Morgunblaðið - 04.05.1996, Blaðsíða 47

MORGUNBLAÐIÐ
LAUGARDAGUR 4. MAÍ1996 47
Bandarískur
gestakennari
hjá Jógastöð-
inni Heims-
ljósi
SANDRA SCHERER eða Day-
ashkti, kemur til landsins 8. maí í
boði Jógastöðvarinnar Heimsljóss.
Hún er mörgum íslendingum að
góðu kunn, en þetta er fimmta
heimsókn hennar hingað til lands í
boði Jógastöðvarinnar.
í frétttatilkynningu segir: „Day-
ashkti er einn af reyndustu kennur-
um sem starfað hafa á Kripalújóga-
miðstöðinni í Massachusettes í
Bandaríkjunum og hún hefur tekið
þátt í að þróa helstu sjálfseflingar-
aðferðirnar og námskeiðin þar. Sjálf
I hefur hún m.a. leitt námskeið og
tækni sem tekst á við tilfinningar
og nefnist „Wave Work“ eða öldu-
vinna. Hún byggir á þeirri kenningu
að tilfinningar sem ekki fá eðlilega
útrás setjist að í líkamanum og
h'aldi áfram að banka upp á þar til
við gerum eitthvað í því. I stað
þess. að forðast þessar tilfinningar
I með ýmsum flóttaaðferðum, öndum
j við okkur í gegnum þær og leyfum
okkur að upplifa þær til fulls.“
í þessari heimsókn mun Day-
ashkti halda helgarnámskeið í öldu-
vinnu helgina 10.-12. maí nk. Verð
helgarnámskeiðsins er 11.800 kr.
Nánari upplýsingar eru veittar hjá
Jógastöðinni Heimsljósi á símatíma
kl. 17-19 alla virka daga.
Heilsudagur í
Kringlunni
HEILSUDAGUR verður í Kringl-
unni í dag, laugardaginn 4. maí,
með yfirskriftinni: Hver er sinnar
gæfu smiður. Hugaðu að heilsunni.
Ymis félög verða með kynningar á
starfsemi sinni, s.s. Félag íslenskra
hjúkrunarfræðinga, íþróttir fyrir
alla, Tannverndarráð, Vímulaus
æska og Reykjavíkurmaraþon. Boð-
ið er upp á fræðslu og ráðgjöf varð-
andi heilsusamlegt líferni og fólki
gefst kostur á blóðþrýstings- og
kólesterolmæiingum.
Keppt verður um titilinn Sterk-
asta kona íslands í Laugardalshöll-
inni á morgun, sunnudag. í dag fer
hluti keppninnar fram í Kringlunni.
Atta keppendur taka þátt í keppn-
inni og keppa þær í hleðslugrein
fyrir framan Hagkaup á 2. hæð kl.
14 í dag. Andrés Guðmundsson,
yfirdómari keppninnar, og fleiri
kraftajötnar kynna keppnina, blása
upp hitapoka og verða með ýmsar
aðrar uppákomur í Kringlunni í dag
í tengslum við keppnina.
Norrænir sál-
fræðingar
funda
Á VEGUM Sálfræðingafélags ís-
lands verður haldinn í Reykjavík
helgina 3.-5. maí vinnufundur
stjórna sálfræðingafélaganna á
Norðurlöndunum. Fundir sem þessi
eru haldnir tvisvar á ári til skiptis
á Norðurlöndunum.
Markmið fundanna er m.a. að
stuðla að samvinnu norrænna sál-
fræðinga og að efla tengsl þeirra
og fagleg samstarf. Markmið þeirra
er einnig að vinna að stefnumótun
félaganna í evrópsku samstarfí sál-
fræðingafélaga en norrænu sál-
fræðingafélögin skipa stóran sess í
því.
Efni fundarins að þessu sinni er
endurskoðun á samnorrænum siða-
reglum sálfræðinga, umræða um
stöðlun sálfræðilegra prófa á Norð-
urlöndunum og skipulag samnor-
rænnar ráðstefnu sem verður í
Stokkhólmi næsta haust og ber yfír-
skriftina: Áföll og áfallahjálp.
FRÉTTIR
•«

«*

c\ m
Morgunblaðið/Sigrún Sveinbjörnsdóttir
KARLAKÓRINN Jökull frá Hornafirði.
