Dagur - 29.06.1996, Blaðsíða 4
4 - DAGUR - Laugardagur 29. júní 1996
ÚTGEFANDI: DAGSPRENT HF.
SKRIFSTOFUR: STRANDGATA 31, PÓSTHÓLF 60, AKUREYRI,
SÍMI: 462 4222
SÍMFAX: 462 7639 • SÍMFAX AUGLÝSINGADEILDAR: 462 2087
ÁSKRIFT M, VSK. KR. 1600 Á MÁNUÐI • LAUSASÖLUVERÐ M. VSK. KR. 150
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
AÐRIR BLAÐAMENN: AUÐUR INGÓLFSDÓTTIR, GEIR A. GUÐSTEINSSON,
HALLDÓR ARINBJARNARSON, SIGURÐUR BOGI SÆVARSSON,
FROSTI EIÐSSON (Iþróttir), BLAÐAM. HÚSAVÍK-GUÐRÚN K. JÓHANNSDÓTTIR
SÍMI Á SKRIFSTOFU 464 1585, FAX 464 2285. HEIMAS. BLM. Á HÚSAVÍK 464 3521
LJÓSMYNDARI: BJÖRN GÍSLASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI: HAFDÍS FREYJA RÖGNVALDSDÓTTIR, HEIMASÍMI 462 5165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
Á kjördegi
I dag verður skrifaður nýr kafli í sögu íslenska lýðveldisins
þegar landsmenn ganga að kjörborði og velja sér nýjan for-
seta, þann fimmta í röðinni. Jafnframt eru með kosningu
nýs forseta mörkuð lok á sextán ára farsælli setu frú Vigdís-
ar Finnbogadóttur í embætti forseta íslands, sem ekki þarf
að fara í grafgötur með að hefur notið trausts þjóðar sinnar
og hylli á þessum sextán árum, ekkert síður en hinir þrír
fyrri sem á undan henni sátu. Með kosningu hennar var líka
skrifaður stór kafli í heimssögunni, þar sem hún var fyrsta
konan sem kosin var til forsetaembættis.
Embætti forseta íslands hefur eðlilega tekið ýmsum
breytingum í áranna rás og þeir einstaklingar sem setið
hafa í embættinu gætt það persónulegum blæ. Sem betur fer
hefur þó verið þegjandi samkomulag meðal þegnanna um
að embættinu sé haldið utan við dægurþras stjórnmálanna
og með því hefur þjóðhöfðinginn staðið sem sameiningar-
tákn þjóðarinnar. í kosningum til forseta íslands hefur oft
verið tekist harkalega á en þjóðinni hefur auðnast að þjappa
sér að baki lýðræðislega kjörnum forseta sínum að loknum
kosningum og sýna á þann hátt sinn vilja til að eiga forset-
ann að sameiningartákni. Á þetta hafa allir frambjóðendur
nú lagt áherslu.
Umræða um forsetakosningar að þessu sinni hófst strax
og frú Vigdís Finnbogadóttir tilkynnti að hún gæfi ekki kost
á sér til endurkjörs. Þessarar baráttu verður ekki síst minnst
fyrir það að á lokaspretti baráttunnar dró einn frambjóðandi
sig út úr slagnum en slíkt hafði aldrei áður gerst í forseta-
kosningum. Þjóðfélagið hefur einnig tekið gífurlegum breyt-
ingum síðan í kosningunum árið 1980, sér í lagi með breyttri
fjölmiðlun sem gerir að verkum að kynning frambjóðenda og
stefnumála hefur í mun ríkara mæh færst inn á þann vett-
vang. Skoðanakannanir hafa einnig verið áberandi í þessari
kosningabaráttu og að baki kosningunum mun eflaust verða
umræða um þær og hvort ástæða sé til að setja reglur um
birtingu kannana fyrir kosningar.
Það sem uppúr stendur eftir kosningarnar er þó umræðan
um hlutverk forseta íslands og stöðu hans í stjórnskipan-
inni. Kjörinn forseti hlýtur að skapa sér sína sérstöðu og
fylgja eftir sínum baráttumálum sem rammi embættisins
leyfir honum. Mikilvægast er að forsetinn nái að verða vak-
andi með þjóð sinni á heimavelli og samhljómur radda ís-
lendinga á alþjóðavettvangi. Til þeirra verka hlýtur þjóðin
að kjósa sér fulltrúa í dag.
í UPPÁHALDI
„Geri stundum
markvissar varaæfingar“
Pálmi Gestsson
leikari er í
uppáhaldi að
þessu sinni.
Pálmi er stadd-
ur á Akureyri á
vegum ÞjóÖleikhússins en
veriÖ er aö sýna verkiÖ
Taktu lagiÖ, Lóa í Sam-
komuhúsinu. Þar leikur
hann umhoðsmann þriðja
flokks skemmtikrafta. En
hvaö skyldi vera í uppá-
haldi hjá sjálfum skemmti-
kraftinum, Pálma Gests-
syni?
Hvaða matur er í mestu uppáhaldi
hjá þér?
„Sviðin eru best.“
Vppáhaldsdrykkur?
„Ef það fer eftir magni þá er það
kaffi.“
Hvaða heimilisstörffinnst þér
skemmtilegust og aftur leiðinlegust?
„Skemmtilegustu störfm eru að
borða en leiðinlegast er að fara út
meðruslið."
Stundar þú einhverja markvissa
hreyfingu eða líkamsrœkt?
