Morgunblaðið - 30.11.1995, Side 58
58 FIMMTUDAGUR 30. NÓVEMBER 1995
MORGUNBLAÐIÐ
Áhendingará mjólkurumbúðum, nr. 37 af 60.
„Nú er ég kátur,
nafni minn ..."
íslensk tunga er auðug.
Gleði má til dæmis tjá
með margvíslegum
hætti:
- að kunna sér ekki læti
- að vera með hýrri há
- að vera fjöðrum fenginn
- að vera himinlifandi |
>
- að vera í sjöunda himni «
vera reifur
- að vera léttur í lund
5
- að vera teitur |
o
- að vera gáskafullur
MJÓLKURSAMSALAN
íslenskufrœðsla á mjólkurumbúðum er samslarfsverkefni Mjólkursamsölunnar,
íslenskrar málnefndar og Málrœktarsjóðs.
ÍDAG
Með morgunkaffinu
ÉG vildi gjarnan bjóða
þér í mat, en ég veit
að það myndi kosta
okkur vináttuna.
SKÁK
llmsjón Margcir
Pétursson
HVÍTUR leikur og vinnur
Staðan kom upp í lands-
liðsflokki á Skákþingi ís-
lands, en keppni lauk um
helgina. Magnús Pálmi
Örnólfsson (2.180) hafði
hvítt og átti leik, en Ágúst
Sindri Karlsson (2.315)
var með svart. Hvítur hefur
fórnað peði en komið liði
sínu í frábærar sóknarstöð-
ur.
22. Bxg6! - He7 (22. -
hxg6 er svarað með 23.
Hxd5! og eftir 23. - exd5
24. Bg7++! - Kxg7
25. Dh7+ er svarta
drottningin orðin
valdlaus og fellur) 23.
Bf8 - Ha7 24. Bxe7
- Dxe7 25. Bf7 -
Dxf7
(25. - Bxg5 26.
Rxg5 - Rf6 27.
Rxh7+! - Rxh7 28.
Hd8+ var einnig von-
laust með öllu) 26.
Rxf7+ - Hxf7 27.
Dh5 og þar sem hvítur
hefur drottningu og
hrók fyrir aðeins þrjá
létta menn vann hann auð-
veldlega.
Skemmtikvöld skák-
áhugamanna föstudags-
kvöldið 1. des. kl. 20 hjá
Skáksambandi íslands,
Faxafeni 12. Fjallað um
umskipti í FIDE og skákvið-
burði næstu mánaða og síð-
an fer fram hraðskákmót.
VELVAKANDI
Svarar í síma 569 1100 frá 10-12 og 14-16
frá mánudegi til föstudags
Til Flateyringa
JÓNA Marín Ólafsdóttir,
10 ára stúlka í Keflavík,
sendi Morgunblaðinu
eftirfarandi ljóðlínur sem
hún orti í tilefni snjóflóð-
anna á Flateyri. Þær
voru lítillega lagfærðar
fyrir hana fyrir birtingu.
Þegar fólkið fellir tár
fær þá hjálpin grætt öll sár
í myrkri greinist grátur
þar gengur sorgarbátur.
Tapað/fundið
Gullarmband
tapaðist
ARMBAND u.þ.b. 6 mm
breitt sem lykkjað er til
skiptis með gulli og
hvítagulli tapaðist mjög
líklega á Hótel Sögu
laugardaginn 11. nóvem-
ber sl. Armbandið er sér-
smíðað og hefur mikið
tilfínningalegt gildi fyrir
eigandann. Skilvís
fínnandi er vinsamlega
beðinn að hafa samband
í síma 557-8806.
Gæludýr
Kattagæsla
HELGA tekur að sér að
gæta katta í lengri eða
skemmri tíma. Uppl. í
síma 551-7110.
Mikki fæst gefins
FALLEGUR og blíður,
þriggja ára, hreinrækt-
aður síamsköttur (Mikki)
fæst gefins vegna sér-
stakra ástæðna. Það
fylgir allt með Mikka,
s.s. karfa, kassi og búr.
Aðeins rólegt og gott
barnlaust heimili kemur
til greina. Uppl. í síma
565-8696 á kvöldin.
