fararstjóri Halldór Sig-
urösson. Feröirnar eru allar far-
nar frá Umferöarmiöstööinni aö
austanveröu.
Fararstjóri Halldór Sigurösson.
16.—18. maí. Þórsmörk.
Farið kl. 20.00 á föstudag og
komiö til baka á sunnudag. Gist
f upphituöu húsi. Nánari upplýs-
ingar á skrifstofunni.
Feröafélag íslands.
\ raðauglýsingar — raöauglýsingar — raöauglýsingar
húsnæöi óskast
Akranes
Ungt par óskar eftir aö taka á leigu 2ja—3ja
herb. íbúö. Góð meðmæli.
Upplýsingar í síma 91-42387, eftir kl. 17:00.
Félagsheimili (vinnuskúr)
Snarfari félag sportbátaeigenda óskar aö
kaupa húsnæði til félagsstarfa. Stærö ca.
20—60 fm.
Upplýsingar gefur Hörður Guðmundsson í
síma 3120 og Einar Sigurbergsson í síma
10531.
Hlíðar — Vesturbær
Óskum eftir að taka á leigu 3ja—5 herb. íbúö
á rólegum stað í Hlíðunum eöa gamla
bænum. Leigutími frá 1. júní nk. — 1. júní
'81. Fyrirframgreiðsla fyrir allt tímabilið ef
óskað er.
Uppl. í síma 36874 á kvöldin.