Morgunblaðið - 04.05.1996, Blaðsíða 2

2 LAUGARDAGUR 4. MAÍ 1996
MORGUNBLAÐIÐ
FRÉTTIR
Borgin
styrkir
bændur
BORGARRÁÐ hefur samþykkt
að styrkja fyrirtæki og stofnan-
ir í Reykjavík til að ráða til sín
skólanema á 16., 17., og 18.
aldursári. Bændum á landinu
öllu gefst því til viðbótar kostur
á að sækja um styrk.
Gert er ráð fyrir að styrkur-
inn verði % af heildarlauna-
kostnaði. Hann verði þó aldrei
hærri en 14.000 kr á viku og
greiðist gegn framvísun launa-
seðla.
Fjölbreyttari sumarvinna
Markmiðið með tilrauninni
er að gefa unglingum í Reykja-
vík kost á meiri fjölbreytni í
vali á sumarvinnu og starfa í
nánum tengslum við atvinnulíf-
ið. Síðast en ekki síst felst
markmið tilraunarinnar í að
gefa fleiri unglingum kost á
vinnu með því að hvetja at-
vinnurekendur til að bæta við
sig starfsfólki.
Ákveðið í dag hvort reynt verður að leysa síldardeiluna á ráðherrafundi 1 Ósló
Yrði „úrslitatUraun á ögur-
stundu“ til að ná samningum
ÍSLENZK og færeysk stjómvöld munu í dag
ákveða hvort þau ákveða að halda til ráðherra-
fundar í Ósló á morgun, sunnudag, til þess að
gera úrslitatilraun til að leysa deilur við Rússland
og Noreg um skiptingu norsk-íslenzka síldar-
stofnsins áður en íslenzki síldarflotinn bytjar veið-
ar í næstu viku.
Náist ekkert samkomulag um veiðarnar stefnir
í að veidd verði um 350.000 tonn af síld á þessu
ári umfram ráðgjöf fískifræðinga, sem er veiði
upp á eina milljón tonna. Hreyfing komst á síldar-
viðræðurnar á samningafundi embættismanna í
Moskvu í síðasta mánuði og lýstu Norðmenn sig
þá í fyrsta sinn tilbúna til að lækka eigin síldar-
kvóta. Tillaga Noregs var hins vegar óaðgengileg
að mati íslands og Færeyja.
Samband hefur verið á milli embættismanna
og stjórnmálamanna í löndunum fjórum undan-
fama tíu daga til þess að reyna að brúa bilið
áður en íslenzki síldarflotinn fer á veiðar, sem
verður að óbreyttu 10. þessa mánaðar.
Ráðherra og embættis-
menn til Færeyja
Þorsteinn Pálsson sjávarútvegsráðherra og þeir
Guðmundur Eiríksson þjóðréttarfræðingur og
Árni Kolbeinsson ráðuneytisstjóri, sem átt hafa
sæti í viðræðunefnd íslands, fóru í gær til Fær-
eyja til að bera saman bækur sínar við þarlend
stjórnvöld.
Eftir að þeir komu aftur til landsins í gær-
kvöldi héldu þeir fund með hagsmunaaðilum í
síldveiðum og -vinnslu ásamt Halldóri Ásgríms-
syni utanríkisráðherra. Samkvæmt heimildum
Morgunblaðsins lögðust hagsmunaaðilar gegn því
að ísland slægi of mikið af kvótakröfum sínum,
en þó var vilji til þess að ná samkomulagi ef því
yrði við komið.
Halldór Ásgrímsson sagði í samtali við Morgun-
blaðið að rætt hefði verið um að ráðherrar frá
löndunum fjórum hittust í Ósló á morgun, en það
myndi endanlega ráðast í dag. Aðspurður hvort
slíkur ráðherrafundur þýddi ekki að komið væri
mjög nálægt samkomulagi, sagði utanríkisráð-
herra:
„Ef slíkur fundur verður haldinn er það auðvit-
að úrslitatilraun á ögurstundu til að reyna að ná
samningum. Hvort það tekst get ég að sjálfsögðu
ekkert fullyrt um.“
Allir tilbúnir að slá af
Halldór segist lengi hafa verið í sambandi við
Bjorn Tore Godal, utanríkisráðherra Noregs, til
að reyna að stuðla að lausn málsins. „Ég hef
alltaf vonað að það væri hægt að ná saman í
málinu, því að ég tei að það sé mikið hagsmuna-
mál fyrir allar þessar þjóðir, ekki sízt okkur íslend-
inga,“ segir Halldór.
