Morgunblaðið - 16.11.1985, Blaðsíða 3

MORGUNBLAÐIÐ, LAUGARDAGUR16. NÓVEMBER1985
3
„Ungfrú heimur“
í svidsljósinu
London, 15. nóvember. Frá Valdimar
Unnari Valdimarssyni, fréttaritara Morgunbladsins.
ÞEIR ERU líklega fáir Bretarnir, sem enn hafa ekki gert sér Ijóst hver bar
sigur úr býtum í keppninni um titilinn „Ungfrú heimur". Þeir, sem horfðu á
beinu útsendinguna í gærkvöldi, eru rækilcga minntir á það í blöðum í dag
að 22 ára stúlka frá íslandi, Hólmfríður Karlsdóttir, skaraði fram úr keppinaut-
um sínum og stóð uppi sem sigurvegari.
Það er íslensk fegurð sem er í
sviðsljósinu í dag og blasir við á
síðum allra helstu dagblaða hér um
slóðir. Hin nýkrýnda drottning
brosir sínu blíðasta á myndum, sem
blöðin birta, og Bretar sjá nú í eitt
skipti fyrir öll að ísland hefur upp
á fleira að bjóða en varðskipin, sem
forðum daga gerðu breskum togur-
um lífið leitt á íslandsmiðum. Við
skulum nú glugga sem snöggvast i
nokkur blöð og sjá hvað þau segja
um úrslit fegurðarsamkeppninnar.
Daily Mirror getur úrslitanna á
forsíðu og inni í blaðinu er birt
mynd af Hólmfríði ásamt frétt
undir fyrirsögninni „Fulltrúi fs-
lands kemur inn úr kuldanum og
vinnur titilinn Ungfrú heimur".
Blaðið heldur áfram og spyr:
„Hvernig líst þér nú á, Den,“ og
skírskotar þar til þess að daginn
áður hafði frægur leikari, Leslie
Grantham, sem fer með hlutverk
„Dirty Den“ í geysivinsælum fram-
haldsmyndaflokki hér í landi, spáði
Hólmfríði Karlsdóttur sigri í keppn-
inni. „Þetta sýnir bara að ég hef
auga fyrir fallegum stúlkum," svar-
ar Den í viðtali við blaðið, hæstán-
ægður með getspeki sína. Blaðið
upplýsir að heima á íslandi eigi
Hólmfríður sér unnusta og nefnir
Hólmfríður Karlsdóttir nýkrýnd
„Ungfrú heimur“ í fyrrakvöld.
hann meira að segja á nafn, Elfar
Rúnarsson laganema. Haft er eftir
Hólmfríði að hún muni nú gera árs
hlé á fóstrustarfi sínu og komi svo
sannarlega til með að sakna barn-
anna, sem hún hafi umgengist. Þá
segir hún að sér sé eftir keppnina
hugsað til fjölskyldu sinnar heima
á Islandi og allra þeirra vina, sem
hafi stutt sig og hvatt til dáða,
meira að segja komið til London til
að vera viðstaddir keppnina. „Ég
veit að fjölskylda mín og unnusti
eru stolt af árangri mínum," hefur
Daily Mirror að lokum eftir Hólm-
fríði.
Dagblaðið Star helgar stóran
hluta forsíðu sinnar Hólmfríði og
úrslitum fegurðarsamkeppninnar.
Birt er stór mynd af hinni nýkrýndu
drottningu og í fyrirsögn segir:
„Snjódrottningin Hófi ræður nú
heiminum." Star segir að hin ís-
lenska yngismær hafi unnið hug og
hjörtu dómaranna og sigrað með
miklum glæsibrag. Blaðið getur þess
að Rod Stewart hafi verið viðstadd-
ur fegurðarsamkeppnina á íslandi
og hafi orðið jafnheillaður af Hólm-
fríði og dómararnir í gær. Star, sem
spáð hafði Hólmfríði sigri, segir að
tslenska stúlkan hafi fellt tár við
krýninguna en þau hafi ekki skyggt
á ljómandi fegurð snjódrottningar-
innar.“
Líkt og Star, skírskotar Daily
Express til uppruna Hólmfríðar og
kallar hana „ísdrottninguna", hún
hafi komið, séð og sigrað. Blaðið
segir að Hólmfríður búi yfir klass-
ískri, norrænni fegurð, með ljóst
hár sitt og falleg, blá augu. Nú hefur
Hófí, sem mestan áhuga hefur á
ferðalögum, lagt heiminn að fótum
sér. Framundan er spennandi ár,
sveipað dýrðarljóma og helgað
störfum í tengslum við þann titil,
sem nú er í höfn.
Guardian segir frá úrslitunum á
forsíðu og birtir mynd af Hólmfríði.
Sigurs hennar er einnig getið á
forsíðu Daily Telegraph og inni í
blaðinu er mynd af hinni nýkrýndu
fegurðardrottningu ásamt Ungfrú
Bretlandi, sem hafnaði í öðru sæti.
Á forsíðu Daily Mail birtist mynd
af Hólmfríði og sagt að hún hafi
brosað breitt í gegnum hamingjutár
er hún var krýnd.