Tónleikar Jökuls frá Hornafirði
Hornafirði. Morgunblaðið.
Karlakórinn Jökull frá Horna-
firði er nú á söngferðalagi og
heldur tvenna tónleika á höfuð-
borgarsvæðinu um helgina. Fyrri
tónleikarnir voru í Hveragerðis-
kirkju í gærkvöldi og í dag laug-
ardag verður kórinn með tón-
leika í Digraneskirkju í Kópavogi
klukkan fjögur síðdegis.
Á efnisskrá er blandað efni.
Einsöngvarar með kónum eru
fjórir, Friðrik Snorrason, Sig-
urður Kr. Sigurðsson, Sigurður
Hannesson og Erlingur Arason.
Stjórnandi kórsins er Jóhann
Morávek og undirleikari er Guð-
laug Hestnes.
Námskeið í
notkun áttavita
BJÖRGUNARSKÓLI Landsbjargar
og Slysavarpafélags íslands og
Ferðafélag íslands standa fyrir
námskeiði fyrir almenning um notk-
un áttavita og landakorta. Nám-
skeiðið fer fram dagana 7. og 9.
maí og hefst kl. 19.30 báða dag-
ana. Námið er bæði bóklegt og
verklegt. Þetta námskeið er það
þriðja í röðinni en hin tvö voru al-
veg fullbókuð.
Kennari verður Stefán Bragi
Bjarnason. Námskeiðið veður haldið
í húsnæði Ferðafélagsins, Mörkinni
6 og er öllum opið. Þátttökugjald
er 1800 kr. og er fræðslurit um
notkun áttavita innifalið í þátttöku-
gjaldinu. Þar sem ekki komust allir
á síðasta námskeið er æskilegt að
menn skrái sig á skrifstofu Ferðafé-
lagsins eða hjá Björgunarskólanum.
Kaffisala í Fær-
eyska sjómanna-
heimilinu
HIN árlega kaffisala í Færeyska
sjómannaheimilinu, Brautarholti
29, verður haldin sunnudaginn 5.
maí kl. 15-18.
Eins og venjulega verður veglegt
hlaðborð með tertum og brauði
ásamt skerpikjöti og drýl en drýl
er færeyskt brauð. Einnig verður
basarhorn.
Opið hús í
Tjarnarskóla
OPIÐ hús verður í Tjarnarskóla
laugardaginn 4. maí kl. 13-17.
Tjarnarskóli er grunnskóli
fyrir nemendur í 8., 9. og 10.
bekk og skólinn er staðsettur við
hliðina á Iðnó í hjarta höfuðborg-
arinnar. Opna húsið er hugsað
fyrir alla sem langar að kynna
sér starfsemi skólans og sjá með
eigin augum hvernig skólastarfið
rúmast í þessu gamla og fallega
húsi. Starfsmenn skólans og nú-
verandi nemendur hans munu
taka á móti gestum og veita upp-
lýsingar um skólann. Jafnframt
verða nokkur sýnishorn af vinnu
nemenda.
Allir eru velkomnir á opna
húsið í Tjarnarskóla og verður
heitt kaffi á könnunni fyrir þá
fullorðnu en ávaxtasafi bíður
ungra gesta.
Boðið upp á
ókeypis yfirferð
Hasselblad-
tækja
DAGANA 6. til 8. maí, mánudag
til miðvikudags, verður sérfræðing-
ur frá sænska myndavélaframleið-
andanum Hasselblad, Hákan
Steinback, á verkstæði BECO á
Barónsstíg 18. Eigendum Hassel-
blad er boðið að koma og þiggja
yfirferð á öllum tækjabúnaði sér
að kostnaðarlausu, segir í frétt frá
fyrirtækinu, en eru vinsamlega
beðnir að hringja í BECO og panta
tíma. Þetta er í fjórða skipti sem
maður frá Hasselblad kemur til
landsins í þessum tilgangi, en um
er að ræða reglubundið eftirlit.
Fuglaskoðun í
Grafarvogi
FUGLASKOÐUN verður í Grafar-
vogi sunnudaginn 5. maí kl. 13.30.
Hist verður við Grafarvogskirkju
og leiran skoðuð. E.t.v. verður
gengið kringum eða meðfram vog-
inum. Stórstreymt er deginum áður
og leira því með stærsta móti.
