Morgunblaðið - 29.11.1994, Blaðsíða 48

48 ÞRIÐJUDAGUR 29. NÓVEMBER 1994
MORGUNBLAÐIÐ
Dýraglens
Smáfólk
//-7
j f WELL, VOU \
( shoulpn't have \
\Av) ' CL05ED YOUR. / VJETE5..
LA&<-c v.
&

Hefur þú? Hefurðu í raun og Vá! Hvernig var það?
veru flogið ofar skýjum?
Þú hefðir nú ekki átt að Ioka
augunum ...
BRÉF
HL BLAÐSINS
Kringlan 1103Reykjavík • Sími 691100 • Símbréf 691329

Vegum og metum
ÞEGAR komið er fram í nóvember
fara flestir að huga að undirbún-
ingi jólanna. Hvort sem okkur líkar
betur eða verr, fylgir jólaundirbún-
ingi aukið álag, í vinnunni og á
heimilum. Auglýsingar af ýmsu
tagi dynja á okkur, „kauptu þetta,
gerðu þetta“ fyrir jólin. Auðvitað
þarf að kaupa margt og ' gera
margt, allir vilja að jólin séu hátíð
hátíðanna, allir séu vel haldnir í
mat og drykk og fái sómasamlegar
jólagjafir. En það er nauðsynlegt
fyrir okkur að staldra við og íhuga
hvernig hægt er að draga úr streit-
unni sem oft er fylgifiskur jólaund-
irbúnings, vega og meta hvað við
viljum leggja áherslu á.
Lærum að velja og hafna
Við sem að þessari grein stönd-
um erum starfandi leikskólakenn-
arar. Þess vegna langar okkur að-
eins að víkja að starfinu í leikskól-
unum á þessum árstíma, með börn-
in okkar þar að leiðarljósi. Við
skipuleggjum gjarnan sumarfrí í
tíma, og tökum tillit til allra þátta.
En jólin koma mörgum á óvart.
Allt í einu sýnir dagatalið að kom-
ið er að desembermánuði og allir
fórna höndum. Desember-mánuður
hefur sérstöðu, þá er margt í boði
og margs að njóta. Þess vegna er
brýnt að kunna að velja og hafna,
gefa sér góðan tíma fyrir það starf
sem talið er nauðsyn á að fram-
kvæma fyrir jól, velja það sem veit-
ir börnunum sanna gleði og innri
ró, fremur en bæta sífellt við á
verkefnalistann einhveiju sem ekki
er þörf á og eykur jafnvel streitu
og óróleika.
Sem betur fer hefur það breyst
mikið á undanförnum árum að í
leikskólunum sé svo mikil áhersla
lögð ájólaföndur eðajólagjöf handa
foreldrum svo dæmi sé tekið, að
jólafastan sé eitt allsheijar kapp-
hlaup við tímann.
Loforð og væntingar
En kannast ekki einhver við
svona áætlun ennþá:
Við ætlum að búa til jólagjöf
handa foreldrum með börnunum
og auðvitað betri og frumlegri en
í fyrra, æfa jólasöngva, kannski
jólaleikrit, taka á móti jólasveini
dagsins og ræða um þá, fara á
kaffihús með börnin eða á tónleika,
baka piparkökur, hafa kaffíboð fyr-
ir foreldra, skreyta leikskólann og
halda jólaball o.s.frv.
Já, þetta er ekki svo lítið sem á
að framkvæma á tímabilinu frá
fyrsta til tuttugasta og þriðja des-
ember.
Að okkar áliti á það ekki að
vera nein kvöð hvorki fyrir starfs-
fólkið eða börnin að búa til jólagjaf-
ir handa foreldrum. Jólagjöfin get-
ur verið eitthvað sem börnin hafa
búið til í leikskólanum á árinu og
velja síðan til að gefa á jólum.
Okkur finnst ekki skipta nokkru
máli þótt gjafírnar séu hver ann-
arri ólíkar og séu ekki búnar til í
desember gagngert sem jólagjafir.
Foreldrar ættu einnig að íhuga það
að þegar barnið afhendir jólapakk-
ann sinn að þá skiptir ekki öllu
máli hvort innihaldið er eitthvað
frumlegt sem starfsfólk leikskólans
hefur fundið upp, heldur hitt að
barnið er að gefa gjöf af gleði og
með stolti. Séu enn til foreldrar sem
meta fyrst og fremst gæði leikskól-
ans eftir því magni af föndri sem
börnin koma með heim, viljum við
benda á að margt annað teljum við
mikilvægara t.d. rólegar samveru-
stundir með jákvæðum tjáskiptum.
Friðarganga á Þorláksmessu
Það hefur lengi verið áhugamál
okkar í umhverfis og friðarhópnum
að veita viðurkenningu þeim versl-
unum sem sjá metnað sinn í að
hafa á boðstólum vönduð og
þroskavænleg leikföng. Það verk-
efni bíður betri tíma. Þessar versl-
anir leynast víða, s.s. Mál og menn-
ing, Skólvörubúðin, Barnasmiðjan
o.fl. Áhrifamáttur fjölmiðla er mik-
ill og oft er erfitt að greina kjarnan
frá hisminu. Jólin eru hátíð ljóss
og friðar, höfum það hugfast þegar
kemur að því að velja gjöfina.
Að endingu viljum við vekja at-
hygli á hinni árlegu friðargöngu,
sem farin er á Þorláksmessu kl.
18.00, frá Hlemmi, niður Lauga-
veg. Æ fleiri taka þátt í þessari
göngu og finnst þetta ómissandi
tækifæri til að undirstrika ósk sína
um frið. Nú er senn að líða þetta
ár sem tileinkað var fjölskyldunni.
Við hvetjum allar gölskyldur til að
sameinast í friðargöngunni.
Umhverfis- og friðarhópur
leikskólakennara.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.