Dagblaðið Vísir - DV - 30.03.1983, Blaðsíða 13
DV. MIÐVDCUDAGUR 30. MARS1983.
13
rer
mna
iikstjórinn,
ílsson
Mikil gróska ríkir nú í íslenskri kvik-
myndagerö og er það vel. Næsti meiri-
háttar atburður á þeim vettvangi mun
eiga sér stað um páskana. Ný íslensk
kvikmynd, Á hjara veraldar, verður
frumsýnd laugardaginn 2. apríl.
Kristín Jóhannesdóttir er höfundur
handrits og leikstjóri myndarinnar.
Um árabil hefur hún stundað kvik-
myndanám í Frakklandi; við kvik-
myndafræðideild P. Valéry-háskóla,
Vincennes-háskóla og leikstjómarskól-
ann Conservatoire du Cinema
Francais (C.C.F.). Nam hún kvik-
myndafræði, kvikmyndagerð og leik-
stjóm.
Okkur bámst þær fregnir til eyma
að ekki hefði verið farið fram úr fjár-
hagsáætlun við gerð Á hjara veraldar.
I verðbólguþjóðfélagi okkar — og með
hliðsjón af hinu gagnstæða við fram-
leiðslu ýmiss annars íslensks kvik-
myndaefnis — er það eitt nokkuð frétt-
næmt.
Kristín er erlendis um þessar
mundir en eiginmaður hennar og
aðstoðarleikstjóri við gerð myndarinn-
ar, Sigurður Pálsson, sagði okkur
dálítiö um hinar „praktísku” hliðar
framtaksins. Þess skal getið aö Sig-
urður hefur einnig verið ámm saman
við nám í Frakklandi; við leikhús-
fræðideild Sorbonne-háskóla og síðan
viðC.C.F.
„Áætlaður heildarkostnaður við gerð
þessarar myndar nam tæpum fjóram
milljónum króna,” sagðiSigurður, „og
tókst aö ljúka verkinu vel innan þess
ramma. Við gerðum f járhagsáætlun í
október ’81, því að verkefni eins og
þetta eiga sér að sjálfsögðu langan
aðdraganda, og sú áætlun var engin
ágiskun. Hún var unnin vandlega og
hefur staðist fullkomlega.
Myndin er fjármögnuð á þennan
venjulega hátt — svo til algjörlega
meö bankalánum. Og í sambandi við
fjárhagsáætlunina þá hefur þaö komið
sér afar vel að í kvikmyndaskólanum,
þar sem við voram bæði, í tækniskólan-
um C.C.F., þar er engum hleypt í gegn
nema hann kunni að gera kostnaðar-
áætlun. Þáttur í slíku er að taka mið af
verðbólgu í viökomandi landi og fram-
reikna tölurnar samkvæmt tímaáætl-
un.
Nýlega stofnað
stjömufyrírtæki
Á hjara veraldar er hug verk Kristín-
ar. Ég er aöeins aðstoöarleikstjóri
þessu sinni og síðan í framkvæmda-
stjóminni — hjá Völuspá. Það er ný-
lega stofnað fyrirtæki — nýlega stofh-
að stjörnufyrirtæki.” — Nú hló blaða-
maöur og vildi vita hvort þetta orða-
tiltæki bæri ekki vitni um mikla bjart-
sýni.
„Nei, nei, þetta er raunsæi,” svaraði
Sigurður ákveðnum rómi, „og byggist
á vilja til þess að leggja á sig mikla
vinnu. Á hjara veraldar er svokölluð
„low-budget” mynd, áætlun fyrir
slikar myndir er því innan við fjórar
milljónir króna. Til þess aö myndin
beri sig þurfum viö að fá svona fimm-
tíu þúsund áhorfendur. Hluti, sem
undir öðrum kringumstæðum kosta
þrisvar sinnum meira, þurfum viö sem
sé að gera'fyrir þriðjung af venjuleg-
um kostnaði. Það aftur kostar óhemju
vinnu í skipulagningu, óhemju út-
sjónarsemi — og afskaplega mikla vel-
vild margra aðila.
Myndin er algjörlega tekin á íslandi;
í Reykjavík, norður í öxnadal, austur
við Skaftárós og síðan við Svartsengi.
