Morgunblaðið - 09.08.1986, Blaðsíða 4
MORGUNBLAÐIÐ, LAUGARDAGUR 9. ÁGÚST 1986
Hótel Bifröst:
Starf smennirn-
ir sögðu allir
upp og gengu út
ALLIR starfsmenn Hótels Bifrastar í Borgarfirði hættu störfum á
fimmtudagskvöld og gengu út. Starfsmennirnir 12 sögðu upp fyrir
tveimur vikum. Viðræður þeirra við eigendur Bifrastar á fundi um
síðustu helgi báru ekki árangur. „Ástæða uppsagnanna kemur skýrt
fram í bréfi okkar til stjórnendanna. Samstarf og samvinna þeirra
og okkar gekk ekki eins og skyldi," sagði Björg Einarsdóttir, trúnað-
armaður starfsfólksins.
Ferðaskrifstofan Samvinnuferð-
ir-Landsýn sér um rekstur Hótels
Bifrastar. Að sögn Hildar Jóns-
dóttur, deildarstjóra innanlands-
deildar, er búið að ráða í störf þeirra
sem hættu. Það gekk vel og engin
truflun varð á rekstri hótelsins.
„Okkar tillögur voru að reynt yrði
að komast fyrir samskiptaörðug-
leikana," sagði hún. „Við báðum
starfsmennina um að ræða opin-
skátt um einstök vandamál, svo
hægt væri að leysa þau og halda
starfmu áfram í sátt og samlyndi.
Þau féllust ekki á það, þannig að
svona fór.“ Hótelstjóri á Bifröst er
Jón Sigurðsson, og tók hann við
starfi í vor. Hildur sagðist bera
mikið traust til Jóns. Að sínu mati
hefði hann staðið sig mjög vel.
„Ferðaskrifstofan kom ekki með
neinar tillögur sem gátu orðið þess
valdandi að við drægjum uppsagnir
okkar til baka,“ sagði Björg. Hún
sagði að starfsfólkið hefði orðið
ásátt um að láta ekki meira uppi
um einstök ágreiningsatriði. Upp-
sagnimar töluðu sínu máli. Á
hótelinu er unnið eftir „hlutaskipta-
kerfí“, þannig að laun miðast við
prósentur af tekjum hótelsins.
Sagði Björg að vinnan ætti að skipt-
ast jafnt á alla aðila, og gengi hver
í annars störf ef með þyrfti. Að-
spurð hvort samskiptaörðugleikam-
ir hefðu spillt fyrir því að hægt
væri að vinna eftir þessu kerfí sagði
Björg: „Forsenda þess að hægt sé
að vinna farsællega eftir þessu kerfi
er að samskipti stjórnenda og
starfsfólks séu sem best. Við treyst-
um okkur einfaldlega ekki til að
vinna áfram undir þessum kringum-
stæðum."
Fegrunarnefnd Reykjavíkur:
Gerum höfuð-
borgina sem
snyrtilegasta
FEGRUNARNEFND Reykjavíkur hefur lýst ánægju sinni með sam-
starf við framfarafélög og íbúasamtök um hreinsunar- og fegrunar-
átak á afmælisári borgarinnar og segir það hafa skilað góðum
árangri. Fegrunarnefndin bendir jafnframt á að lokaátakið sé eftir
og hvetur borgarbúa til að gera góða borg betri fyrir afmælis-
daginn, 18. ágúst.
Hér á eftir fer fréttatilkynning
frá Fegrunamefnd Reykjavíkur um
fegrunar- og hreinsunarátak 1986:
Gott samstarf tókst við borgar-
búa, framfarafélög, íbúa- og
hverfasamtök um hreinsunar- og
fegrunarátak á afmælisárinu.
Ibúasamtök stóðu að hreinsunar-
dögum frá 5. apríl til 7. júní, hvert
í sínu hverfi með aðstoð og stuðn-
ingi hreinsunardeildar, garðyrkju-
deildar og fegrunamefndar.
Verkaskipting var þannig að
hreinsunardeild lagði til plastpoka
og annaðist flutning á drasli sem
borgarbúar, yngri sem eldri, höfðu
safnað saman, garðyrlqudeild út-
hlutaði trjáplöntum og veitti
upplýsingar um ræktun og feg-
runamefnd veitti ^árstuðning til
auglýsinga og útgáfu umburðar-
bréfa eða bæklinga. Síðan var
fegrunarvika dagana 7. til 15. júní
og árangurinn var stórhreingeming
sem borgin býr að enn í dag, en
betur má og þarf að gera fyrir sjálf-
an afmælisdaginn, 18. ágúst. Þeirri
áskomn er beint til fyrirtækja, fé-
laga, stofnana og einstaklinga að
gera höfuðborgina sem fegursta og
snyrtilegasta á 200 ára afmælinu.
