Skírnir - 01.01.1894, Blaðsíða 47
Landar vorir fyrir vestan haf.
47
(Hvað er sannleikur?). Báðir þeir fyrirlestrar voru síðan prentaðir í
Aldamótunum (4. árg.). Almennar umræður voru og haldnar í sambandi
við kirkjuþingið. Umræðuefnið var: Hver afskipti eiga Austur-íslending-
ar og Vestur íslendingar að hafa hvorir af annara málum?
Tímarit og blöð Vestur-íslendinga komu út öll hin sömu þetta ár og
að undanförnu. Á ritstjórn Heimskringlu varð sú breyting, að Jón Ólafs-
son hætti, en Bggert Jóhannsson tók við í stað hans. J. Ó. flutti síðan
alfarinn til Chicago og komst þar í ritstjórn á norsku blaði, er Norden
heitir, og byrjaði auk þess að gefa út fræðirit á dönsku (I ledige Timer).
Hátíð héldu íslendingar í Winnipeg 2. ágúst að vanda; fór húu fram
líkt og sú, er getið var i riti þessu í fyrra. íþróttir voru sýndar: hlaup,
stökk, kappakstur, kappreiðir og glímur, og veitt verðlaun þeim, er reyud-
ust fimastir. Þar voru og fluttar ræður og kvæði.
1 Nýja-íslandi kom upp drepsótt um haustið; virtist hún kólerukynj-
uð og varð nokkrum íslendingum þar að bana. Allmargir létust og af slys-
förum, þótt þeirra verði ekki sérstaklega getið. Af látnum íslendingum
vestra er einna nafnkunnastan að telja Sigurð Jónassen, cand. phil. (d. 6.
okt. nær fimmtugu). Hann var sonur Þórðar háyfirdómara, og útskrifað-
ur utanskóia 1865. Hann lagði fyrir sig guðfræði við háskólann en tók
ekki embættispróf. Hann var mjög vel að sér í tungumálum og maður
vel gefinn.