Times lætur fegurðarsamkeppn-
ina ekki fram hjá sér fara fremur
en önnur blöð hér í Bretlandi. Blaðið
birtir stóra mynd af Hólmfríði með
krúnuna á höfði sér og bendir meðal
annars á að ræst hafi spár veðmang-
ara fyrir keppnina.
Líkt og víða annars staðar blasir
Hólmfríður við á stórri mynd í
dagblaðinu Sun. Hún brosir þar sínu
blíðasta, „Bros, sem bræddi hjörtu
dómaranna," segir blaðið. Sun segir
að hin unaðsfagra, 22 ára gamla
íslenska fóstra, hafi skilið keppi-
nauta sína 77 eftir úti í kuldanum
og hreppt hnossið, titilinn eftir-
sótta.
Ljóst er að Hólmfríður Karls-
dóttir hefur ekki aðeins unnið eftir-
sóttan titil. Hún hefur unnið hug
og hjörtu Englendinga og jafnframt
orðið þjóð sinni til mikils sóma.
Glæsileg frammistaða hennar hefur
án nokkurs vafa orðið dýrmæt land-
kynning, sem á eftir að skila sér
með einum og öðrum hætti.
Baldvin Jónsson, sem skipulagt
hefur fegurðarsamkeppnir heima á
íslandi, sagði í samtali við Morgun-
blaðið að aldrei yrði metin til fulls
sú landkynning, sem fælist í sigri í
keppni á borð við þessa. „Við skulum
hafa hugfast að það eru hundruð
milljónir manna, sem horfa á þessa
keppni.
I gærkvöldi fylgdist allt þetta fólk
með því er glæsilegur fulltrúi ís-
lands stóð uppi sem sigurvegari í
keppni, sem 78 þjóðir tóku þátt í.
Eina kvöldstund var kastljósi
heimsins beint að Hólmfríði en
einnig að litla íslandi — því skulum
við ekki gleyma.
Morgunblaðiö/Árni Sæberg
„Börnin hennar Hófí“ klöppuðu fyrir fóstru sinni er þau sáu baksíðumynd Morgunblaösins af henni sem „Ung-
frú heimur" í gær.
„Hófí er svo ffn og glöð“
— sögðu börnin hennar á barnaheimilinu á Vífilsstöðum
„Mikið hefur gengið á hér á barnaheimilinu í tilefni af sigri Hólmfríðar
í keppninni. Fjöldi fólks hefur hringt til að óska okkur til hamingju með
„Ungfrú heim“ og auðvitað slóum við upp veislu fyrir börnin. Þau fengu
ís og annað góðgæti svo við erum í virkilegu hátíðarskapi í dag,“ sagði
Oddný S. Gestsdóttir, forstöðumaður barnaheimilis ViTilsstaða, en þar hefur
Hólmfríður Karlsdóttir starfað frá því hún útskrifaðist úr Fósturskólanum
fyrir einu og hálfu ári.
Morgunblaðsmenn heimsóttu
„krakkana hennar Hófí“ í gær en
þau höfðu fylgst grannt með vel-
gengni fóstru sinnar og m.a. klippt
út myndir úr blöðunum og hengt
upphjásér.
„Hófí er svo fín og glöð á mynd-
inni,“ sagði ein hnátan, sem virti
fyrir sér baksíðumynd Morgun-
blaðsins í gær. Önnur börn sögðu
að hún væri langt langt í burtu
og kæmi bráðum aftur til að fara
með þeim í leikfimina, en Hófí
hafði sjálf saumað á krakkana
hvítar stuttbuxur sem þau klæð-
ast áður en æfingatímarnir hefj-
ast. „Hún les fyrir okkur sögur,
syngur, leikur og fer í göngutúra
með okkur. Svo förum við stund-
um að búa, já, og hún hefur kennt
mér hárgreiðslu," bætti ein við.
Oddný sagði að Hófí væri frá-
bær starfskraftur. „Hún kemur
virkilega með það inn í starfið sem
hún lærði í skólanum og leggur
sérstaka áherslu á þroskaþátt
barnanna og er hreyfiuppeldið
henni mikils virði þar sem börnin
ferðast núorðið að mestu í bíl og
fá litla sem enga hreyfingu nema
ef að því er sérstaklega gætt.“
Á Vífilsstöðum er rekið eitt
skóladagheimili og tvær dag-
heimilisdeildir; bangsadeild og
fiðrildadeild. Hólmfríður starfar
á bangsadeild en þar eru börn frá
eins til þriggja ára aldurs. „Við
fengum kort frá henni í morgun,“
sagði Oddný, „sem var skrifað 7.
nóvember þar sem hún sagði að
vel hefði verið tekið á móti sér og
að hún deildi herbergi með stúlku
frá fsrael. Hún sagði í kortinu að
búið væri að taka ótal myndir af
sér, m.a. við hliðina á Michael
Jackson, að vísu aðeins vaxmynd.
í gærmorgun fékk starfsfólkið
kveðju frá henni nýkrýndri og á
Hófí von á sendingu í dag frá
starfsfólki barnaheimilisins og
'sjúkrahússins með foreldrum sín-
um og unnusta, sem eru á leið til
London í dag.
SLAUFAN
SEGIR SÍNA SÖGU
Á stórum stundum cykur hún á
hátídleikann.
Segðu þína sögu með slaufu
úr Herragarðinum.
-fierra-
GARÐURINN
AÐA1STR/ETI9 S12234