Dagblaðið - 01.12.1977, Blaðsíða 4

DAGBLAÐIÐ. FIMMTUDAGUR 1. DESEMBER 1977.
„EITTHVAÐ RANGTIÞJOÐ-
FÉLAGIÞAR SEM EKKIER
HÆGT AÐ SEUA KUVSSÍK”
„Þegar hljómplötuútgef-
endur heyra minnzt á orðið
klassík, þá hrista þeir höfuðið
og vilja ekki koma nálægt út-
gáfunni. Því réðist ég í það stór-
virki að gefa jólaplötuna út
sjálfsagði Sigríður Ella
Magnúsdóttir, ein frægasta
söngkona Islendinga um þessar
mundir.
„I fyrra ætlaði ég að kaupa
íslenzka jólaplötu með klassisk-
um jólalögum. Þá kom i ljós að
slík plata hafði ekki verið gefin
út á Islandi í tuttugu ár.“
Sigríður Ella fékk til liðs við
sig Jón Stefánsson, en hann
hefur verið söngstjóri kirkju-
kórs Langholtssafnaðar síðan
1964 og syngur kórinn með á
plötunni. Einnig syngur eigin-
maður Sigríðar Ellu, Simon
Vaughn, sem er brezkur söngv-
ari. Syngur hann á íslenzku og
er framburður hans mjög
góður.
„Við vorum svo heppin að fá
til liðs við okkur bezta fólkið á
markaðinum,“ sagði Sigriður
Ella.
„Guðný Guðmundsdóttir
konsertmeistari og Manuela
Wiesler flautuleikari og ýmsir
hljóðfæraleikarar úr Sinfóníu-
hljómsveitinni annast undir-
leik. Upptakan fór fram í
Háteigskirkju og var nokkuð
sérstæð, því allt var tekið upp
samtímis, bæði undirleikurinn
og allur söngurinn, í stað þess
að oft eru raddirnar teknar upp
sér 'og síðan bætt við. Pétur
Steingrímsson upptökumaður
sá um upptökuna, en hann
þekkir kirkjuna manna bezt.
Hefur tekið þar upp fjölmargar
upptökur.
Okkur fannst nauðsynlegt að
taka þetta upp í kirkju til þess
að'fá hinn rétta kirkjutón, auk
þess sem hljómburðurinn í
kirkjunni er aldeilis frábær,"
sagði Sigríður.
Á þessari plötu, sem er
væntanleg á markaðinn í kring
um 10. desember, eru þrettán
lög, allt klassísk jólalög nema
þrjár Ave Maríur.
Flest lögin eru útsett sérstak-
lega fyrir plötuupptökuna og
komu meðal annarra Páll P.
Pálsson og Arni Björnsson tón-
skáld þar við sögu. Allir text-
arnir eru á íslenzku, þótt lögin
séu ekki öll íslenzk. Meðal höf-
undanna eru Þorsteinn Valdi-
marsson og Ingólfur Jónsson
frá Prestbakka. Daníel Daníels-
son á Dalvík hefur þýtt Ave
María eftir Schubert alveg
snilldarlega vel að sögn Sigríð-
ar Ellu.
Á plötunni er Heims um ból
tvisvar, í upphaflegri útsetn-
ingu höfundar í þýðingu Matt-
hiasar Jochumssonar, Hljóða
nótt, auk hinnar hefðbundnu
útgáfu.
Sigriður Ella sagði að íslend-
ingar væru liklega eina þjóðin
sem ekki notaði þýðingu þessa
gamla jólasálms, eins og aðrar
þjóðir gera, en Sveinbjörn
Egilsson samdi jólasálminn
Heims um ból, helg eru jól, sem
alltaf er sunginn þegar Islend-
ingar halda jól.
„Það hlýtur að vera eitthvað
rarjgt i því þjóðélagi þar sem
segir
Sigríður
Ella
söngkona,
sem gef ur
út klassíska
hljómplötu
með
jólalögum
Sigríður Ella og Jón Stefánsson eru þarna með plötuumslagið á milli sín, en á þvf er mynd úr fornri
bænabók Tilbeiðsla vitringanna. Teiknistofan örkin sá um uppsetningu og litgreiningu. DB-mynd
Bjarnleifur.
ekki er hægt að gefa út klass-
Iskar plötur á meðan popp-
plötuútgáfan er eins blómleg og
hún er hér,“ sagði Sigríður
Ella.
