Árbók Landsbókasafns Íslands - Nýr flokkur - 01.01.1986, Qupperneq 70

70
LANDSBÓKASAFNIÐ 1984
Erlendur ritauki nam á árinu 1528 verkum, bókum, tímaritum og
ritröðum. Þótt bókakaupafé hækki nokkuð ár frá ári, heldur hækkun-
in ekki í við verðbólgu og verðhækkun á hvers konar ritum, svo að
mjög alvarlega horfir í þeim efnum. Er það eitt af brýnustu
nauðsynjamálum Landsbókasafns og íslenzkra rannsóknarbókasafna,
að fjárveitingar til bókakaupa verði stórauknar.
Stöðugt er unnið að lagfæringum á spjaldskrám. Má t. d. nefna, að
á nokkrum undanfornum árum hafa verið endurflokkaðar og endur-
skráðar um 1250 bækur í erlendum bókmenntum. Er þá farið eftir
þjóðerni rithöfundanna, en ekki tungunni, sem bókin birtist á, eins og
tíðkast að flokka í almenningsbókasöfnum. í félagsvísindum voru
endurflokkuð 1044 rit.
Við þennan þátt hafa unnið við flokkun Ólafur Hjartar deildar-
stjóri og skráningu Aðalheiður Friðþjófsdóttir, meðan hennar naut
við, og Sigríður Helgadóttir, í hálfu starfi. Pau flokkuðu og skráðu
vitaskuld jafnframt ný erlend rit, eftir því sem þau bárust.
STARFSLIÐ Einar G. Pétursson cand. mag. var settur
deildarstjóri þjóðdeildar frá 15. janúar
1984.
Tómás Helgason lét samkvæmt eigin ósk af starfi sínu sem
húsvörður Safnahússins 1. apríl, en því hafði hann gegnt síðan
haustið 1971.
Vér þökkum Tómasi dyggilega unnin störf á liðnum árum.
Gunnar Heiðdal var settur húsvörður Safnahússins frá 1. apríl
1984, en hann hafði þá gegnt húsvarðarstarfi í Norræna húsinu um 12
ára skeið.
Aðalheiður Friðþjófsdóttir lét samkvæmt eigin ósk af störfum í
Landsbókasafni 1. júlí, er hún réðst bókavörður Pósts og síma.
Aðalheiður varð bókavörður í Landsbókasafni haustið 1971 og vann
að skráningu erlendra rita, en hafði jafnframt lengi umsjón með
gæzlu á aðallestrarsal safnsins.
Vér þökkum Aðalheiði mikið starf og gott á liðnum árum.
Gísli Ragnarsson M. A. var settur bókavörður í Landsbókasafni
frá 10. ágúst 1984 að telja.