Einkum er bent á að laga girðing-
ar, hreinsa illgresi og drasl á
lóðamörkum og meðfram girðing-
um.
Hreinsunardeildin mun veita
borgarbúum aðstoð við að þrífa til
í borginni.
Fólk fær ókeypis poka undir msl
ef óskað er og það msl sem hefur
verið safnað saman verður sótt af
starfsmönnum hreinsunardeildar.
Stómm mslagámum hefur verið
komið fyrir á átta stöðum í borg-
inni, víð Meistaravelli, Vatnsmýrar-
veg, Grensásveg, Kleppsveg,
Súðarvog, Stekkjarbakka og á efri
enda Breiðholtsbrautar, einnig hjá
Árseli við Rofabæ.
Á hreinsunardögunum komu um
600 tonn í mslagámana, umfram
venju, afhentir vom um 20.000
plastpokar og ca. 4.500 tonn vom
hreinsuð af lóðum, auk annara
svæða.
Lóðaskoðun hreinsunardeildar
skrifaði upp um 800 lóðir, 560 núm-
erslausa bílgarma og sendi út um
100 kvörtunarbréf.
2 stúikur em starfandi hjá fegr-
unamefnd sem fara skipulega um
borgarhverfi, taka á móti kvörtun-
um og senda síðan bréf til húseig-
enda með ábendingum um það sem
betur mætti fara.
Samstarf við framfarafélög og
íbúasamtök hafa skilað góðum
árangri, en nú er lokaátakið eftir,
vemm samtaka um að gera góða
borg betri fyrir afmælisdaginn, 18.
ágúst.
Gísli Jóhannsson og skipið hans nýja eins og það leit út fyrir mánuði. Það er skipasmíðastöðin Gryfia
í Stettin i Póllandi sem smíðar skipið.
Pólska „vöruskiptaskipið“ kemur til landsins í október:
Pólverjar eru bæði
vandvirkir og ódýrir
- segir kaupandinn, Gísli Jóhannesson, skipstjóri og útgerðarmaður
I LOK október næstkomandi mun nýtt skip bætast í fiskiskipa-
flota landsmanna; pólsk nýsmiði á vegum Gísla Jóhannessonar
skipsljóra og útgerðarmanns. Verið er að vinna að lokafrágangi
þess í skipasmiðastöðinni Gryfia í Stettin í Póllandi. Skipið
mæUst 5-600 tonn brúttó, er tæpir 54 metrar og ber 1100-1200
tonn. Það er jafnvígt á nóta- og togveiðar, en Gísli stefnir að þvi
að fara strax á loðnu þegar skipið kemur tU landsins. Á skipinu
verður 14 manna áhöfn.
Þegar Gísli seldi skip sitt, Jón
Finnsson, til Chile fyrir hálfu öðm
ári fór hann á stúfana eftir nýju
skipi. Vegna þeirrar stjómar-
stefnu að beina nýsmíði til inn-
lendra skipasmíðastöðva gekk
erfíðlega að fá heimild til
smíðanna í Póllandi. Tókst það
þó á endanum með því að ná sam-
komulagi við Pólveija um að
kaupa sfld á móti. Keyptu þeir
sfld fyrir 14 milljónir króna, en
heildarverð skipsins er að sögn
Gísla milli 150 og 160 milljónir.
Gísli er að vonum ánægður með
að skipið sé nú loks að komast í
gagnið eftir tæplega tveggja ára
baráttu, eins og hann orðaði það.
„Þetta hefur verið eins og vera
hálft ár úti á sjó og fá ekki bein.
Maður hefur haft í mörg hom að
líta þennan tíma, en með hjálp
góðra manna tókst þetta. Og mér
sýnist á öllu að vafstrið hafí borg-
að sig, því skipið er mjög gott og
á góðu verði," sagði Gísli, en auk
þess að beijast fyrir leyfi til
smíðanna hefur hann útvegað öll
helstu tækin í skipið og fylgst
grannt með smíðinni frá upphafi.
