Dagblaðið - 28.04.1976, Blaðsíða 14
14
MIÐVIKUDACUK 2K. APRÍL 1976.
— og Dínamít líka, því Pétur kafteinn og
Nikulás Róbertsson hafa skipzt á hljómsveitum
Nikulás Róbertsson, píanóleikari Dínamíts og þar áður
Daggar, hefur tekið sœti Péturs „kafteins” Kristjáns-
sonar í Paradís. Þetta var afráðið á mánudagsmorgun-
inn, en síðar þann sama dag var ákveðið, að kafteinn-
inn fœri í Dínamít í stað Nikulásar, þannig að hér hafa í
rauninni verið höfð mannaskipti.
Brottför Péturs úr Paradís bar
mjög brátt að en hún er ekki sögö
standa i neinu sambandi við
nýlegar getgátur manna — m.a. í
Dagblaðinu — um að hann væri
að fara úr hljómsveitinni. Ekki
einu sinni í einkasamtölum hafa
„Paradísarfuglarnir” viljað viður-
kenna, að brottför Péturs kaft-
eins hafi þá komið til umræðu,
þannig að ef til vill má rekja
upphafið til þeirra umræðna, sem
visað var til á þessari síðu Dag-
blaðsins.
Við hittum þrjá félaganna úr
Paradís aö máli á mánudags-
kvöldið að aflokinni myndatöku
og spurðumst nánar fyrir um
ástæðurnar fyrir þessum manna-
breytingum.
,,Ætli megi ekki segja það, að
við höfum allir — bæði kafteinn-
inn og við hinir — gert okkur
grein f.vrir því á svipuðum tíma,
aö bezt væri að leiðir skildu,"
sagöi Gunnar Hermannsson
bassaleikari. ,,Þetta er allt gert í
hinu mesta hróðerni og engin ill-
indi þarna á bak við.”
Þeir Björgvin Gíslason og
Pétur W. Kristjánsson söngvari
tóku undir þessi orð. ..Aðdragand-
inn hefur ekki verið langur og
þess vegna gerum við okkur vonir
um að þetta geti gengið rólega
fyrir sig og við getum farið
að vinna strax aftur, enda eigum
við stórt verkefni f.vrir höndum.
heila breiðplötu,” sögðu þeir.
Frá því að hljómsveitin Paradís
var stofnuð fyrir um það bil ell-
efu mánuðum síðan hafa manna-
breytingar þar verið nokkuð
tíðar. Fvrst gerðist það að Pétur
Hjaltested orgelleikari gekk í
hljómsveitina eftir að hafa
aðstoðað við gerð tveggja laga
plötunnar „Superman"/„Just
Half Of You," en síðara lagið var
einmitt eftir Pétur kaftein.
Um áramót gengu svo þeir
Björgvin Gíslason og Ásgeir
Óskarsson í Paradís úr Pelican og
nú, fjórum mánuðum síðar,
kemur Nikulás Róbertsson í stað
Péturs kafteins.
Þessar tíðu mannabreytingar
hljóta að vekja upp spurninguna
um hvort ekki sé full harkalega
að farið og hvort hljómsveitin
gefi sér nægan tíma til að ná
saman í þá tónlistarlegu einingu.
sem að er stefnt.
Til þessa hafa nefndar bre.vt-
ingar aðeins haft jákvæð áhrif á
hljómsveitina. Hún hefur stöðugt
farið batnandi og ástæðulaust er
að efast um annað en svo
verði . þegar Nikulás gcngur í
sina paradís. Hann er sann-
reyndur hinn ágætasti píanó-
leikari, raunar menntaður einnig
LÁGLAUNAÐUR TROMMULEIKARI
Flestir skyldu ætla að þegar
hljómsveitin Who fer í þriggja
vikna hljómleikaferðalag um
Bretland þá komi meðlimir
hennar út með topptekjur. Svo
var líka með þrjá af þeim
félögum, en sá fjórði, Keith Moon,
fékk aðeins 47 pund og 35 pens
fyrir sína vinnu. Þessi upphæð
myndi samsvara um 16.000
krónum íslenzkum. Og ástæðan:
Jú, af 100.000 punda brúttó-
tekjum Moons fór svo til allt í að
greiða kostnað og skemmdir, sem
hann varð sér úti um í Englandi.
