Morgunblaðið - 17.12.1995, Blaðsíða 50

MORGUNBLAÐIÐ
NBA úrslitin
Bostx>n - Toronto .122:103
Detroit - New Jersey ...105:98
Indiana - Milwaukee ...112:95
Washington - LA Lakers .122:114
Gleveland - Minnesota ...100:88
Orlando - Utah ...111:99
Houston - Sacramento .110:114
Seattle - Golden State .108:101
Vancouver - Portland .104:100

GRANT Hili lék vel með Plstons í nótt og ðtti stóran þátt í að
liðið sigraði New Jersey NETS. Hér treður hann með tilþrifum.
Shaq er mættur
Nýliðarnir í Vancouver sigruðu og sluppu þar með við vafa-
samt met; töpuðu bara 19 leikjum í röð
Shaquille O’Neal er byrjaður að
leika á ný með Orlando eftir
meiðsl og hann hélt uppá það með
því að skora 26 stig og taka 11
fráköst er liðið sigraði Utah Jazz.
Þetta er þó heldur lakari árangur
en hann var með í fyrra því þá
gerði hann 29,3 stig að meðaltali í
leik og tók 11,4 fráköst.
„Ég er alls ekki kominn í fulla
æfíngu og það er örugglega einhver
tími í það. Það skiptir ekki máli
hveijir hefía leikinn, það skiptir
máli hver klárar hann,“ sagði Shaq,
en hann var ekki í byijuarliðinu og
lék aðeins í 24 mínútur. Karl Mal-
one var með 24 stig fyrir Jazz í
þessum 12. heimasigri Orlando,
sem hefur ekki enn tapað leik á
heimavelli.
Meistarar Houston töpuðu hins
vegar nokkuð óvænt á heimavelli
fyrir Sacramento og Mitch Ric-
hmond gerði 47 stig fyrir Kings,
þar af 25 í fjórða leikhluta. Liðin
mættust fyrr í vikunni í Sacra-
mento og þá vann Houston en nú
snerist dæmið við. Olajuwon gerði
37 stig fyrir meistarana.
Grant Hill náði þremur tvennum
í annað sinn í vetur þegar hann
gerði 19 stig, gaf 12 stoðsendingar
og tók 10 fráköst fyrir Pistons er
liðið vann Nets.
Nýliðamir í Vancouver fögnuðu
sínum þriðja sigri í deildinni er liðið
vann Portland í framlengingu. Bry-
ant Reeves gerði 25 stig og tók 17
fráköst fyrir Grizzlies og liðið slapp
þar með við að jafna metið í að
tapa flestum leikjum í röð, en það
eru 20 leikir. Vancouver hafði tap-
aði 19 i röð. Rod Strickland gerði
29 stig og tók 13 fráköst fyrir Port-
land.
50 SUNNUDAGUR 17. DESEMBER 1995
ÍÞRÓTTIR
Landsliðskylfingar
í Reiðhöllinni
Reiðhöllin í Víðidal er til margra
hluta nytsamleg og það nýj-
asta er að landsliðskylfingar slá þar
bolta sína á laugardags- og sunnu-
dagsmorgnum í vetur. Ragnar Ól-
afsson, liðsstjóri landsliðs karla og
kvenna, sagði við Morgunblaðið á
æfmgu í gærmorgun að þetta væri
mikill munur fyrir kylfinga því
þarna væri talsvert meira pláss en
á þeim stöðum sem landsliðið hefði
verið að æfa á undanfama vetur.
„Við verðum væntanlega með
allt landsliðsstarfið í vetur hér. Við
erum byijaðir með A og B hóp
karla og A hóp kvenna og svo er
hugmyndin að unglingamir komi
iijní þetta líka. Æfingar verða á
laugardags- og sunnudagsmorgn-
um milli kl. níu og 11.20. Aðstaðan
hér býður uppá að brúa bilið í sutta
spilinu og við getum náð að vippa
allt að 50 metrum og það er mjög
mikilvægt. Við höfum í gegnum
árin verið að tapa höggum á þessum
þætti leiksins. Svo er þetta auðvitað
kærkomin viðbót við það sem við
höfum haft fyrir. Hér er hægt að
gera fjölbreyttari æfingar og þá
verður þetta miklu skemmtilegra
fyrir krakkana," sagði Rangar.
Ragnar hefur valið tíu kylfínga
í A hóp karla, „en hann er alls
ekki endalegur og menn verða að
standa sig til að halda sæti sínu
þar,“ segir Ragnar. í hópnum eru
Þórður Ólafsson, Kristinn G.
Bjarnason og Birgir Leifur Hafþórs-
son úr Leyni, Örn Ævar Hjartarson
úr GS, Þorkell Snorri Sigurðarson
úr GR, Björgvin Þorsteinsson, Örn
Amarsson og Sigurpáll G. Sveins-
son úr GA og þeir Björgvin Sigur-
bergsson og Björn Knútsson úr
Keili. Einnig verða teknir menn úr
B-hópnum til æfínga með A-hópn-
um. Athygli vakti að Björgvin Þor-
steinsson, hinn gamalreyndi kylf-
ingur, er í hópnum og hann var
mættur á æfinguna í gærmorgun.
Var ekki meiningin að yngja aðeins
upp? „Fyrir mér er enginn heilagur
og ég vel ekki í landsliðið eftir aldri,
heldur eftir árangri og þar er Björg-
vin framarlega," sagði landsliðslið-
stjórinn, en Björgvin varð fjórði á
stigamótum sumarsins.
