Dagur - 29.06.1996, Blaðsíða 13

Laugardagur 29. júní 1996 - DAGUR - 13
POPP_________________ MACNÚS GEIR CUÐMUNDSSON
Staðreyndir um Björk
Björk. Barnslega saklaus á stundum, en hefur unnið meiri afrek en
flestir henni eldri. Það sýna staðreyndimar um hana glögglega.
Nú þegar frægasti landi vor fyrr
og síðar, Björk Guðmundsdóttir,
er nýbúin að skemmta hér heima
með tónleikum í Laugardalshöll-
inni ásamt kærastanum Goldie og
Paid, með vellukkulegum hætti að
flestra dómi, er ekki úr vegi að
fara aðeins yfir helstu staðreynd-
irnar á ferli Bjarkar. Frá fyrstu
plötunni til afreka dagsins í dag.
• Árið 1977 þegar Björk er aðeins
11 ára gömul, kemur út fyrsta
platan með henni sem einfaldlega
heitir, Björk. Á henni er m.a. lagið
um Arabadrenginn, sem enn þann
dag í dag nýtur vinsælda. Meðal
þeirra sem lögðu hönd á plóg við
gerð plötunnar er hinn góði gítar-
leikari með meiru, Björgvin Gísla-
son.
• Tæpra sextán ára, 1981, þegar
pönkið hefur hafið innreið sína í
íslenskt samfélag fyrir alvöru, er
Björk orðin söngkona í hljómsveit-
inni Tappi Tíkarrass. Með henni,
þar sem líka var innanborðs m.a.
Eyþór Arnalds, seinna Todmobile-
og Bongmaður, hljóðritaði hún
fjögra laga 2 tommuna Bitið fast í
vitið 1982 og stóru plötuna Mí-
röndu 1983. Auk þess átti Tappinn
svo tvö lög í myndinni marg-
frægu, Rokk í Reykjavík og eitt lag
á safnplötunni, Salt 3.
• Sumarið 1983, í lokaþætti þeirra
Ásmundar Jónssonar og Guðna
Rúnars Agnarssonar, Áföngum,
tekur Björk næsta skrefið á tónlist-
arferlinum. Þar myndar hún
ásamt Einari Erni Benediktssyni,
söngvara, Sigtryggi Baldurssyni
trommara og Einari Melax hljóm-
borðsleikara og fleiri góðum
mönnum „súpergrúppuna" Kukl.
Kuklið starfaði í um þrjú ár og gaf
út auk nokkurra smáskífa tvær
plötur í Bretlandi, The Eye 1984 og
Hollydays In Europe 1985. Þessar
plötur sem komu út á hinu fræga
og framsækna merki Crass, lögðu
grunninn að því sem koma skyldi.
• 1986 klofnar Kuklið og þau
Björk, Einar og Sigtryggur stofna
svo strax nýja sveit, Sykurmolana,
sem síðar fullmótaðist með Þór
Eldon gítarleikara og síðast Mar-
gréti Örnólfsdóttur hljómborðs-
leikara (um skamma hríð komu
einnig við sögu sveitarinnar þeir
Einar Melax og Friðrik Erlingsson
á gítar, sem nú er betur þekktur
sem rithöfundur með meiru).
Plötur Bjarkar og Sykurmolanna
urðu þrjár, Life s To Good 1988,
Here Today, Tomorrow next
Week, 1989 og Stick Around For
Joy 1992, að ógleymdri „endur-
vinnslunni" It s It, sem leit dagsins
ljós seinna sama ár og SAFJ. Með
frama og stigvaxandi frægð Syk-
urmolanna var jarðvegurinn
frjóvgaður svo um munaði, fyrir
þá uppskeru sem Björk hefur notið
og ekki sér fyrir endann á.
• Mitt í hringiðunni með Sykur-
molunum hljóðritaði Björk
plötuna Gljíng gló með tríói Guð-
mundar heitins Ingólfssonar 1990
með þekktum lögum sem íslend-
ingum hafa verið kær.