Kisu vantar
heimili
SVÖRT einlit læða sem
er níu mánaða vantar
gott heimili. Kisa er sér-
staklega falleg, góð og
snyrtileg en vegna of-
næmis getur hún ekki
verið lengur hjá eigend-
um sínum. Uppl. hjá
Ingibjörgu í síma
587-6427.
Farsi
Víkverji skrifar...
MARGVÍSLEGAN fróðleik er
að finna í ritinu Landshagir,
sem Hagstofan gefur árlega út.
Skrifari greip af tilviljun niður í
kafla þar sem fjallað er um ferða-
menn sem koma hingað til lands.
Ef litið er aftur til ársins 1950
kemur í ljós að það ár komu 8.700
manns hingað til lands. Tíu árum
síðar voru þeir 22.300 og árið 1970
komu samtals 80 þúsund manns
hingað til lands. Árið 1990 voru
farþegarnir 284 þúsund og í fyrra
324.804.
Hlutfall innlendra og erlendra
ferðamanna er nokkuð misjafnt í
heildarfjöldanum eftir árum. Þann-
ig kemur í Ijós að 4.312 íslending-
ar voru á faraldsfæti árið 1950 og
útlendingarnir voru 70 fleiri það
ár. Árið 1960 voru íslendingarnir
9.500, en útlendingarnir 12.800,
árið 1970 komu 27 þúsund íslend-
ingar til landsins, en 53 þúsund
útlendingar. Árið 1980 hafði þetta
snúist við og nú voru íslendingar
á faraldsfæti fleiri en útlendingarn-
ir, eða 69 þúsund íslendingar á
móti 66 þúsund útlendingum. Frá
árinu 1980 hafa fleiri íslendingar
komið til landsins en útlendingar.
Eflaust má lesa margt úr tölum
sem þessum, t.d. um samgöngur,
launakjör, atvinnuástand og efna-
hag á íslandi og í nágrannaiöndun-
um, um þróun í íslenskri ferðaþjón-
ustu, veðurfar, ferðamöguleika,
venjur og tísku svo dæmi séu tekin.
xxx
BÁRUJÁRN er heiti á bæklingi
sem fyrir nokkru rak á fjörur
Víkverja. Höfundar eru arkitekt-
arnir Hjörleifur Stefánsson, Grétar
Markússon og Stefán Örn Stefáns-
son. í upplýsingum frá Þorsteini
Bergssyni formanni Minjaverndar,
sem gefur bæklinginn út, kemur
fram að notkun bárujárns sem
byggingarefnis þróaðist hér á landi
með sérstakari hætti en víðast ann-
ars staðar. Til dæmis í Reykjavík
er bárujárn mjög áberandi í eldri
hverfunum og sum fallegustu húsin
klædd bárujámi.
Með fjölgun byggingarefna og
tilkomu steinsteypu minnkaði notk-
un bárujárns verulega, en hefur
aukist aftur á síðari árum. Þá hef-
ur hins vegar komið í ljós að sú
þekking á efnisnotkun og meðferð
við frágang sem áður hafði þróast
hafði fallið niður að miklu leyti.
Ástæða fyrir að ráðist var í útgáfu
bæklingsins er sú að hvergi á einum
stað hefur verið að finna almennan
fróðleik um þetta byggingarefni og
ekki hefur verið auðvelt að fá hand-
hægar leiðbeiningar um frágangs-
atriði bárujárns til þessa.
xxx
RAUPMENN í höfuðborginni
gera ýmislegt til að auka við-
skipti í verslunum sínum og bjóða
þá gjarnan vörur á lægra verði auk
þess sem ýmislegt er gert til
skemmtunar. Nefna má skemmti-
legar uppákomur eins og tengjast
Löngum laugardegi og Kringlu-
kasti.
Nýlega rakst skrifari á frétt um
tilboðsdaga, sem kaupsýslumenn í
Vestmannaeyjum stóðu fyrir og
sérstaka athygli vakti nafnið á fyr-
irbærinu. í Eyjum kölluðu þeir
þessa tilboðsdaga nefnilega
Sprönguskell. Kaupmenn í Eyjum
vildu með þessu standa vörð um
atvinnu í bænum og verslun í
heimabænum. Eftir þeim var haft
að verðlag í Vestmannaeyjum væri
síst hærra en í Reykjavík. Að til-
boðsdögunum loknum lýstu þeir
ánægju sinni með hvernig til hefði
tekist á Sprönguskelli í ár.