„Það er ekki hægt að segja
annað en Pólveijamir hafí staðið
sig vel í sambandi við smíðina.
Þeir virðast kunna til verka og
eru engir eftirbátar Norðmanna í
frágangi, þrátt fyrir að þetta sé
fyrsta skip sinnar tegundar sem
þeir smíða," sagði Gísli, og bætti
við að hann teldi fulla ástæðu til
að fela Pólveijum fleiri verkefni
Séð yfir dekk skipsins frá hval-
bak og aftur úr.
af þessu tagi. Framhönnun og
teikningar eru unnar af norska
fyrirtækinu Vik & Sandvik a/s
og var Gísli einnig mjög ánægður
með þeirra verk.
Gjaldskrá heilbrigðisráðherra:
Tannlæknaþjónusta hækk-
ar að meðaltali um 5,5%
HEILBRIGÐISRÁÐHERRA, Ragnhildur Helgadóttir, gaf í gær út
nýja gjaldskrá um tannlæknisþjónustu, sem gilda á frá 1. ágúst til
30. nóvember. Meðalhækkun gjaldliða frá fyrri gjaldskrá er 5,5%
og nemur sjálf launahækkunin 7,4%.
I fréttatilkynningu heilbrigðis- í samræmi við vegið meðaltal tíu
ráðuneytisins segir, að kostnaðar- efstu launaflokka BHM. Sé hvort
hluti skrárinnar hafí verið
hækkaður í samræmi við verðlags-
breytingar og launahluti hækkaður
tveggja miðað við tímabilið frá 1.
mars 1986 að telja.
Að öðra leyti er stuðst við fyrri
Heimsmeistarakeppnin í hárgreiðslu og hárskurði:
Islendingar senda lið
Heimsmeistarakeppnin í hár-
greiðslu og hárskurði verður
haldin í Veróna á Ítalíu dagana
14.-16. september nk. íslendingar
munu nú í fyrsta skipti senda lið
f keppnina og hefur þjálfun kepp-
enda staðið yfir í nokkra mánuði.
í frétt frá Sambandi hárgreiðslu-
9g hárskerameistara segir að landslið
íslands í hárgreiðslu hafi verið undir
handleiðslu eins besta þjálfara Hol-
lands, John Scholts, sem unnið hefur
yfír 280 bikara í mótum um allan
heim en hefur nú snúið sér alfarið
að þjálfun.
Að þessu sinni taka 42 þjóðir þátt
í keppninni og mun þátttaka aldrei
hafa verið svona mikil fyrr.
Landslið íslands er þannig skipað:
Hárgreiðsla: Dóróthea Magnúsdóttir,
Hársnyrtistofunni Papillu, Guðfinna
Jóhannsdóttir, Hárgreiðslustofunni
Ýr, Helga Bjamadóttir, Hárgreiðslu-
stofunni Carmen. Hárskurður: Eirík-
ur Þorsteinsson, Rakarastofunni
Greifanum, Gísli V. Þórisson, Rak-
arastofunni Hárlínunni, og Hugrún
Stefánsdóttir, Hársnyrtistofunni Pap-
illu. Dómarar af hálfu íslands verða
Amfríður ísaksdóttir og Torfi Geir-
mundsson.
gjaldskrá, en hún féll úr gildi í des-
ember í fyrra. Því er bætt við, að
gildistími skrárinnar sé takmarkað-
ur í trausti þess, að aðilar noti
tímann til samningaviðræðna.
í viðmiðunargjaldskrá, sem
Tannlæknafélag Islands gaf út ein-
hliða fyrir skömmu, er slitnað hafði
upp úr samningaviðræðum, var
meðalhækkun gjaldliða um 13%.
Ráðuneytið mun láta kanna til-
svarandi samninga á hinum
Norðurlöndunum, en samninga-
nefnd Tryggingastofnunar ríkisins
hefur gefið í skyn, að tannlæknis-
kostnaður sé óeðlilega hár hér á
landi. Framvegis verða tannlæknar
að nota sérstök reikningseyðublöð,
sem Tryggingastofnun hefur útbúið
og segir ráðuneytið þetta auðvelda
eftirlit með því, að ákvæðum gjald-
skrárinnar sé fylgt.
Loks má geta, að unnið verður
að því, að gjaldskráin verði færð
til íslensks máls, eftir því sem kost-
ur er, en skráin er mjög latínuskot-
in.
Ekki náðist f fulltrúa Tannlækna-
félagsins í gær.