Morgunblaðið - 30.11.1995, Page 4
4 FIMMTUDAGUR 30. NÓVEMBER 1995
MORGUNBLAÐIÐ
FRÉTTIR
Forsætisráðherra segir stjórnvöld hafa komið verulega til móts við ASI og BSRB
„ÉG TEL að það væri afar sér-
stætt ef að kjarasamningum yrði
sagt upp við núverandi aðstæður.
Ríkisstjómin hefur staðið við sitt.
Samningar gætu haldið án þess að
ríkisstjómin eða aðilar vinnumark-
aðarins gripu inn í það. Við setjum
inn í þessa mynd 1.000 milljónir
króna til þátta, sem ASÍ og BSRB
hafa lagt mikla áherslu á, að fengju
meðhöndlun af þessu tagi sem hér
er gert. Við teljum að þetta hljóti
að stuðla að sátt í þjóðfélaginu,"
sagði Davíð Oddsson forsætisráð-
herra um þá yfirlýsingu sem ríkis-
stjórnin kynnti fulltrúum ASI og
BSRB í gær.
Davíð tók fram að þessi yfirlýs-
ing væri endanlegt svar ríkisstjórn-
arinnar. Meira yrði ekki boðið af
hennar hálfu.
Aðspurður útilokaði Davíð ekki
að opinberum starfsmönnum yrðu
boðnar sambærilegar hækkanir og
vinnuveitendur bjóða félagsmönn-
um Alþýðusambandsins. Hann
sagðist ekki hafa séð tilboð vinnu-
veitenda og væri því ekki í aðstöðu
til að svara neinum spurningum um
hvernig ríkisvaldið myndi svara
kröfum BSRB.
í yfirlýsingu ríkisstjórnarinnar
frá í gær segir að verði samningum
sagt upp falli yfirlýsing ríkisstjórn-
arinnar frá 21. febrúar úr gildi og
stjórnin muni taka útgjaldaþætti
hennar til endurskoðunar.
Áfram stefnt að jafnvægi
í ríkisfjármálum
„Yfiriýsingin tók mið af því að
samningar stæðu til tveggja ára.
Ef samningar rofna mun ríkis-
stjórnin að sjálfsögðu þurfa að end-
urmeta sína stöðu. Þá er hætt við
að verðbólga fari af stað, vextir
hækki ög hlutir gerist sem efna-
hagslífið þolir illa og við slíkar að-
stæður þarf ríkisstjómin að endur-
meta alla sína stöðu og þar með
útgjaldaþætti yfirlýsingarinnar,"
sagði Davíð.
I yfirlýsingu ríkisstjórnarinnar
segir ekkert um hvort eða hvernig
kjaramál, en hún á að styrkja gildandi kjarasamninga. Forsætisráð-
herra segir að verði samningum sagt upp muni yfírlýsingín frá
21. febrúar falla úr gildi. Egill Ólafsson og Ómar Friðriksson
fylgdust með atburðum á vettvangi kjaramála í gær.
Morgunblaðið/Ami Sæberg
FORYSTUMENN ASÍ komu til fundar við forsætisráðherra og utanríkisráðherra síðdegis í gær.
Falliðtilað
stuðla að sátt
*
Ríkisstjómin hefur kynnt fulltrúum ASI og BSRB yfirlýsingu um
ríkissjóður ætlar að mæta auknum
útgjöldum. Einungis er lögð áhersla
á mikilvægi jafnvægis í ríkisfjár-
málum.
„Ríkisstjórnin telur afar mikil-
vægt að standa við þá ákvörðun
sína að ná jafnvægi í ríkisfjármál-
um á næstu tveimur árum. Hún
mun leita allra Ieiða til þess. A
þessari stundu liggur ekki fyrir
nákvæmlega hvernig það verður
gert, en það hljóta allir aðilar að
vera sammála um að það sé afar
mikilvægt vegna þess að nú liggja
fyrir óyggjandi upplýsingar um að
jafnvægi í ríkisfjármálum mun
skila sér í meiri hagvexti, lægri
vöxtum og betri lífskjörum,“ sagði
Friðrik Sophusson fjármálaráð-
herra.