• Framhaldið á ferli Bjarkar er síð-
an kunnara en frá þarf að greina í
löngu máli. Debut kom 1993 og
Post á síðasta ári. Koma hér að
lokum nokrir punktar um gengi
þessara platna og smáskífanna af
þeim.
• Debut náði hæst í 10. sæti í Bret-
landi, en Post fór hins vegar alla
leið í 2. sætið þar í landi.
• Árangur Post víðar um heim er
annars mjög glæsilegur.
Hún fór hæst í..
2. sæti í Ástralíu
28. í Bandaríkjunum
3. sæti í Finnlandi
2. sæti í Svíþjóð
4. sæti í Dannmörku
4. sæti í Noregi
1. sæti á íslandi
4. sæti í Belgíu
4. sæti á Nýja Sjálandi
5. sæti í Sviss
5. sæti í Hollandi
5. sæti í Þýskalandi
6. sæti í Frakklandi
6. sæti í Portúgal
15. sæti í Austurríki
• Smáskífumar af Debut og Post,
samtals átta, fjórar af hvorri plötu,
náðu svo eftirfarandi sætum á
breska vinsældalistanum.
Af Debut:
Human Behaviour í 36. sæti
Venus As A Boy í 29. sæti
Big Time Sensuality í 17. sæti
Violently Happy í 13. sæti
Af Post:
Army Of Me í 10. sæti
Isobel í 23. sæti
It s Oh So Quiet í 3. sæti
Hyperballad í 8. sæti
• í september er væntanleg frá
Björk skífan Telegram, sem
innihalda mun endurhljóðbland-
anir af lögum á Post auk einhvers
nýs efnis.
Fugees á jákvæðum
- og sækir í smiðju til góðra listamanna
Það hefur víst ekki farið framhjá poppinu, að eitt allra vinsælasta
neinum sem fylgist vel með í fyrirbæri þess nú um stundir er
tríóið Fugees frá New York í
Bandaríkjunum. Eins og hjá svo
mörgum svörtu tónlistarmönnun-
um nú í seinni tíð sem náð hafa að
slá í gegn, er það rappið sem er
þungamiðja hjá Fugees. Það er þó
með ýmsum áhrifum í bland eins
og menn hafa heyrt, frá reggí, sál-
arpoppi og fönki. Auk þess sem
stíll þeirra Lauren Hill söngkonu
og félaga hennar tveggja er mun
mýkri og jákvæðari en hjá flestum
þeim röppurum sem náð hafa vin-
sældum. Sem sagt ekkert
glæponarapp á ferðinni í þeirra til-
felli. Er skemmst frá því að segja
með Fugees, að með sinni annari
plötu, The Score, sem kom út fyrr
á þessu ári, hefur tríóið verið að
leggja heiminn smám saman að
fótum sér. Hefur platan víðast
hvar upp á síðkastið farið á topp
sölulistanna og fór m.a. á toppinn
í Bandaríkjunum nú fyrir stuttu.
Hefur þessi mikla sala komið í
kjölfar vinsælda smáskífulaganna,
^ Söngkonan Roberta Flack
^ gerði lagið Killing Me Softly
vinsælt fyrir 23 árum. Nú hefur
það öðlast lýðhylli á ný í flutn-
ingi Rapptríósins Fugees.
nótum
Killing Me Softly og No Woman
no Cry. Þau bæði hefur Fugees
sótt í smiðju eldri tónlistarmanna,
sem náðu á sínum tíma miklum
vinældum með þeim. í endumýj-
uðum útgáfum hefur Fugees svo
tekist að ná ekki minni árangri
með þessi lög og er þá mikið sagt.