Til dæmis lagði hann hótelíbúð
svo gjörsamlega í rúst, að það
kostaði 1.000 pund að koma henni
í samt lag aftur.
„Eg hélt stórkostlegt partí i
þessari íbúð,” sagði Keith Moon
„Það stóð í tólf daga, og auðvitað
lætur ýmislegt á sjá á svo löngum
tíma.”
Talsmaður hótelsins hafði þetta
um málið að segja:
„Þessum manni gleymi ég og
annað starfslið hótelsins aldrei.
Því miður þá getum við aldrei
leyft honum að stiga inn fyrir dyr
hótelsins aftur.”
Af öðrum útgjaldaliöum Keith
Moon i Englandi má nefna að á
meðan ferðin stóð hafði hann
ávallt tvær Rolls Royee-bifreiðir
til taks hvenær sólarhringsins
sem var. Einnig réð hann sér
einkaþjón og herbergisþernu.
Er Who léku í Appolo leik-
húsinu í Glasgow tókst Moon að
leggja í rúst búningsherbergið
sem hann fékk til afnota. Hann
læstist inni í klæðaskáp og braut
sér að sjálfsögðu leið út úr
honum.
Hvað hafði svo Keith Moon að
segja um hungurlúsina, sem hann
fékk greidda fyrir hljómleika-
ferðina:
,,Eg hélt að umboðsmaðurinn
væri að grínast þegar hann rétti
mér ávisunina. Svo rétti hann
mér reikningana og ég gat ekki
stillt mig um að veltast um af
hlátri.”
— \T—
á ýmis blásturshljóðfæri, og á
dágott safn frumsaminna laga i
pokahorninu.
Það gæti komið sér prýðilega
fyrir Paradís, sem hyggst halda
ut*n til að hljóðrita f.vrstu breið-
plötu sina i næsta mánuði, en
mestan hluta hennar ætla þeir
félagar að hafa „heimasmiðaðan”
að öllu le.vti.
Dagblaðinu tókst ekki að ná
sambandi við Pétur kaftein áður
en blaðið fór í prentun og verður
þá sjónarmið hans í þessu máli að
bíða næstu poppsíðu.
ÓV
NIKKI R0BERTS
Með 11 ár
að baki
Nikulás Róbertsson er 22ja
ára gamall Vopnfirðingur.
Hann hóf að leika í hljóm-
sveitum 11 ára gamall og hélt
sig við dreifbýlishljómsveitir
til ársins 1973 er hann stofnaði
hljómsveitina Dögg ásamt
nokkrum öðrum. í Dögg lék
hann þar til seint á síðasta ári,
er hann gekk í Dínamít.
Það er skemmtilegt til þess
að vita að er Pétur Kristjáns-
son stofnaói Paradís í júni i
fyrra bauð hann Nikulási ein-
mitt hljómborðsleikarastöðuna
í hfjómsveitinni. Nikulás þáði
hana ekki, þar eð hann vildi
ekki evðileggja samheldni
Daggar, sem margir töldu að
ætti framtíðina fyr«r sér með
þáverandi liðsskipan.
Nú er Nikulás Róbertsson,
sveitapilturinn f.vrrverandi.
sem sagt kominn í fremstu línu
islenzkra tónlistarmanna. Dag-
blaðið óskar honum til
hantingju með það og vonar að
hann eigi eftir að vera þar
lengi. — Hann á það betur
skilið en margir aðrir.
—at—
NIKULÁS RÓBERTSSON. A
betur skilið en margir
aðrir að vera kominn í
fremstu víglínu íslenzkra
tónlistarmanna.
DB-mynd:
Björgvin Pólsson
■