Morgunblaðið - 29.11.1994, Blaðsíða 47
MORGUNBLAÐIÐ
ÞRIÐJUDAGUR 29. NÓVEMBER 1994 4 7
FRÉTTIR
Úr dagbók lögreglunnar
Jólaverslunin birtist í
ólöglegum bifreiðastöðum
Morgunblaðið/Júlíus
SLÖKKVILIÐINU í Reykjavík var seint á laugardagskvöld til-
kynnt um bruna í sumarbústað við Elliðavatn. Þegar það kom
á staðinn með dælubíla var bústaðurinn alelda og að hruni
kominn. Slökkvistarf var erfitt vegna vatnsleysis en sækja þurfti
vatn um tveggja km leið. Bústaðurinn var úr timbri, um 50 fm
að stærð, og hafði ekki verið notaður um einhvern tima. Talið
er að kveikt hafi verið í húsinu.
Reykjavík
25.-28. nóvember
TVEIR menn voru handteknir i
Túnunum snemma á föstudags-
morgun, grunaðir um innbrotstil-
raun í fyrirtæki í Skeifunni. Auk
þessa tilviks var tilkynnt um 21
annað innbrot í fyrirtæki eða bif-
reiðir um helgina. Snemma á
sunnudagsmorgun handtóku lög-
reglumenn ungan mann er var að
reyna að bijótast inn í verslun í
Gnoðarvogi. Lögreglumenn hafa
margsinnis haft afskipti af honum
vegna margvislegra afbrota. Síð-
degis á föstudag voru tveir menn
handteknir eftir að hafa brotist inn
í íbúð i Túnunum og veist að hús-
ráðanda með barefli. Árásaraðil-
arnir hafa komið við sögu hjá lög-
reglu áður vegna ýmissa afbrota.
Farið er að bera á einu helsta
einkenni jólaverslunarinnar, fjölda
ökutækja, sem er ólöglega lagt.
Svo virðist sem fólk treysti sér
ekki til að ganga spölkorn frá
stöðureitum eða merktum bifreiða-
stæðum, sem eru fjölmörg í borg-
inni, en leggur þess í stað á gang-
stéttum, gönguleiðum, akstursleið-
um eða þvert fyrir dyr verslana,
öðrum vegfarendum til mikilla
óþæginda. Fólk er hvatt til að sýna
samborgurum sínum tillitssemi í
samræmi við boðskap jólanna.
Margt fólk var í miðborginni
aðfaranótt laugardags. Lögreglu-
menn þurftu að hafa afskipti af
u.þ.b. 30 einstaklingum. Þar af
voru 11 unglingar. Þeir voru flutt-
ir í unglingaathvarfíð og síðan
sóttir þangað af foreldrum sínum.
Veður tók að versna er líða tók á
nóttina og þá fækkaði fólki. Til-
tölulega fátt fólk var á ferli utan
dyra aðfaranótt sunnudags, enda
viðraði sérstaklega illa til útiveru.
Sumir þeirra sem voru heimavið
kunnu sér þó ekki hóf því 16 sinn-
um var kvartað yfir hávaða og
ónæði frá gieðskap í heimahúsum.
Um helgina þurfti lögreglan að
hafa afskipti af 14 ökumönnum,
sem grunaðir eru um að hafa ekið
undir áhrifum áfengis. Tveir þeirra
höfðu lent í umferðaróhöppum
áður en til þeirra náðist. Tíu öku-
menn voru kærðir fyrir að aka of
hratt innanbæjar, einn reyndist
ökuréttindalaus, 4 voru kærðir fyr-
ir önnur umferðarlagabrot og 19
til viðbótar var veitt áminning.
Síðdegis á föstudag varð gang-
andi vegfarandi fyrir bifreið í húsa-
götu við Bústaðaveg. Hann var
fluttur á slysadeild. Aðfaranótt
laugardags varð gangandi vegfar-
andi fyrir bifreið á Suðurlands-
braut við Álfheima. Hann hafði
hlotið áverka á höfði og baki og
var auk þess talinn axlarbrotinn.
Hann var einnig fluttur á slysa-
deild með sjúkrabifreið. Auk þess-
ara óhappa var tilkynnt um 33
önnur umferðaróhöpp til lögregl-
unnar um helgina.
Á laugardagsmorgun var hvas-
sviðri og talsvert um fok á lausum
hlutum. Þannig fauk fótboltamark
á mannlausa bifreið í Fossvogsdal,
skilti fauk á rafmagnsvír, þakplöt-
ur losnuðu í Rimahverfi og hluti
af timburstafla fauk á bifreið í
akstri á Háaleitisbraut.
Á sunnudag féll maður, sem var
við vinnu utandyra við fjórðu hæð
húss við Brautarholt. Hann kom
niður á malarsvæði en var fluttur
á slysdadeild vegna eymsla í fót-
um.