Þar lauk tökum á Þorláksmessu,
klukkan sjö um kvöldið. Nóttina áður
höfðum við verið veðurteppt þama í
svona á að giska fjórtán vindstigum og
gríöarlegri stórhríð. Og bílamir okkar
á kafi í snjó, þannig að við ætluðum
aldreiaðfinna þá.
Við hófum töku myndarinnar þann
10. ágúst ’82, og öll vinna þurfti að
ganga hratt. Það er nefnilega ekki
bara erfitt aö fá fjármagn núna heldur
dýrt. Við gerðum hlé á tökum í um það
bil tvo mánuði síðastliöiö haust. Það
var vegna efnis sem þurfti vetrarum-
hverfi og við urðum að bíða eftir snjó.
Annars höfum við unniö svo til sleitu-
laust. — I því sambandi skal ekki
gleyma ómetanlegri frammistöðu H.
Gestssonar sf.
Að þessari mynd unnu svo til ein-
göngu Islendingar og eins fáir og hægt
var að komast af með. Hver og einn
varð að nýtast á borð við einn og hálfan
í sínu verki. Við vorum svona fimmtán
manna lið og vandlega valið í hvert
pláss, eins og sagt er.
„Ljóðafylgjunni
heféghtid
getað sinnt"
Aðalhlutverkin leika þau Þóra
Friöriksdóttir, Helga Jónsdóttir og
Arnar Jónsson. Minni hlutverk eru um
það bil tólf og síðan er þarna fjöldi
aukahlutverka. Ég vil einnig geta þess
að í myndinni syngja Kristján
Jóhannsson, Siegelinde Kahmann,
Olöf Kolbrún Harðardóttir, Engel
Lund, Sigríður Ella Magnúsdóttir og
Garðar Cortes.
Alt sem hægt er að vinna á tslandi er
unnið hér. Hluti tæknilegu þáttanna er
þó unninn í Kaupmannahöfn og hljóð-
blöndunin í London.
Og nú veröur myndin framsýnd
laugardaginn fyrir páska í Austur-
bæjarbíói. Austurbæjarbjíó er fallegt
bíó og þar er nýbúið að skipta um
hljóðkerfi. Auk þess hafa þeir sett upp
nýtt tjald. Þar eru öll skilyrði hin
ákjósanlegustu.
Hvað nám okkar beggja varðar þá er
því formlega lokið, að því frátöldu að
við eigum bæði eftir að ganga frá
doktorsritgerö — til þess hefur ekki
verið neinn timi — en á kvikmynda-
sviðinu, svo sem í öllu öðra, er maöur
allaævinaaðlæra.
Sjálfur er ég síðan með eitthvað í bí-
gerð en ekkert sem ég gef upp Eg er nú
í leikritun í bili. Það er leikrit sem
Nemendaleikhúsið er byrjað aö æfa og
ég er nú að ganga endanlega frá. Þaö
verður sýnt í maí — og það verður
framhald á leikritunarstarfseminni í
bili.
Ljóðafylgjunni hef ég lítið getað
sinnt vegna tímaskorts. Eg var þó með
ljóðabók núna fyrir jólin — og eitthvað
er byrjað að seytla aftur. Ég hef ekkert
getað unnið að því neitt samfellt. Mér
finnst þó ágætt að vinna mikið og helst
vera með alla vega tvennt í gangi, ef
þaðbaraerólíkt.
Nú biöum við þess, allur hópurinn,
hvemig viðtökur myndin hlýtur. I
henni er mjög mikil spenna.”
-FG.
NÝTT
BETRA BRAGÐ
HOLLARI MATUR
ódýr:
r leikur
ner.meó
■^élinni.
Lu, þú
Vel á minnst, heíur þú
hugsað fyrir fermingar-
gjöfinni?
Kodak Diskur 4000 ... 1.300 kr.
Kodak Diskur 6000 ... 1.900 kr.
Kodak Diskur 8000 .,. 2.900 kr.
HANS PETERSEN HF
BANKASTRÆTI GLÆSIBÆ AUSTURVERI UMBOÐSMENN UM IAND ALLT