UrslKin færð
ÚRSLITALEIKURINN íEvrópu-
keppni bikarhafa, sem vera átti
í Glasgow, hefur verið fluttur
til Brussel og ferfram á King
Baudouin leikvanginum 8. maí.
etta verður í fyrsta sinn sem
úrslitaleikur í Evrópukeppni
fer fram í Brussel síðan hið hörmu-
lega slys varð á Heysel leikvangin-
um árið 1985 er Liverpool og Ju-
ventus áttust við í Evrópukeppni
meistaraliða, en þá létust 39 stuðn-
ingsmenn liðanna. Hinn nýi leik-
vangur, þar sem úrslitaleikurinn fer
fram í maí, var byggður á rústum
Heysels, en aðeins ein hlið af gamla
Heysel-leikvanginum er enn notuð,
allt annað var rifíð.
Ástæðan fyrir því að UEFA flyt-
f ■ ur leikinn frá Ibrox til King Baudou-
1 in er að alþjóðleg ráðstefna lækna
l veður haldin í Glasgow sama dag
, og munu þátttakendur í henni
skipta þúsundum þannig að ekkert
hótelrými er til staðar, hvorki fyrir
liðin né stuðningsmenn þeirra.
Á fundi UEFA á föstudaginn var
einnig staðfest að úrslitaleikurinn í
Evrópukeppni meistaraliða verði á
Ólympíuleikvanginum í Róm 22.
maí, en síðast var leikið til úrslita
í Róm árið 1984 þegar Liverpool
vann Roma í vítaspymukeppni.
England fsar ekki aukasætið
UEFA ákvað einnig að úthluta
Englendingum ekki aukasæti í
UEFA-keppninni 1996-97 eins og
þeir hafa unnið til með því að verða
í efsta sæti á háttvísislistanum.
Lennart Johansson sagði um þessa
ákvörðun UEFA: „England fær
ekki aukasætið vegna þess hvernig
Wimbledon og Tottenham komu
fram í Intertoto-keppninni í sum-
ar.“ Ensku liðin sem voru í þeirri
keppni mættu til leiks með hálfgerð
varalið og það þótti UEFA ekki
viðeigandi og aðvöruðu liðin, en þau
létu sér ekki segjast, notuðu ungl-
ingalið sin og leikmenn sem þau
fengu að láni frá öðrum félögum
og sumir heimaleikir þeirra fóru
ekki einu sinni fram á heimavöllum
félaganna. Það verða 119 félög sem
taka þátt í UEFA-keppninni næsta
ár og það verður að minnsta kosti
eitt lið frá hveiju aðildarfélaga
UEFA. Þá munu þijú lið komast
upp úr Intertoto-keppninni og í
UEFA-keppnina, en voru áður tvö.
Golf í skjóli!
Morgunblaðið/Árni Sæberg
KYLFINGAR æfa nú í skjéli fyrir veðrum og vlndum í Reiðhöllinni í Víðidal. Fremstur er Sigurð-
ur Hafsteinsson, þá Birgir Leifur Hafþórsson, Ólöf María Jónsdóttir, Herborg Arnarsdóttir og
Björgvin Þorsteinsson, sem lætur engan bilbug á sér finna.
Íslenska karlalandsliðið í hand-
knattleik lék fyrri leik sinn við
Grænlendinga í Nuuk á föstudags-
kvöldið og er skemmst frá því að
segja að Island gjörsigraði granna
okkar á Grænlandi með 40 mörk-
um gegn 14.
Þorbjörn Jensson landsliðsþjálf-
ari sagði í samtali við Morgunblað-
ið að leikurinn hefði verið frekar
auðveldur eins og tölurnar bæru
með sér. „Við- vissum ekkert um
þá og reyndum að fylgjast aðeins
með þeim í upphituninni og þeir
virtust vera í góðu líkamlegu
formi. Þegar í leikinn kom fannst
mér eins og þeir væru mjög stress-
aðir og þeir gerðu mikið af mistök-
um í sókninni. Ætli við höfum
ekki gert helminginn af okkar
mörkum úr hraðaupphlaupum,“
sagði Þorbjörn.
Hann var ekki með leikskýrsl-
una við hendina þegar rætt var
við hann en mundi þó að nýliðinn
Davíð Ólafsson úr Val gerði níu
mörk. Aron Kristjánsson úr Hauk-
um var með sjö mörk og Dagur
Sigurðsson úr Val fimm.
„Ég veit ekki hvers vegna þeir
voru svona taugatrekktir, hugsan-
lega vegna þess að þeir höfðu
undirbúið sig í nokkurn tíma og
landsliðsþálfari Dana, Svíinn Ulf
Schefvert, er búinn að vera hér í
viku og taka þá aðeins í gegn. Ég
á ekki von á svona miklum mun
í seinni leiknum, en í þessum leik
notaði ég alla leikmenn mjögjafnt
og markverðirnir, Bergsveinn
Bergsveinsson og Bjarni Frosta-
son, skiptu leiknum bróðurlega á
milli sín,“ sagði Þorbjörn.
Hann sagði allan aðbúnað vera
til mikillar fyrirmyndar og móttök-
urnar einstaklega vinalegar.
GOLF
HANDKNATTLEIKUR
Létt á Grænlandi
KNATTSPYRNA
KORFUKNATTLEIKUR