Fuglaskoðarar með fjarsjár verða
til leiðsagnar.
Á þessum tíma er fuglalíf í Graf-
arvogi hvað fjölbreyttast. Þar má
búast við á þriðja hundrað jaðrakön-
um ásamt fjölmörgum öðrum vað-
fuglum, öndum og mávum. Grafar-
vogsleiran er ein lífríkasta leiran á
Innnesjum og er hún friðuð af borg-
aryfirvöldum.
Jóki trúður á
Loftleiðum
FJÖLSKYLDUDAGUR var haldinn
á Hótel Loftleiðum 1. maí en um
þetta leyti eru 30 ár liðin^ frá því
er hótelið var fyrst opnað. Ýmislegt
hefur verið gert á hótelinu til há-
tíðabrigða og í kvöld eru síðustu
atriði afmælishátíðarinnar. Jóki
trúður skemmti börnunum á hátíð-
isdegi verkalýðsins og þótti ungu
kynslóðinni hann bæði athygliverð-
ur og skemmtilegur eins og myndin
ber með sér.
■ FÁTÆKRAGILDRAN - sér-
sniðin fyrir konur er yfirskrift
opins fundar sem alþýðubanda-
lagskonur standa fyrir á Korn-
hlöðuloftinu laugardagsmorgunin
4. maí kl. 11. „Að vera ómenntuð,
einstæð móðir, fátæk, atvinnulaus
eða í svo illa borgaðri vinnu að hún
má alveg fara til fjandans þess
vegna, er þetta veruleiki sívaxandi
hóps kvenna á íslandi í dag? Og
ef svo er, hvernig losna þær úr
gildrunni?“ Þetta er efni gestafyrir-
lestrar sem Lára Björnsdóttir, fé-
lagsmálastjóri Reykjavíkurborgar,
heldur á fundinum sem er öllum
opinn. Á eftir fyrirlestrinum eru
almennar umræður.
■ SÖNGVASKÁLDIÐ Hörður
Torfa verður með tónleika í
Kvennó, Grindavík, nk. laugar-
dagskvöld kl. 21 og þar mun hann
flytja ljóð sín og lög, bæði gömul
og ný. Um þessar mundir er hann
að hljóðrita nýtt efni sem mun koma
út í sumar og er aðaluppistaða á
þessum tónleikum hans.
■ ÁSTÞÓR Magnússon, stofn-
andi Friðar 2000, mun kynna átak-
ið Virkjum Bessastaði almenningi
á opnum félagsfundum sem hér
segir: Hótel Borg, Reykjavík,
sunnudag 5. maí kl. 16, Deiglan,
Akureyri, mánudag 6. maí kl.
20.30, Sjallinn ísafirði, þriðjudag
7. maí kl. 20.30, Félagslundur,
Reyðarfirði, miðvikudag 8. maí kl.
20.30 og Hótel Bræðraborg, Vest-
mannaeyjum, fimmtudag 9. maí
kl. 20.30. Boðið verður upp á kaffi-
veitingar og eru allir velkomnir.
Opið hús í
Völvuborg
BÖRN og starfsfólk í leikskólanum
Völvuborg, Völvufelli 7, verða með
opið hús laugardaginn 4. maí kl.
13-15.
Á opna húsinu verða m.a. til sýn-
is myndverk barnanna sem þau
hafa unnið í vetur. Allir velkomnir.
■ KUMPÁNARNIR Karíus og
Baktus koma í dag kl. 14 í Ævin-
týra-Kringluna. Leikritið er eftir
Thorbjörn Egne/ en það eru leikar-
anir Elva Ósk Ólafsdóttir og Stef-
án Jónsson sem leika tanndverg-
ana. Leikritið tekur um 30 mínútur
í flutningi. Miðaverð er 500 kr. og
er barnagæsla innifalin. Ævintýra-
Kringlan er á 3. hæð í Kringlunni
og er opin alla virka daga frá kl.
14 til 18.30 og laugardaga frá’kl.
10-16.
Ferming á
sunnudag
FERMING í Skarðskirkju kl.
14. Prestur sr. Halldóra J.
Þorvarðardóttir. Fermd verða:
Baldvin Ósmann Brynjólfsson,
Laugum, Landi.
