Þjóðviljinn - 23.03.1986, Blaðsíða 6

LEIKUST
Tvíburabræðurnir eru leiknir af Barða Guðmundssyni (tv.) og Ellert A. Ingimundarsyni.
Átök milli stétta
Rœtt við Pál Baldvin Baidvinsson leikstjóra
Já, þaö eru alls átta leikhús á
Norðurlöndum sem frumsýna
Blóðbræðurá þessu leikári.
Hvarvetna gengur þaö fyrir
fullu húsi. í Kaupmannahöfn
er til dæmis fullbókað á sýn-
ingar næstu þrjá mánuði.
Svipaða sögu er að segja frá
öðrum Evrópulöndum.
Þjóðviljinn fór því á stúfana
með það fyrir augum að hitta Pái
Baldvin Baldvinsson leikstjóra
og fá hann til að segja okkur orð
um sýningu L.A. á þessu geysi-
vinsæla verki. Með herkjum
tókst að króa Pál af í nokkrar
mínútur, því síðustu daga fyrir
frumsýningu er mikill annatími í
leikhúsi.
- Þessi söngleikur var saminn
upp úr litlu kennsluleikriti sem
sýnt var í gagnfræðaskólum í fá-
tækrahverfum Liverpoolborgar,
sagði Páll. Eins og fjöldinn allur
af hæfileikafólki sem kom frá
Liverpool á 7. áratugnum þurfti
Willy Russell að lifa í skugganum
frá hinum fjóru stóru, þe. Bítlun-
um.
Fyrsta leikrit hans sem hlaut
viðurkenningu fjallaði einmitt
um svipað tema og „Blóðbræð-
ur“, þótt efnið væri nokkuð frá-
brugðið. Það hét „John, Paul,
George, Ringo og Bert“, og var
frumsýnt 1974. En grunntónninn
er svipaður; annarsvegar þeir
sem koma frá Liverpool og verða
ríkir og frægir, hinsvegar þeir
sem eftir sitja í þeirri borgarkviku
sem Liverpool er og bera ekkert
úr býtum.
Menning
smáborgara
Russell, líkt og fleira gott
leikhúsfólk í Liverpool, sækir
efnivið sinn mjög mikið í smá-
borgaralegan kúltúr sem verka-
lýðsstéttin í breskum stórborgum
reynir að halda í, en hefur engar
forsendur fyrir. Allra síst núna
þegar 80% af fólki milli tvítugs og
þrjátíu og fimm ára er atvinnu-
laust og sér ekki fram á að vinna
næstu áratugina. Þarna eru
stéttaandstæðurnar svo gífurlega
skarpar að við íslendingar eigum
erfitt með að gera okkur grein
fyrir því.
Og „Blóðbræður" fjalla ein-
mitt um þessar andstæður.
Átökin milli fátækra og ríkra.
Þrátt fyrir þá staðreynd að Mikki
og Eddi séu albræður og miklir
vinir, er það einmitt stéttaskipt-
ingin sem sundrar þeim. Sá bróð-
irinn, sem er betur settur og
lendir hjá ríku fólki, tekur í raun-
inni allt frá hinum sem fátækur
Leikstjórinn, Páll Baldvin Baldvinsson, segir þeim til, Sunnu Borg (tv.) og Erlu
Skúladóttur. Myndir: GKJ.
er. Ríka konan, sem er óbyrja,
tekur barn úr verkalýðsstétt og
elur það upp í allsnægtum.
í verkinu er spilað feykilega vel
á þessa pólitísku strengi sem
liggja eins og rauður þráður
gegnum alla sýninguna.
Nœstum
ópera
Nei, þetta er ekki mjög
mannmörg sýning. Hún er yfir-
leitt sett upp með 8 til 10 leikur-
um. Hinsvegar eru mun fleiri
hlutverk. Til dæmis leikur sögu-
maðurinn á annan tug hlutverka.
Leikritið er þess eðlis að það
þyrfti bæði stærra hús og stærra
svið. Við erum með á 8. tug bún-
inga og margar senur, þannig að
þetta er töluvert viðamikil sýn-
ing. En hjá L.A. er áræðið fólk
sem kallar ekki allt ömmu sína í
þessum efnum, eins og menn
vita.
