Morgunblaðið - 16.11.1985, Blaðsíða 4

4
MORGUNBLAÐIÐ, LAUGARDAGUR16. NÓVEMBER1985
Veðurofsi á Suð-Vesturlandi:
Fjúkandi þakplötur
bílar og fólk í vanda
Kona slasaðist er hún varð fyrir járnplötu
MIKIÐ tjón varð á höfuöborgarsvæðinu af völdum óveðursins, sem
gekk yfir sunnan- og vestanvert landið í gær og fyrrinótt. Þakplötur
fuku víða af húsum, rúður brotnuðu og bifreiðar skemmdust, ýmist
er þær fuku út af vegum eða urðu fyrir fjúkandi hlutum. Má segja
að hálfgert neyðarástand hafi ríkt mestan hluta dagsins í gær, og
var ástandið einna verst í Breiðholti, þar sem dæmi voru um að fólk
yfirgæfi íbúðir í öryggisskyni. Einnig eru dæmi þess að fólk hafi
fokið, en ekki er vitað um teljandi meiðsli nema að tvær konur í
Hafnarfirði fótbrotnuðu eftir að þær tókust á loft í rokinu, og kona
slasaðist við Kleppsveg, er hún varð fyrir járnplötu.
Lögregla átti annríkt í allan
gærdag við að aðstoða fólk og hefta
fok. Eftir hádegi voru kallaðir út
hjálparsveitarmenn til að aðstoða
lögreglu við að tína upp fjúkandi
járnplötur í Breiðholti. Einna
verst var ástandið við Vesturberg
og Torfufell, og raunar í öllu Fella-
hverfi. Þá var ástandið einnig
slæmt við Kleppsveg. Gömul og
rótgróin tré í gamla bænum rifn-
uðu upp og lögðust á hliðina.
Nokkuð var um að bílar fykju út
af götum og sumir á hliðina. Hafn-
arfjarðarstrætó fauk út af vegin-
um á Arnarneshæð og ýmis fleiri
dæmi mætti nefna.
Hjá Veðurstofunni fengust þær
upplýsingar að um 10 vindstig
hefðu verið í Reykjavík mestan
part dagsins í gær og fór vind-
hraðinn upp í 83 hnúta í verstu
hviðunum. f Hvalfirði mældist
vindhraði yfir 100 hnútar og var
þar ófært vegna veðurofans. Það
var um tvöleytið í fyrrinótt, sem
tók að hvessa með 8 vindstigum í
Reykjavík. Um klukkan níu í
gærmorgun var rokið komið upp í
10 vindstig og hélst það svo fram
eftir degi, þar til lægja fór um
kvöldmatarleytið. Lægðin sem olli
veðrinu færði sig norður og austur
með landinu í nótt og var búist
við að skilin gengju yfir landið í
nótt.
Ólafur Egilsson, sendiherra,
sem staddur var í New York þegar
fellibylurinn Gloria gekk yfir
Bandaríkin austanverð, sagði í
samtali við blaðamann Morgun-
blaðsins, að rokið í Reykjavík í gær
hefði verið verra en þá var í New
York. Þess bæri þó að gæta að
Gloria lagðist ekki með fullum
þunga yfir New York, eins og víða
annars staðar í Bandaríkjunum,
þar sem hún olli miklu tjóni.
Morgunblaðið/RAX
Björgunarmenn reyna að komast um borð í hávaðaroki á Grundartanga
í gærdag. Eins og sjá má hefur tunna tekist á loft í veðurofsanum.
Morgunblaðið/Fríðþjófur
„Ljótt er að sjá“ gæti sá litli verið að hugsa þegar hann virðir fyrir sér
vegsummerkin i Breiðholtinu.
Fjúkandi fólk Og bílar. Morgunblaíiö/Friðþjófur
Lögreglan stóð í ströngu.
Morgunblaðið/Friðþjófur
Lögreglan hirðir upp fjúkandi járnplötur. Morgunbiaðið/Júlfus
Vatnsdalur:
Tré rifnuðu upp með rótum
— Björgunarsveitarmenn skriðu á milli
húsa til að bjarga því sem bjargað varð
Valnsdal, 15. nóvember. Fri Helga Bjarnasyni hlaðamanni Morgunblaftsins.
ÞAKPLÖTUR voru fjúkandi um
allan Vatnsdal í dag, en talsvert
tjón varð á húsum og tækjum á
mörgum bæjum í rokinu. Muna
elstu menn ekki eftir jafnmiklu
roki hér um slóðir.
Mest hefur tjónið líklega orðið
á bænum Forsæludal, sem er
innst í Vatnsdal. Sigríður Ragn-
arsdóttir húsfreyja sagði í sam-
tali við blaðamann, að í verstu
rokunum hefði verið gjörsamlega
óstætt og heimamenn og hjálpar-
sveitarmenn frá Blönduósi orðið
að skríða á milli húsa við að
reyna að bjarga því sem bjargað
varð. Hún sagði að hátt í hundrað
járnplötur hefðu fokið af hlöðu
og fjárhúsum. Plötur hefðu losn-
að af íbúðarhúsinu og lítið gróð-
urhús fokið út í veður og vind.
Hún sagði að veðurofsinn hefði
verið svo mikill að girðingar-
staurar kubbuðust í sundur og
50 ára gömul tré ýmist brotnað
eða rifnað upp með rótum. Þá
brotnuðu rúður í bíl á hlaðinu
og heyvinnutæki fór á hliðina.
Tjón varð á mörgum bæjum í
Vatnsdal. Á Grímstungu fauk
hlaða við gömul beitarhús þannig
að grunnurinn einn var eftir og
þakplötur fuku þar af fjárhúsum.
I Sunnuhlíð fuku heyvinnutæki
um koll og þakplötur fuku víða
af húsum á mörgum bæjum í
sveitinni, meðal annars á Bakka,
Kornsá, Hofi, Marðarnúpi og
Þórormstungu.
MorgunbUðift/Júllus
Menn urðu að grípa í það sem hendi var næst til að halda sér við jörðina
í verstu hviðunum.