Sambandsstjórn VSÍ
fundar í dag
Á fundi launaneíndar ASÍ og
vinnuveitenda, sem hófst eftir há-
degið í gær, var ekkert nýtt lagt
fram af hálfu vinnuveitenda. Þeir
munu þó hafa gefið til kynna að
þeir myndu auka við tilboð sitt á
næsta fundi. Á fundi Davíðs Odds-
sonar forsætisráðherra, Halldórs
Ásgrímssonar utanríkisráðherra,
Friðriks Sophussonar fjármálaráð-
herra og Páls Péturssonar félags-
málaráðherra í stjórnarráðinu var
gengið frá tilboði af hálfu ríkis-
stjórnarinnar og var það kynnt
fulltrúum ASÍ og BSRB laust fyrir
kl. 7. Þá hófst fundur formanna
lands- og svæðasambanda innan
ASÍ.
I dag kemur sambandsstjórn VSI
saman, en í henni sitja yfir 100
fulltrúar. Á fundinum verður tekin
afstaða til þess tilboðs, sem fulltrú-
ar VSÍ í launanefnd hafa lagt fram.
I dag kemur framkvæmdastjórn
Verkamannasambandsins einnig
saman. Mörg verkalýðsfélög verða
með stjórnar- og trúnaðarráðsfundi
í dag til að taka afstöðu til þess
hvort félögin eigi að segja upp
samningum.
Tillögxtr samningsaðila um lækkun matvælaverðs
Magntollar á græn-
metí lækki um 50%
SAMNINGSAÐILAR í ASÍ, VSÍ og VMS hafa í kjaravið-
ræðunum að undanfömu rætt um leiðir sem leitt geti
til lækkandi verðlags á grænmeti, eggjum, kjúklingum
og svínakjöti og hafa kynnt ríkisstjórninni sameiginlegt
minnisblað þar sem lagðar eru til aðgerðir til að sporna
gegn hækkun á verði þessara vara.
Ríkisstjómin lýsti yfir í gær að hún myndi kanna
þessar ábendingar og leita leiða til að koma í veg fyrir
að verðlagsbreytingar á þessum afurðum raski verðlags-
forsendum kjarasamninga.
Niðurfelling tolla og stækkun tollkvóta
Umtalsverðar hækkanir urðu á verðlagi á grænmeti
síðsumars og í haust en aðilar vinnumarkaðarins leggja
m.a. til að tollar á grænmeti verði felldir niður þegar
innlend framleiðsla er ekki á markaði, en þeir eru nú
30%. Þá er lögð til stækkun tollkvóta grænmetis og
að stærð þeirra miðist við innflutning skömmu fyrir
gildistöku GATT, t.d. á seinasta ári, en ekki við inn-
flutt magn á árinu 1988 eins og nú er gert. „Ef þessum
tollkvótum er úthlutað utan þeirra árstíða sem innlend
framleiðsla er á markaði mætti fella tollana niður án
þess að innlendir framleiðendur yrðu þess varir en ríkis-
sjóður yrði af nokkrum tekjum," segir í minnisblaðinu.
Þá telja aðilar vinnumarkaðarins að sú tollvemd sem
innlendum framleiðendum er tryggð sé svo mikil að veru-
leg lækkun magntolla sé möguleg án þess að stefna
þessum greinum í hættu. Er lagt til að þessir magntollar
verði lækkaðir um 50% strax og þeir færu síðan lækk-
andi til aldamóta um 5% á ári. 50% lækkun myndi hafa
í för með sér um 30% lækkun innflutningsverðs á græn-
meti og gera má ráð fyrir að það lækki vísitölu neyslu-
verðs um allt að 0,2%, að mati samningsaðila.
Einnig er lagt til að svínarækt og alifugla- og eggja-
framleiðsla verði felld undir samkeppnislög. Bent er á
að alifuglakjöt og egg lúta enn opinberri verðlagn-
ingu, þótt almennt sé viðurkennt að sú verðlagning
Morgunblaðið/Ámi Sæberg
FRIÐRIK Sophusson fjármálaráðherra, Páll
Pétursson félagsmálaráðherra og Ögmundur
Jónasson formaður BSRB í fjármálaráðuneytinu
í gærkvöldi. Þar var Ögmundi afhent yfirlýsing
ríkisstjórnarinnar.
gildi ekki nema að vissu marki. Opinber verðlagning
í þessum greinum haldi uppi verði og því sé eðlilegt
að heimildir þessara greina til opiiiberrar verðlagning-
ar verði afnumdar.