Um tónlistina sagði Páll að hún
væri mun meiri en í venjulegum
söngleikjum. Þetta jaðraði eigin-
lega við að nálgast óperu fremur
en söngleik í venjulegum skiln-
ingi orðsins.
Og nú er bara að sj á hvort þetta
vinsæla leikhúsverk mun ekki
snerta hjartastrengi Akureyringa
og annarra þeirra sem eiga leið á
sýningu L.A., á sama hátt og
frænda okkar á meginlandinu.
GA.
Laugardagskvöldið 22. mars
frumsýnir Leikfélag Akureyrar
söngleikinn Blóðbræðureftir
Willy Russell. Þettaverkvar
fyrst sýnt í Liverpool Play-
house í janúar 1983 og síðar í
Lyric leikhúsinu í London
sama ár. Það sló rækilega í
gegn á báðum stöðum og er
nú verið að sýna þennan
söngleik um alla Evrópu.
Söngleikurinn hefurþegar
hlotiðþrennverðlaun
gagnrýnenda í Bretlandi.
Höfundurinn Willy Russell er
líklega íslendingum kunnastur
fyrir Educating Rita, leikritið og
kvikmyndina, en Willy Russell
sló fyrst í gegn sem leikritahöf-
undur með „John, Paul, George,
Ringo and Bert", leikriti um Bít-
lana frá Liverpool, sem frumsýnt
var 1974. Síðan hafa mörg verka
hans verið flutt í leikhúsi og sjón-
varpi. Blóðbræður eru fyrsti
söngleikur höfundarins. Hann
samdi bæði texta og tónlist, og
hún er ekki lítil, því segja má að
tónlist lifi undir öllum leiknum.
Tónlistin er bæði djössuð, popp-
uð og melódísk, þetta er flókn-
asta tónlist sem hljómsveit L.A.
hefur flutt. Tveir hljóðfæraleika-
ranna og fimm leikarar koma frá
Reykjavík.
Lífsglaður
sorgarleikur
Leikritið fjallar um 25 fyrstu ævi-
ár tvíburabræðranna Mikka og
Edda. Einstæð móðir þeirra og 7
annarra barna neyðist til að gefa
annan drenginn frá sér við fæð-
ingu. Þeir alast síðan upp í gjöró-
líku umhverfi, Eddi í allsnægtum
og Mikki í fátækt hjá lífsglaðri
móður sinni. Enginn veit um
skyldleika þeirra nema mæðurn-
ar. Drengirnir kynnast sem strák-
lingar á götunni og gerast svo
miklir vinir að þeir sverjast í
fóstbræðralag. Og ástfangnir
verða þeir af sömu stúlkunni.
Trú, hjátrú og víti ganga eins og
rauður þráður í gegnum leikinn.
Hönd er lögð á helga bók og þag-
mælsku heitið, en áhorfendur
vita að þann dag, sem tvíbura-
bræður, aðskildir frá fæðingu,
komast að hinu sanna um skyld-
leika sinn, þá muni þeir deyja.
Þetta er lífsglaður sorgar-
leikur, hressilegur og margbrot-
inn, kraftmikill og tímabær,
þjóðsagnakenndur og nútíma
dæmisaga í senn.
Erla B. Skúiladóttir leikur hina
óbugandi hetju, móðurina Jónu.
Ellert A. Ingimundarson og
Barði Guðmúndsson fara með
hlutverk tvíburabræðranna. Prá-
inn Karlsson er sögumaður, ör-
lagavaldur verksins. Sunna Borg
túlkar efnuðu fósturmóðurina,
Theodór Júlíusson eiginmann
hennar, Pétur Eggerz leikur
harðjaxlinn, eldri bróður tvíbur-
anna, Vilborg Halldórsdóttir
stúlkuna sem þeir elska og annar
giftist, en auk þess er 4 manna
kór sem syngur og fer með smá-
hlutverk, þau Ólöf Sigríður Vals-
dóttir, Sigríður Pétursdóttir, Har-
aldur Hoe Haraldsson og Kristján
Hjartarson.
Ekki er að efa að þessi sýning á
eftir að hljóta verðskuldaða at-
hygli. Leikstjóri er Páll Baldvin
Baldvinsson, en Megas þýddi
verkið. Roar Kvam stjórnar
hljómsveitinni. - ga.
6 SÍÐA — ÞJÓÐVILJINN Sunnudagur 23. mars 1986