Lögreglan á Suðvesturlandi ætl-
ar á næstunni að huga sérstaklega
að ljósabúnaði ökutækja. Talsverð
brögð hafa verið að því að bifreið-
ar séu eineygðar eða afturljóskerj-
um sé ábótavant. Það eru eindreg-
in tilmæli frá lögreglunni að eig-
endur og ökumenn hugi að ljósa-
búnaði bifreiða sinna og færi það
til betri vegar sem aflaga hefur
farið.
Sagnfræðingafélagið
Höfðingjar
o g saltfiskur
Á FUNDI í Sagnfræðingafélaginu
í kvöld kl. 20:30 fiytja tveir ungir
sagnfræðingar erindi um nýjar
rannsóknir sem þeir eru að vinna
að. Axel Kristinsson cand.mag flyt-
ur erindi sem hann nefnir íslenskir
höfðingjar 1100-1800 og Halldór
Bjarnason cand.mag flytur erindi
um velgengni íslendinga á saltfisk-
mörkuðum 1890-1930.
Axel er að vinna að doktorsrit-
gerð um höfðingja á íslandi. í rit-
gerðinni veltir hann því fyrir sér
lífi höfðingjastéttarinnar og ekki
síst þeirri, spurningu á hveiju höfð-
ingjar byggðu afkomu sína. Kenn-
ing hans er að hin fámenna höfð-
ingjastétt á íslandi hafi þurft á
aukatekjum að halda til að geta
haldið stöðu sinni. Embættaveiting-
ar hafi því verið mikilvægur hluti
af afkomugrundvelli höfðingja.
Halldór hefur í mörg ár unnið
að rannsóknum á saltfiskmörkuðum
Islendinga og lauk nýlega við
cand.mag-ritgerð um efnið. Þetta
efni svara einni af lykilspurningum
um efnahagslegan uppbyggingu
Islands í bytjun þessarar aldar.
Fundurinn verður haldinn í Þjóð-
skjalasafninu Laugavegi 162.
Fyrirlesari frá
Ontario hjá fé-
lagsvísindadeild
DR. David B. Knight, forseti félags-
vísindadeildar háskólans í Guelp í
Ontario, heldur opinberan fyrirlest-
ur á vegum félagsvísindadeildar
Háskóla íslands, í dag, þriðjudaginn
29. nóvember, kl. 17.15 í stofu 101
í Lögbergi.
Fyrirlesturinn nefnist: „A Basis
for Conflict: Political Identities,
Territoriality, and Territorial Org-
anization" og verður fluttur á
ensku. Dr. Knight lauk doktors-
prófi við háskólann í Chicago og
hefur kennt við háskóla í Bandaríkj-
unum og Kanada og er nú prófess-
or og deildarforseti við háskólann
í Guelp.
Aðgangur er ókeypis og öllum
heimill.
EIGANDI Snyrtistofunnar
Guerlain, Laufey Birkisdóttir,
ásamt Helgu Jónsdóttur.
Ný snyrtistofa
við Óðinsgötu
NÝ snyrtistofa er tekin til starfa
að Óðinsgötu 1 í Reykjavík. Snyrti-
stofan Guerlain. Eigandi er Laufey
Birkisdóttir.
Eingöngu er uhnið upp úr Gu-
erlain snyrtivörum og fást þær einn-
ig á staðnum. Boðið er upp á and-
litsböð með sérstöku Guerlain slök-
unarnuddi, líkamsnudd, sogæða-
nudd, svæðanudd, trimmformnudd,
G5 meðferð, förðun, varanlega
tattoveringu fyrir augnbrúnir,
augnlínu og varalínu og alla al-
menna snyrtingu. Vatnsgufa fylgir
öllum líkamsmeðferðum.
Opið hús
hjá Heima-
hlynningu
SAMVERUSTUND fyrir aðstand-
endur er í kvöld í húsi Krabbameins-
félags íslands, Skógarhlíð 8. Gestur
kvöldsins verður sr. Karl Sigur-
björnsson. Boðið er upp á kaffi og
meðlæti.
BSRB ályktar
um sjúkraliða-
deiluna
STJÓRN BSRB leggur áherslu á
að upplýsingar um launakjör verði
sem aðgengilegasta og öllum opn-
ar. Stjórn BSRB mælist eindregið
til þess að gögn Kjararannsóknar-
nefndar opinberra starfsmanna
(KOS) verði til fijálsra afnota og
að á þeim hvíli ekki hömlur. Það
er óásættanlegt að launakjörin séu
gerð að felumáli og á það bæði við
um hinn almenna markað og hið
opinbera.
Stjórn BSRB lýsir fullri ábyrgð
á hendur stjórnvöldum í kjaradeilu
þeirra gegn sjúkraliðum og hvetur
til þess að þegar í stað verði geng-
ið til samninga. Óbilgirni í garð
sjúkraliða og neikvæð afstaða ríkis-
valds og annarra viðsemjenda
þeirra bitnar á sjúku fólki og öldr-
uðu og þolir það enga bið að leiða
vinnudeiluna til lykta.