Einnig er lagt til að athugað verði hvort ekki sé
eðlilegt að lækka magntolla á þessum afurðum á hlið-
stæðan hátt og á grænmeti.
Afnám kjarnfóðurgjalda
Aðilar Vinnumarkaðarins leggja auk þessa til afnám
kjamfóðurgjalda til að stuðla að aukinni samkeppni
og lækkun kostnaðar. „Með afnámi kjarnfóðurgjalda
skapaðist svigrúm til 3% verðlækkunar í þeim greinum
sem mest nota af kjamfóðri, en áhrifin yrðu nokkru
meiri í mjólkurframleiðslu," segir á minnisblaðinu.
Yfirlýsing rík-
issljórnarinnar
um kjaramál
RÍKISSTJÓRNIN afhenti aðilum
vinnumarkaðarins í gær yfirlýs-
ingu vegna þeirra viðræðna sem
farið hafa fram í launanefnd að
undanförnu. Yfirlýsingin fer hér á
eftir.
í framhaldi af fundum með full-
trúum ASÍ, BSRB og vinnuveit-
enda hefur ríkisstjórnin rætt þá
stöðu sem uppi hefur verið í kjara-
málum.
Ríkisstjórnin telur að fullkom-
lega hafi verið staðið við þá yfirlýs-
ingu sem gefin var í tengslum við
kjarasamninga á almennum
vinnumarkaði í febrúar síðastliðn-
um.
Aðilar vinnumarkaðarins eiga
að sínu Ieyti eftir að efna sinn
hluta um að samningar skuli
standa til ársloka 1996. Verði
samningnum sagt upp fellur yfir-
lýsing þessi úr gildi Qg ríkisstjórn-
in mun einnig taka útgjaldaþætti
fyrri yfirlýsingar til endurskoðun-
ar.
Til að tryggja frið á vinnumark-
aði og skapa traustari skilyrði fyr-
ir sátt í þjóðfélaginu um kjaramál
hefur ríkisstjórnin ákveðið eftir-
farandi aðgerðir:
1. Atvinnuleysisbætur hækki 1.
janúar 1996 (150 m.kr.).
2. Bætur almannatrygginga
hækki 1. janúar 1996 (450 m.kr.).
3. Viðbótarfrádráttur lífeyrisið-
gjalds launþega frá tekjuskatti frá
og með 1. júlí 1996 komi til fram-
kvæmda 1. janúar 1996 og viðbót-
arfrádráttur 1. júlí 1997 komi til
framkvæmda 1. júlí 1996 (400
m.kr.).
Aðilar vinnumarkaðarins hafa
lýst áhyggjum sínum vegna
mögulegra áhrifa búvöruverðs á
almenna verðlagsþróun á næsta
ári. Hafa þeir einkum nefnt breyt-
ingar á verðlagi grænmetis og
afurðum svína og alifugla. Ríkis-
stjórnin mun í samvinnu við aðila
vinnumarkaðarins og fulltrúa
framleiðenda kanna ábendingar
ASÍ og VSÍ og leita leiða til að
koma í veg fyrir að verðlagsbreyt-
ingar á áðurnefndum afurðum
raski verðlagsforsendum kjara-
samninga.
í framhaldi af ofangreindum
ákvörðunum mun ríkisstjórnin leit-
ast við að tryggja að þessar að-
gerðir raski ekki þeim markmiðum
sem ríkisstjórnin hefur sett sér í
ríkisfjármálum. Jafnvægi í ríkis-
fjármálum er nauðsynleg forsenda
þess að treysta áframhaldandi
stöðugleika í efnahagsmálum,
skapa skilyrði fyrir hagvöxt og
aukna atvinnu. Að þessu hljóta
bæði launþegar og vinnuveitendur
að vilja vinna.