Aðspurður hvort hann teldi að öll fjögur löndin
væru tilbúin að slá af kröfum sínum til að ná
samkomulagi, sagði Halldór: „Ég á von á að all-
ir vilji slá eitthvað af. Hvort það er nægilegt er
annað mál.“
Forsætisráðherra á fundi með forystu ESB og EFTA-ríkja
Reglulegt pólitískt
samráð á æðstu stigum
FORYSTUMENN ESB og EFTA-
ríkjanna innan Evrópska efnahags-
svæðisins ákváðu að hittast reglu-
lega til að hafa pólitískt samráð um
EES. Jafnframt yrði þess gætt að
EFTA-ríkin sem eiga aðild að EES
ættu fulla möguleika á því að fylgj-
ast með og hafa áhrif á mótun reglna
sem hefðu áhrif á starfsemi á svæð-
inu öllu. Davíð Oddsson forsætisráð-
herra telur að fundurinn hafí verið
til þess fallinn að styrkja samstarf
ESB og EFTA-ríkjanna.
Fyrri dagur leiðtogafundar Eystra-
saltsráðsins var í Visby á Gotlandi í
gær. Þar var einnig haldinn umrædd-
ur fundur EFTA-ríkjanna þriggja og
forystu Evrópusambandsins.
Leiðtogafund Eystrasaltsráðsins
sitja forsætisráðherrar allra Norður-
landanna og Eystrasaltsríkjanna,
forsætisráðherra Rússlands, kanslari
Þýskalands, forseti Evrópusam-
bandsins og forseti framkvæmda-
stjómar ESB.
Uppbygging Eystrasaltssvæðis
Að sögn Davíðs var á fundinum
rætt um uppbyggingu á Eystrasalts-
svæðinu og samstarf á sviði mennta-
og menningarmála. Frekar óvænt var
ákveðið að hefja nánari samvinnu í
vömum gegn glæpum. „Var ákveðið
að sérstakir fulltrúar forsætisráðherr-
anna á svæðinu myndu koma saman
í þessum mánuði og vinna að sameigin-
legri aðgerðaráætlun gegn glæpa-
starfsemi sem liggur eins og mara hér
á þessu svæði eftir þær breytingar sem
orðið hafa í Evrópu,“ segir Davíð.
í gærkvöldi hittust ráðherramir
síðan einir og ræddu málin.
í EES-samningnum er yfírlýsing
um pólitísk skoðanaskipti milli samn-
ingsaðila og var fundur forsætisráð-
herra Noregs og íslands og utanríkis-
ráðherra Liechtenstein með Lam-
berto Dini, forsætisráðherra Ítalíu
sem nú er forseti Evrópusambands-
ins, og Jaeques Santer, forseta fram-
kvæmdastjórnar ESB, fýrsti fundur
aðila um málið.
„Það var sameiginleg niðurstaða
okkar að engan bilbug væri að fínna
á samstarfínu innan EES og engin
ástæða til að ætla að það muni ekki
virka. Þessir forystumenn lýstu því
yfir að þeir myndu gera sitt til að
það gengi fram eins og ákveðið var
í upphafí. Ég tel að þessi fundur sé
mikilvægur og gott að samstarf á
æðri stigum hafí komist á,“ segir
Davíð Oddsson.
Dagvist barna gerir tillögu að nýrri gjaldskrá fyrir leikskóla
Allt að 10-12% hækkun
Tillaga um breyfingar á gjöldum fyrir 'if\ vistun hjá Dagvist Reykjavíkurborgar M
Grunngjald 1.900 kr. á klukkustundina NUVtKANUI 1ILLMUH Ulll ALMENNT GJALD gjaldámán. gjaldámán.
4 tímar + hressing 6.900 7.600
Hressing innífalin í grunngjaldinu Matarverð reiknast 2.600 á mánuði 5 tímar + hressing 8.400 9.500 5 tímar + hresstng + matur 11.000 12.100 6 tímar + hressing + matur 12.300 14.000 Heilsdagsgjald 19.600 18.750 FORGANGSHQPUR
4 tímar + hressing 6-000 6.700
GÆSLULEIKVELLIR: 5 tímar + hressing 6.600 7.400
Gjald fyrlr 6 tímar + hressing + matur 7.100 8.000 Heilsdagsgjald 8.600/9.500 9.500
hvert skipti mun verðalOO kr., en ef keypt er 10 miða kort verður veittur 40% afsiðttur NÁMSMENN
4 tímar + hressing 6.000 6.800 5 tímar + hressing 7.000 8.000 6 tímar + hressing + matur 8.600 9.700 Heilsdagsgjald 12.000/14.400 13.500
ÖNNUR dagvistargjöld en heils-
dagsgjöld hækka um 10-12% sam-
kvæmt tillögu stjómar Dagvistar
barna að nýrri gjaldskrá fyrir leik-
skóla Reykjavíkurborgar. Tillagan
verður tekin fyrir í borgarráði nk.