■ Foreldrahópur barna með
klofinn góm kynnir starfsemi sína
á hádegisfundi í dag, þriðjudag,
klukkan 12.15 til 13 í Eirbergi,
Eiríksgötu 34. Fundurinn er öllum
opinn og boðar Gerður Á. Árna-
dóttir til hans.
Fjölskyld-
angegn
alnæmi
ALNÆMISSAMTÖKIN á íslandi
og íþrótta- og tómstundaráð
Reykjavíkur standa í sameiningu
fyrir átaksverkefni gegn alnæmi
sem hlotið hefur nafnið: Fjölskyldan
gegn alnæmi - umræða án for-
dóma. Sameinuðu þjóðirnar hafa
lýst árið 1994 ár fjölskyldunnar og
Álþjóðaheilbrigðisstofnunin (WHO)
hefur gert hið sama og er þema
alþjóðlega alnæmisdaginn Alnæmi
og fjölskyldan - fjölskyldan sjái um
sína, segir í fréttatilkynningu frá
Alænæmissamtökunum.
Verkefnið hófst með fræðslu-
átaki í félagsmiðstöðvum í Reykja-
vík, Kópavogi, Garðabæ, Hafnar-
firði og Mosfellsbæ og hefur það
staðið yfir þennan mánuð. Ungling-
arnir hafa fengið félaga úr Al-
næmissamtökunum í heimsókn og
leitað sér fræðslu á annan hátt. Þá
eru einnig unnin ýmis verkefni sem
tengjast málefninu. Einnig hafa
félagsmiðstöðvarnar staðið fyrir
áheitasöfnun í tengslum við mara-
þondansleik í Kolaportinu 30. nóv-
ember nk. Rúmlega 700 unglingar
taka þátt í maraþondansinum og
áheitasöfnuninni.
Þann 1. desember, alþjóðlega al-
næmisdaginn, verður haldin fjöl-
skylduskemmtun með blandaðri
dagskrá í Kolaportinu og hefst hún
kl. 16. Þar munu ýmsir skemmti-
kraftar koma fram m.a. Borgardæt-
ur, Bubbi Morthens, Bubbleflies
o.fl. Þá verður flutt atriði úr Snæ-
drottningunni og úr verðlaunaleik-
ritinu Út úr myrkrinu eftir Valgeir
Skagfjörð og Alheimsferðir, Edda
eftir Hlín Agnarsdóttur. Allir þeir
sem koma fram gefa vinnu sína til
styrktar Alnæmissamtökunum á
íslandi.
VINNINGAR p ini ni VINNINGSHAFA UPPHÆÐ Á HVERN VINNINGSHAFA
1.5 al 5 0 8.235.825
2.4r,l5l® 6 109.820
3. 4 al 5 153 7.420
4. 3at5 4.822 550
Heildarvinningsupphæö: 12.682.105
BIRT MEÐ FYRIRVARA UM PRENTVILLUR
47. leikvika, 26.-27. nóv. 1994
/Vr. Leikur:______________Rödin:
1. Arsenal - Maneh. lltd. - X -
2. Liverpool-Tottenham - X-
3. Leeds - Notth For. I - -
4. Blackburn - QPR 1 - -
5. Newcastle - Ipswich - X -
6. Chelsea - Everton - - 2
7. Norwich - Leicester I - -
8. Man. City - Wimbledon 1 --
9. Wcst Ham - Coventry - - 2
10. C. Palace - Southampt. - X -
11. Reading - Tranmere - - 2
12. Charlton - Middlesboro - - 2
13. Watford-Stoke -X-
Hcildarvinningsupphæðin:
119 milljón krónur
13 réttir: 3.970.180 kr.
12 réttir: 79.990 kr.
11 réttir: 5.980 kr.
10 réttir: 1.350 kr.
ÍTALSKI BOLTINN
47. leikvika , 26.-27, nóv. 1994
Nr. Leikur:________________Rödin:
1. Lazio - Roma - - 2
2. Fiorentina - Sampdoria - X -
3. Foggia - Napoli - X -
4. Gcnoa - Cremonese - .- 2
5. Padova - Juventus - - 2
6. Reggiana - Cagliari - X -
7. Brescia - Bari - - 2
8. Ancona - Lucehese - X -
9. Atalanta - Verona - - 2
10. Venezia - lldinesc - - 2
11. Cesena - Pcrugia - X -
12. Palermo - Vicenza - X -
13. Pcscara - Salernitana - - 2
Heildarvinningsupphæðin:
11,0 milljón krónur
13 réttir: jTvöfaldur næst | kr.
12 réttir: 1 421.990 | kr.
11 réttir: 1 41.880 J kr.
10 réttir: 1 9.990 | kr.