Árbók Landsbókasafns Íslands - Nýr flokkur - 01.01.1986, Síða 28
28
ÚR MINNIS- OG REIKNINGABÓK
Landsbókasafni og er kennt við Knappsstaði (,,Hnappstaði“) í Stíflu.
Bandið var stælt á ljósprenti Guðbrandsbiblíu 1956. Báðar þessar
biblíur eru með áletrun Guðbrands sjálfs og er því trúlegt, að hann
hafi einnig skrifað á fleiri biblíur, sem hann gaf. Mjög væri því
fróðlegt og skemmtilegt, ef menn vissu af biblíum með áletrun
Guðbrands, sem hann gaf kirkjum, sem þarna eru nefndar, eða ein-
hverjum öðrum.
Þessi útgáfa er ekki stafrétt, heldur færð til nútímastafsetningar og
orðamyndir látnar haldast. Stafurinn c yfir línu, sem er merki fyrir
hundrað, er leystur upp með því orði í eintölu eða fleirtölu. Róm-
verskar tölur eru með lágstöfum í handritinu og er því haldið hér.
Þetta er Minnis- og reikningabók og þess vegna er ekki allt skrifað á
sama tíma. Reynt er að geta neðanmáls hvaða viðbætur eru helstar
og greinilegastar. Töluvert er um yfirstrikanir og eru þær allar
skáletraðar. Neðanmáls eru athugasemdir við ritun textans og einnig
eru skýrð latnesk orð, sem fyrir koma og ástæða þykir til að skýra.
Einnig er á fáeinum stöðum gerð grein fyrir bókum, sem nefndar eru í
textanum.
Um merki, sem sett hafa verið inn í texta er þetta helst: er
utan um orðhluta, sem aldrei hafa staðið í handriti, en ætla má, að
ritari hafi fellt niður af vangá. [ ] er utan um það sem rifið er burt og
ekki stendur nú í handritinu. () er utan um skammstafanir í handriti,
en þó eru svigar ekki haíðir utan um myndir af orðinu sonur.
Til útskýringar á verðlagi má nefna, að í hundraði voru 120 álnir
og 6 álnir í 1 eyri.