Pálmi Gestsson.
„Ég geri stundum mjög mark-
vissar varaæfingar.“
Ert þú í einhverjum klúbbi eða fé-
lagasamtökum?
„Eg er í veiðifélaginu Roð og
fiður, sem eiginkonumar kalla
hvorki fugl né fiskur."
Hvaða blöð og tímarit kaupirþú?
„Sportveiðiblaðið.“
Hvaða bók er á náttborðinu hjá þér?
„Margar.“
/ hvaða stjömumerki ert þú?
„Ég er vigt.“
Hvaða tónlistarmaður er í mestu
uppáhaldi hjá þér?
„Það er Siggi Sigurjóns. Hann er
ekki góður tónlistarmaður en
hann er samt uppáhaldstónlistar-
maðurinn minn.“
Uppálialdsíþróttamaður?
„Randver Þorláksson. Ég held
liann hafi aldrei verið í íþrótt-
um.“
Hvað horfir þú mest á í sjónvarpi?
„Fréttir."
Á livaða stjórnmálamanni hefur þú
mest álit?
„Þeim sem ég hermi eftir hverju
sinni.“
Hver er að þínu mati fegursti staður
á íslandi?
„Bolungarvík. Ég verð að vera
samkvæmur sjálfum mér.“
Hefur þú ákveðið hvað þú gerir í
sumaifríinu?
Já.“
Hvar vildir þú helst búa efþú þyrftir
að flytja búferlum?
„f Bolungarvík.“
Hvernig vilt þú helst verja frístund-
um þínum?
„Með því að hvfia mig.“
Hvað œtlar þú að gera um helgina?
„Eins mikið og ég get gert hér á
Akureyri nema það slítur svolítið
sundur daginn að vera að sýna
þessar sýningar á Lóu.“
PÓSTKORT FRÁ ÞÝSKALANDI
HLYNUR HALLSSON
Þá er sá 17. löngu liðinn og dagurinn farinn að styttast aftur, líka hér í Neðra Saxlandi. Á þvílíkum tíma-
mótum er tilvalið að ræða um framtíðina og líta til baka yfir farinn veg. Annars snérust umræður í innsta
hring fjölskyldunnar um kosti og galla þess að ala upp börn í alþjóðlegu umhverfi (multi-kulti). Allt þetta
BLANDAST SVO SAMAN VIÐ
forsetakosningar í Rússlandi og uppá íslandi. En byrjum
bara á byrjuninni, sem er meöal íslenskra hesta. Viö
héldum uppá þjóöhátíðardaginn á grillinu í steikjandi
hita. Flest allir íslendingar [ Hannover og nágrenni voru
samankomnir viö hesthúsin. Okkar snáöi náttúrulega
ánægður að hitta sex hvolpa og álíka marga kettlinga
ásamt álíka mörgum krökkum á hans aldri. Krakkar tala
tvö tungumál án þess að hugsa sig um og stundum í
sömu setningunni allt eftir því sem hentar. (Þar er komið
eitt atriði sem oftast er talið til kosta við að alast upp í
útlöndum).
Borgarbörn sem sjaldan komast í snertingu við alvöru
náttúru og halda að Ijón eigi heima í dýragörðum og að
beljur séu fjólubláar eru auðvitað í sjöunda himni yfir
sveitinni og líka unglingarnir sem fá að fara á hestbak á
íslenskum dverghestum. Þetta með fjólubláu beljurnar
þarfnast kannski smá útskýringa. í könnun sem gerð
var í Bæjaralandi (aðrir þjóðverjar tala reyndar um
þann landshluta eins og talað er um Hafnarfjörð á ís-
landi) kom í Ijós að meira en helmingur skólabarna hélt
að kýrnar væru almennt fjólubláar. Þetta stafar nátt-
úrulega af því að krakkar sjá afar sjaldan alvöru kuss-
ur út í haga en því oftar sjá þau auglýsingatímana á
sjónvarpsstöðvunum þar sem súkkulaði er kynnt sem
hrein náttúruafurð og beljan hamingjusama með Alp-
ana í bakgrunni er fjólublá. Þetta með dverghestana er
ekki illa meint en þannig er talað um íslenska hesta
hér sem maður getur svosem skilið þegar þeir standa
við hliðina á arabískum lögguhesti.
Tyrkneski vinsældarlistinn hljómar út um þakglugg-
ann á húsinu á móti og lagið í þriðja sæti er Ijómandi.
Þýsk Volksmusik=Fólkstónlist kemst annars ekki með
tærnar þar sem evrópusöngvakeppnin er með hælana í
leiðindum talið. Ekki að undra að tónlistarstöðvarnar
MTV og VIVA séu vinsælar meðal yngri kynslóðarinnar
því þær stöðvar eru alveg lausar við jóðl og slagara.
Eða hvernig þætti ykkur að vera með kántrísúpu í eyr-
unum alla daga?
Hér er það þingið sem velur forseta en ekki almennir
kjósendur eins og í Rússlandi og á íslandi. Þetta finnst
fólki hér afar miður enda eðlilegt að menn fái að kjósa
beint. Hann Herzog forseti er hinsvegar góður maður og
næstum allir frekar ánægðir með hann. Við erum búin
að kjósa og þurftum bara að hjóla að þessu sinni til
ræðismanns íslands í úthverfi borgarinnar. Og ég vona
að þið hjólið líka á kjörstað í dag. Kærar kveðjur.