„Það liggur við að maður
þurfi næstum því að vera of-
stækismaður í greininni til þess
að fara út í svona nokkuð.“
A meðan samtalið fór fram
hljómuðu silfurhreinir tón-
arnir úr Háteigskirkju um íbúð
foreldra Sigríðar Ellu á Reyni-
melnum af tónbandi. Sigriður
og maður hennar eru búsett í
London. Daginn eftir að viðtal-
ið átti sér stað fór Sigríður utan
með tónböndin, en platan
verður pressuð I London og
kemur væntanlega á markað-
inn hér í kringum 10. desem-
ber.
- A.Bj.
Smiðjuvegur:
HVAÐ VARD
UM SKILTIN?
Guttormur segir: „Ekki ég”
Óskar segir: „Ekki ég”
Karl segir: „Ekki ég”
Gatnamút Smiðjuvegar og Reykjanesbrautar: Skiitin, sem vísuðu vegtarendum á fyrirtækin í Kópavogi,
eru öll horfin og enginn veit hvað um þau hefur orðið. DB-mynd Hörður.
Björgvin segir: „Ekki ég”
„Við gerum okkur auðvitað
grein fyrir því, að skiltin voru
ekki sett upp þarna á löglegan
máta, þ.e. það var ekki fengið
neitt sérstakt leyfi fyrir þeim,“
sagði einn eigenda iðnfyrirtækj-
anna fjölmörgu, er hafa aðsetur
sitt við Smiðjuveg í Kópavogi.i
viðtali við DB. „Hins vegar væri
gaman að vita, hvort Reykjavíkur-
borg, sem vissulega á landið, þar
sem skiltin voru, hefur fyrir-
skipað, að skiltin yrðu tekin
niður, eða hvort lögreglan hefur
látið taka þau niður af einhverj-
um ástæðum."
DB fór á stúfana og vildi
grennslast fyrir um skiltin góðu,
sem verið hafa fólki vegvísar að
þeim iðnfyrirtækjum sem þarna
eru nú, en hafa verið tekin sem
dæmi um hin fjölmörgu fyrir-
tæki, sem flutt hafa frá Reykjavík
á undanförnum árum.
„Nei, ég kannast ekki við að
hafa fyrirskipað að skiltin yrðu
fjarlægð," sagði Guttormur
Þormar yfirverkfræðingur um-
ferðarmála hjá Reykjavíkúrborg.
„Kannski hefur lögreglan látið
gera það, það er í rauninni ólög-
legt að setja upp svona skilti. En
við höfum ekki látið gera það.“
„Þið ættuð að spyrja hann Gutt-
orm Þormar að þessu, við höfum
ekki fjarlægt nokkur skilti nema
með þeirra samþykki nema þau
skilti, sem beinlinis hafa valdið
umferðartruflunum og þá ekki
nema í samráði við borgaryfir-
völd, enda erum við ekki með
neinar verklegar framkvæmdir í
svona málum, um það sér borgin,“
sagði Öskar Olason yfirlögreglu-
þjónn umferðardeildar í viðtali
við DB og þar með var það búið.
„Ég verð víst að athuga þetta
betur,“ sagði Guttormur Þormar,
er DB leitaði til hans á ný. „Verk-
stjórinn sem sér um þessi mál er
Karl Kristjánsson og ég hef ekki
trú á því að hann hafi tekið þau
niður án. þess að hafa samráð við
mig.“
„Eg hef ekki fengið neina fyrir-
skipun um að taka niður þessi
skilti," sagði Karl Kristjánsson,
verkstjóri, „og því ekki tekið þau.
Þetta snýr nú kannski að Kópa-
vogsmönnum, þú ættir að tala við
þá.“
Hjá Ahaldahúsi Kópavogs var
okkur vísað á Björgvin Bjarnason
birgðavörð, sem hefur umsjón
með umferðar- og öðrum skiltum
á vegum bæjarins.
„Ég fór þarna um fyrir nokkru
að huga að þessum skiltum en þá
voru þau horfin. Við höfum ekki
tekið þau niður, enda voru þau
ekki beint fyrir neinum," sagði
Björgvin. „Ætli þetta sé ekki enn
eitt dæmið um skemmdarverkin,
en þó getum við ekki verið viss-
ir.“
Spurningunni er sem sagt
ennþá ósvarað þrátt fyrir við-
leitni og DB auglýsir hér með
eftir upplýsingum.
- HP