þriðjudag.
Með því að gera aðeins ráð fyrir
4 'A og 6 tíma vistun og heilsdags-
vistun og láta hálftíma falla niður
er gjaldskráin einfölduð. Breytingin
nær hins vegar aðeins til nývistana
og fellur hálftímavistunin því ekki
niður hjá öðrum. Nefna má að tillag-
an gerir ráð fyrir að fjögurra tíma
vistun og hressing hækki úr 6.900
kr. í 7.600 kr. og sex tíma vistun,
hressing og matur hækki úr 12.300
kr. í 14.000 kr.
Fyrir börn forgangshópa hækkar
fjögurra tíma vistun og hressing úr
6.000 kr. í 6.700 kr. og sex tíma
vislun, hressing og matur úr 7.100
kr. í 8.000 kr. Fyrir börn náms-
manna hækkar fjögurra tíma vistun
og hressing úr 6.000 kr. í 6.800 kr.
og sex tíma vistun, hressing og
matur úr 8.600 kr. í 9.700 kr.
Tillagan gerir ráð fyrir að grunn-
gjald fyrir vistun sé 1.900 kr. fyrir
klst. og hressing innifalin í því.
Matur verði áfram 2.600 kr. Við
þessa breytingu lækkar heilsdags-
gjald vegna barna utan forgangs-
hópa úr 19.600 kr. í 18.750 kr.
Heilsdagsgjöld fyrir börn forgangs-
hópa eru 8.600 kr./9.500 kr. og
verða 9.500 kr. og heilsdagsgjöld
fyrir börn námsmanna eru 12.000
kr./14.400 kr. og verða 13.500 kr.
Til þess að koma til móts við ósk-
ir foreldra var ákveðið að taka upp
systkinaafslátt og reiknast hann af
6 stunda vistun og heilsdagsvistun
og verður 25% með öðru systkini og
50% með því þriðja. Tillagan felur í
sér u.þ.b. 3.800.000 kr. hækkun á
mánuði eða um 7% meðaltalshækkun
þegar systkinaafsláttur er reiknaður
inni.
Breytt gjald á gæslu-
völlum borgarinnar
Einnig var ákveðið að breyta
gjaldi á gæsluleikvöllum borgarinnar
en gjaldið hefur ekki breyst í 10 ár.
Hvert einstakt skipti kostar sam-
kvæmt tillögunni 100 kr. en veittur
verður 40% afsláttur ef keypt er
kort og kostar 25 miða kort 1.500 kr.
Miðað er við að breyting á gjald-
skrá taki gildi 1. júlí nk. Gjaldskrá
fyrir leikskóla hefur ekki hækkað
frá 1991 ef frá er talið heilsdags-
gjald, 19.600 kr., sem tekið var upp
í ársbyijun 1995, í framhaldi af
þeirri ákvörðun að giftir einstakling-
ar gætu fengið heilsdagsvistun fyrir
börn sín. Stjórn Dagvistar barna
hefur ákveðið að gjaldskráin verði
endurskoðuð árlega í samræmi við
hækkanir á rekstrarkostnaði leik-
skóla.
Síld á Eskifirði
og Þórshöfn
SÍLD var í gær landað úr fær-
eyskum skipum á Þórshöfn og
Eskifírði, þar sem myndin var
tekin í gærmorgun. Síldin fór öll
í bræðslu. Veiðar íslenskra skipa
mega hefjast í Síldarsmugunni
10. maí nk. Bjartsýni ríkir um
síldarvertíðina og þykir árferðið
í sjónum benda til að búast megi
við líflegum göngum úr norsk-
íslenska sildarstofninum.
■ Viðamiklar rannsóknir/20
------»-♦ ♦----
*
KA samþykkir
sameiningu
AÐALFUNDUR Kaupfélags Ár-
nesinga (KA) samþykkti í gær sam-
einingu KA og Kaupfélags Rangæ-
inga. Sameiningin var einnig sam-
þykkt á aðalfundi KR í fyrradag.
í fyrra varð 29 milljóna króna
tap á rekstri KA, segir í frétt frá
fyrirtækinu. I máli Þorsteins Páls-
sonar, framkvæmdastjóra, kom
fram að lögð yrði megináhersla á
að reksturinn skilaði hagnaði í ár.
Mikil tekjuaukning varð í fyrra
þegar tekjur urðu 2,4 milljarðar
miðað við 1,9 milljarða tekjur af
sambærilegum rekstri 1994. Heild-
arskuldir KA eru 1,2 milljarðar.