No Woman No Cry er annars veg-
ar komið frá reggíkónginum látna,
Bob Marley, eitt af hans fjölmörgu
góðu lögum, en Killing Me Softly
er hins vegar eitt af þremur lögum
sem sálarpoppsöngkonan með
meiru, Roberta Flack, náði að
koma á topp bandaríska vinsælda-
listans fyrir rúmum tveimur ára-
tugum. Þessi myndarlega blökku-
kona hafði áður en til þessa kom
lengi verið að í söngbransanum
með misjöfnum árangri. Var það
beint eða óbeint sjálfum Clint
Eastwood að þakka að Roberta
varð fræg, því hann notaði lagið
The First Time Ever I Saw Your
Face með söng hennar í myndinni
sinni þekktu, Play Misty For me
árið 1972. Náði lagið gríðarhylli og
va.r það fyrsta sem Roberta náði á
toppinn. Killing Me Softly var svo
annað lagið sem slíkt gerði 1973
og náði það líka að fara í 6. sæti í
Bretlandi. Fugees hafa því valið
býsna vel af þessu að dæma.
Aðeins meira
um Metallica
Eins og nær fullyrt var í síðustu
viku hér á síðunni í grein um
Metallica og nýju plötu sveitar-
innar, þá gekk það eftir að plat-
an, Load, fór beint á toppinn í
Bandaríkjunum, eins og hún
hafði líka gert í Bretlandi, hér á
landi og víðar í fyrstu söluviku.
Ekki nóg með það, heldur fór
smáskífan með Until It Sleeps,
beint í tíunda sæti smáskífulist-
ans þar vestra skömmu áður.
Hefur þetta ekki gerst áður hjá
sveitinni, sem undirstrikar að
» vinsældirnar eru nú miklar sem
aldrei fyrr.
Billy Gibbons og félagar hans
í ZZ Top eru enn á fullu og
„fúlskeggjaðir eru hann og
Dusty Hill bassaleikari og
söngvari enn sem aldrei fyrr".
ZZTopenná
feroinni
Þrátt fyrir að hinir síðskeggjuðu
Dusty Hill og Billy Gibbons hafi
ásamt Frank Beard (sem þrátt
fyrir nafnið er lítt skeggjaður
miðað við hina tvo) hafi nú verið
að í hátt í þrjá ára tugi á fullu
gasi sem ZZ Top, er engin
þreyttumerki nema síður væri að
finna á þeim félögunum. Hafa
þessir bráðskemmtilegu blús-
búggírokkarar frá Texas nú ný-
lega sent frá sér nýja smáskífu,
Whats Up With That, sem for-
smekk að nýrri plötu. Rhythmen
mun hún nefnast og kemur út í
lok ágúst.
Líkleg til afreka
Fjögra maniia Popp/blúsrokk-
hljómsveitin Kula Shaker frá
London er nú ein sú helsta sem
Bretar binda vonir við þessa
stundina og þykir líkleg til af-
reka. Fyrr á þessu ári skrifaði
hún undir samning við
Sony/Columbia útgáfurisann og
gaf út fyrstu smáskífuna, It s
Greatful When You re Dead.
Vakti hún töluverða athygli,
þamiig að nokkur eftirvænting
hefur verið eftir meiru frá sveit--
inni. Nú í vikunni kom einmitt
nýtt lag út með henni og platan
K, er svo væntanleg í framhald-
inu. Sveitin er nú í annað sinn á
skömmum tíma að halda tón-
leika með tríóinu sérstaka frá
Seattle, Presidents Of The USA
og 18. júlí mun hún koma fram á
Phoenix tónlistarhátíðinni.
Loksins plata frá
Screaming Trees
Eftir langa mæðu og vesen, sem
m.a. fólst í því að upptökum sem
nægt hefðu á heila plötu var
hreinlega „hent", er nú ein af
betri og melódískari sveitum Se-
attlebylgjunnar, Screaming Tre-
es, loksins að koma með nýja
plötu. Ef ekki er rangt munað,
verður þetta áttunda plata Mark
Lanegans söngvara og kumpána
hans og mun hún bera titilinn
Dust. Utgáfa verður nú 1. júlí.