Morgunblaðið - 16.11.1985, Blaðsíða 23

MORGUNBLAÐIÐ, LAUGARDAGUR16. NÓVEMBER1985
23
„Litlar borgir þarfn-
ast stórs hjarta“
„ÞAÐ ER lífsnauðsyn hverrar borgar að hafa sterkan og líflegan
kjarna," sagði Gunnar Hauksson, verslunarmaður, á stofnfundi fé-
lagsins „Gamli miðbærinn“, sem haldinn var á Hótel Borg í fyrra-
kvöld. Félagið er stofnað til að efla mannlíf, viðskipti og þjónustu
í miðbænum og standa vörð um eignir og söguleg verðmæti þar.
Mjög mikill áhugi virðist vera
á því að efla veg gamla mið-
bæjarins og rúmaði Gyllti salur-
inn á Borginni ekki allan þann
fjölda fólks, sem lagði málefninu
lið með því að mæta á stofn-
fundinn. Var opnað fram í veit-
ingasal og dugði þó ekki til.
Guðlaugur Bergmann í Karna-
bæ, sem er einn af helstu hvata-
mönnum félagsins, setti fundinn
og flutti stutta tölu um þau fyrir-
tæki og stofnanir, sem finna
mætti í gamla miðbænum. Kvað
hann 6.000 manns starfa í hinum
ýmsu atvinnugreinum þar. Hann
sagði, að svæðið sem félagið tæki
yfir væri Kvosin frá og með
Grjótaþorpi og Grófinni, Lauga-
vegur og Hverfisgata að og með
Hlemmtorgi. Einnig allar þver-
götur og hliðargötur frá Skóla-
vörðuholti og til sjávar.
Davíð Oddsson, borgarstjóri,
stjórnaði fundinum, en erindi
fluttu Árni Sigfússon, rekstrar-
hagfræðingur, Vilhjálmur Þ.
Vilhjálmsson, formaður skipu-
lagsnefndar Reykjavíkur, og
Gunnar Hauksson, verslunar-
maður. í erindi Árna Sigfússonar
kom fram, að víða erlendis
standa menn frammi fyrir svip-
uðu vandamáli og í Reykjavík,
þ.e. að byggðin þenst út og þjón-
ustufyrirtæki elta hana uppi,
sem aftur leiðir til mikils sam-
dráttar í miðbæjarkjörnum.
Þennan samdrátt kallaði Árni
kal og hvatti til þess að snúist
yrði til varnar. „Litlar borgir
þarfnast stórs hjarta, og það
hjarta er miðbær þeirra," sagði
hann.
Vilhjálmur Þ. Vilhjálmsson
lagði áherslu á nauðsyn þess að
gera heildarskipulag fyrir mið-
bæjarsvæðið í Reykjavík og einn-
ig að gerð yrði nákvæm tíma-
áætlun um það hvernig þvi yrði
hrint í framkvæmd. Hann gerði
jafnframt grein fyrir því skipu-
lagi sem nú er verið að vinna að
og verkefnum sem framundan
eru.
Áð framsöguerindum loknum
las fundarstjóri upp frumvarp
að samþykktum fyrir „Gamla
miðbæinn" og féllust fundar-
menn á það einróma. Síðan var
gengið til kosninga og að tillögu
undirbúningsnefndar voru
fimmtán manns kosnir i stjórn
félagsins og fimm i varastjórn.
Þessir hlutu kosningu í stjórn:
Ásgeir Hannes Eiríksson, pylsu-
sali; Baldvin Jónsson, Morgun-
blaðinu; Bolli Kristinsson, Versl-
uninni Sautján; Edda Ólafsdótt-
ir, lögfræðingur; Einar Óskars-
son, Bókaverslun Sigfúsar Ey-
mundssonar; Guðlaugur Berg-
mann, Karnabæ; Guðni Pálsson,
arkitekt; Haukur Gunnarsson,
Rammagerðinni; Helga Bach-
man, Þjóðleikhúsinu; Jafet
ólafsson, SÍS; Jón Hjaltason,
Frá stofnfundi „Gamla miðbæjarins" á Hótel Borg sl. fimmtudagskvöld.
MorgunblaAið/RAX
óðali; Páll Bragi Kristjónsson,
Skrifstofuvélum; Pétur Arason,
Faco; Sigurður Steinþórsson og
Skúli Jóhannesson, Tékk-Kristal.
í varastjórn voru kjörnir Garðar
Kristinsson, Sportvali og Bikarn-
um, Guðmundur Sigmundsson,
Bókabúð Braga, Einar Högnason,
Skóverslun Axels Ó., Ásgeir
Ásgeirsson, Kúnigúnd, og Bene-
dikt Geirsson, SPRON.
Nokkrar umræður urðu á
fundinum um skipulagsmál
gamla bæjarins og kom m.a.
fram í máli Davíðs Oddssonar,
borgarstjóra, að hann hefur
áhuga á því að lítið ráðhús verði
reist við Tjörnina í Reykjavík.
Kvaðst hann vilja beita sér fyrir
samkeppni um teikningu slíks
húss, sem hugsanlega gæti farið
fram á fyrra hluta næsta árs.
Taldí borgarstjóri rétt að stefna
að því að bygging ráðhúss, ef í
þær framkvæmdir yrði ráðist,
tæki ekki lengri tíma en 18 mán-
uði. Benti hann á, að Alþingis-
húsið hefði verið reist á einu ári
á öldinni sem leið og hefði þó
allri byggingartækni fleygt
fram.
A fundinum var einnig rætt
um verkefni hins nýja félags og
m.a. reifaðar hugmyndir um
samstarf á fjölmörgum sviðum
til þess að auka veg gamla mið-
bæjarins.
Fjölmenni á stofnfundi „Gamla miðbæjarins**:
( sjóferð, ert þú þá með það á hreinu hvar allur björgunarbúnaður skipsins er staðsettur og
hvort öll siglingatæki eru virk?
Það er góð regla í upphafi hverrar sjóferðar, að glöggva sig á staðsetningu og ástandi
öryggisbúnaðar skipsins.
REYNSLAN SÝNIR AÐ EKKERT KEMUR I VEG FYRIR SLYS Á SJÓ NEMA
ÁRVEKNI, DÓMGREIND OG KUNNÁTTA SJÓMANNA SJÁLFRA.
oryggismAlanefnd sjómanna
midas