Kristín Birna Bragadóttir,
Vindási, Landi.
Þorvarður Kjerúlf Siguijónsson,
Fellsmúla, Landi.
Þórunn Guðlaugsdóttir,
Lækjarbotnum, Landi.
Dýrasta leik-
tæki landsins
vígt
HALDIN verður fjölskylduhátíð
framan við Sundlaugarnar í Laug-
ardal laugardaginn 4. maí kl. 14 í
tilefni opnunar leiktækis sem hlotið
hefur íslenska heitið Hermirinn og
er ætlað fyrir alla aldurshópa.
Hermirinn, sem er í eigu ís-
lenskra aðila, er dýrasta leiktæki
sem flutt hefur verið til landsins,
kostar um 25 milljónir króna og er
framleiddur af frönsku Thompson-
verksmiðjunum sem er meðal elstu
og helstu framleiðenda flugherma
í heiminum. Hermirinn byggir á
sömu tækni og notuð er í flugherm-
um, myndskjá, hljóði og hreyfingu.
Gunnlaugur Helgason kynnir
skemmtidagskrá sem á að höfða til
allrar fjölskyldunnar. Skemmtidag-
skráin samanstendur af framkomu
stúlknanna úr Fegurðarsamkeppni
Islands, hljóðfæraslætti Snigla-
bandsins og gríni Arnar Árnasonar.
Gestum verður boðið upp á hress-
ingu. Dagskrárgerðarfólk Bylgj-
unnar sendir út þáttinn Helgarflétt-
una frá staðnum og lýsir því sem
fyrir augu og eyru ber fyrir þeim
sem heima sitja.
Aðgangur að fjölskylduhátíðinni
er ókeypis.
Opið hús í
leikskóium
LEIKSKÓLARNIR Suðurborg,
Hólaborg og Hraunborg verða með
opið hús laugardaginn 4. maí kl.
11-13, nema Hólaborg frá kl. 10.
Þar gefst fólki tækifæri á að líta
leikskólana og það sem börnin hafa
verið að gera í vetur og er fólk
hvatt til að mæta.
Síðdegisboð Hollvinasam-
taka Háskóla Islands
HOLLVINASAMTÖK Háskóla íslands efna til síð-
degisboðs í Odda sunnudaginn 5. maí kl. 16-18.
Allir velunnarar skólans eru velkomnir.
Dagskráin verður þessi: Ávarp flytja Sigmundur
Guðbjarnarson, formaður undirbúningsstjórnar Holl-
vinasamtakanna og Sveinbjörn Björnsson, rektor
Háskóla ísladns, Símon H. ívarsson, gítarleikari,
leikur suður-ameríska tónlist, Sigríður Stefánsdóttir,
framkvæmdastjóri Hollvinasamtakanna, verður með
kynningu og tríóið Skárren ekkert leikur í upphafí
samkomunnar en tríóið skipa: Eiríkur Þorleifsson,
kontrabassi, Frank Hall, gítar, og Guðmundur Stein-
grímsson, harmonika.
Markmið Hollvinasamtaka Háskóla íslands er að
auka tengsl Háskóla íslands við fyrrum nemendur
sína og aðra þá sem bera hag skólans fyrir bijósti.
Helsta verkefnið nú í upphafi er að kynna þá víð-
tæku starfsemi sem fram fer í Háskólanum og á
hans vegum sem flestum. Þannig er stuðlað að því
að veita straumum í báðar áttir frá Háskólanum út
í þjóðfélagið og frá þjóðlífinu til Háskólans.
Þeir sem gerast hollvinir Háskóla íslands fá gegn
vægu gjaldi margháttaðar upplýsingar, tilboð og
aðgang að fjölbreyttri starfsemi háskólasamfélags-
ins. Hollvinum gefst einnig færi á að tengjást einstök-
um deildum, námsbrautum, skorum eða stofnunum
innan vébanda Háskólans.
Á næstunni verður dreift fréttabréfi Hollvinasam-
takanna í 40.000 eintökum. Fréttabréfið er unnið í
samvinnu við Happdrætti Háskóla íslands.
Skrifstofa Hollvinasamtaka Háskóla íslands er í
Stúdentaheimilinu við Hringbraut.